پی ایم یوتھ اسکیم کی شاندار کامیابیاں شہباز شریف کے وژن کا عملی ثبوت ہیں: رانا مشہود احمد
اشاعت کی تاریخ: 15th, January 2026 GMT
— تصویر بشکریہ رپورٹر
وزیراعظم کے مشیر برائے امورِ نوجوانان رانا مشہود احمد خان نے وزیراعظم یوتھ اسکیم کی نمایاں کامیابیوں کو شہباز شریف کے وژن کا عملی ثبوت قرار دیا۔
روزنامہ جنگ سے خصوصی گفتگو کرتے ہوئے انہوں نے کہا کہ وزیراعظم شہباز شریف نوجوانوں کو محض آبادی کا حصہ نہیں بلکہ پاکستان کے مستقبل کے معمار سمجھتے ہیں اور ان کا پختہ یقین ہے کہ باصلاحیت، بااختیار اور بااعتماد نوجوان ہی پاکستان کے بہتر اور مستحکم مستقبل کی ضمانت ہیں۔
رانا مشہود کے مطابق حکومت نے نوجوانوں کےلیے تعلیم، ہنر، کاروبار اور روزگار کے شعبوں میں جامع حکمتِ عملی اپنائی۔ وزیراعظم یوتھ بزنس اینڈ ایگریکلچر لون اسکیم کے تحت نوجوانوں کو کاروبار اور زرعی منصوبوں کے لیے 20 لاکھ روپے تک کے قرضے فراہم کیے گئے، جس سے ہزاروں نوجوان خود روزگار کی راہ پر گامزن ہوئے۔
پاک جاپان بزنس کونسل کے صدر رانا عابد حسین نے وزیراعظم یوتھ پروگرام کے چیئرمین رانا مشہود احمد خان کی کارکردگی کو خراجِ تحسین پیش کردیا۔
انہوں نے بتایا کہ تعلیم اور ٹیکنالوجی کے فروغ کے لیے وزیراعظم یوتھ لیپ ٹاپ اسکیم کے تحت ملک بھر کے طلبہ میں 5 لاکھ لیپ ٹاپس تقسیم کیے گئے، تاکہ نوجوان جدید تحقیق اور ڈیجیٹل مہارتوں سے آراستہ ہو سکیں۔
انہوں نے کہا کہ وزیراعظم یوتھ اسکلز ڈیولپمنٹ پروگرام کے ذریعے 3 لاکھ نوجوانوں کو فنی اور پیشہ ورانہ تربیت دی گئی، جس سے نوجوانوں کو ملکی اور عالمی لیبر مارکیٹ میں بہتر مواقع میسر آئے۔
وزیراعظم کے مشیر برائے امورِ نوجوانان نے کہا کہ کم آمدنی والے طبقے کے لیے مائیکرو انٹرسٹ فری لون اسکیم کے تحت 50 ہزار روپے تک بلاسود قرضے فراہم کیے گئے، تاکہ مالی وسائل کی کمی رکاوٹ نہ بنے۔
انہوں نے مزید کہا کہ اسی طرح تعلیم اور عملی تجربے کے درمیان خلا ختم کرنے کے لیے نیشنل انٹرن شپ پروگرام کے تحت ہر سال 50 ہزار انٹرنز کو مواقع دیے گئے اور ہر انٹرن کو 12 ہزار روپے ماہانہ وظیفہ دیا گیا۔
رانا مشہود نے یہ بھی کہا کہ نیڈ بیسڈ اسکالرشپس کے ذریعے گریجویٹ طلبہ کو 40 ہزار روپے تک مالی معاونت بھی فراہم کی گئی۔ وزیراعظم شہباز شریف کے وژن کے تحت یہ تمام اقدامات نوجوانوں پر اعتماد کا اظہار ہیں اور یہی نوجوان پاکستان کے روشن، مضبوط اور خودمختار مستقبل کی ضمانت ہیں۔
.
ذریعہ
ذریعہ: Jang News
کلیدی لفظ: وزیراعظم یوتھ نوجوانوں کو رانا مشہود شہباز شریف انہوں نے کے لیے کے تحت کہا کہ
پڑھیں:
گل فیروزہ، سدرہ امین اور نشرہ سندھو کی شاندار کارکردگی، پاکستان نے سری لنکا کیخلاف پہلا پہلے ون ڈے جیت لیا
گل فیروزہ، سدرہ امین اور نشرہ سندھو کی عمدہ کارکردگی کی بدولت پاکستان ویمنز کرکٹ ٹیم نے سری لنکا کو پہلے ایک روزہ میچ میں 5 وکٹوں سے شکست دے کر 3 میچوں کی سیریز میں 1-0 کی برتری حاصل کر لی۔
یہ بھی پڑھیں: پاکستان ویمنز ٹیم کا سری لنکا ٹور: ٹی20 سیریز نئے مقام پر منتقل، کس کا پلڑا بھاری؟
آئی سی سی ویمنز چیمپیئن شپ 2025-29 کے تحت کھیلے گئے میچ میں سری لنکا نے ٹاس جیت کر پہلے بیٹنگ کا فیصلہ کیا تاہم پاکستانی بولرز کی نپی تلی بولنگ کے باعث مقررہ 50 اوورز میں 9 وکٹوں کے نقصان پر 210 رنز ہی بنا سکی۔
سری لنکا کی جانب سے اوپنرز وشمی گوناتنے اور کپتان چماری اتھاپتھو نے ٹیم کو اچھا آغاز فراہم کیا اور ابتدائی 5 اوورز میں بغیر کسی نقصان کے 31 رنز بنائے۔ دونوں نے پہلی وکٹ کے لیے نصف سینچری شراکت بھی قائم کی جو سری لنکا کی جانب سے ون ڈے کرکٹ میں کسی بھی اوپننگ جوڑی کی 5ویں ففٹی پارٹنرشپ تھی۔
پاکستانی اسپنرز کے اٹیک پر آنے کے بعد سری لنکن بیٹنگ کی رفتار سست پڑ گئی۔ نشرہ سندھو نے پہلے وشمی گوناتنے کو آؤٹ کیا جبکہ بعد ازاں کپتان چماری اتھاپتھو کو بھی بولڈ کر دیا۔
اتھاپتھو اور حسینی پریرا نے دوسری وکٹ کے لیے 53 رنز جوڑے تاہم اس کے بعد پاکستانی بولرز نے میچ پر گرفت مضبوط کر لی۔ نیلکشیکا سلوا اور کویشا دلہاری کے درمیان 5ویں وکٹ کے لیے 42 رنز کی شراکت کے علاوہ کوئی بڑی پارٹنرشپ نہ بن سکی جبکہ آخری 7 اوورز میں سری لنکا نے 32 رنز کے عوض 5 وکٹیں گنوا دیں۔
مزید پڑھیے: فاطمہ ثنا نے تاریخ رقم کر دی، ویمنز دی ہنڈرڈ کھیلنے والی پہلی پاکستانی کرکٹر بن گئیں
پاکستان کی جانب سے نشرہ سندھو نے شاندار بولنگ کرتے ہوئے 42 رنز دے کر 3 وکٹیں حاصل کیں۔
گل فیروزہ کی مسلسل چوتھی نصف سینچری211 رنز کے ہدف کے تعاقب میں پاکستان نے پراعتماد آغاز کیا۔ اوپنر گل فیروزہ نے ایک مرتبہ پھر عمدہ بیٹنگ کا مظاہرہ کرتے ہوئے مسلسل چوتھی ون ڈے نصف سینچری اسکور کی۔
انہوں نے ابتدائی پاور پلے میں جارحانہ انداز اپنایا اور صدف شمس کے ساتھ پہلی وکٹ کے لیے 58 رنز کی شراکت قائم کی۔
Pakistan women beat Sri Lanka women by 5 wickets in the first One-Day International of the three-match series in Hambantota today.@TheRealPCBMedia @TheRealPCB #News #RadioPakistan https://t.co/5cesGghrAK
— Radio Pakistan (@RadioPakistan) July 23, 2026
بعد ازاں گل فیروزہ اور سدرہ امین نے دوسری وکٹ کے لیے 90 رنز کا اہم اضافہ کیا جس نے پاکستان کی فتح کی بنیاد رکھ دی۔
مزید پڑھیں: ویمنز ورلڈکپ فوٹو شوٹ میں فاطمہ ثنا اور جے شاہ کا مصافحہ توجہ کا مرکز بن گیا
گل فیروزہ نے 77 گیندوں پر 78 رنز کی شاندار اننگز کھیلی جبکہ صدف امین نے ذمہ دارانہ بیٹنگ کرتے ہوئے 94 گیندوں پر 57 رنز بنائے۔
پاکستان نے مطلوبہ ہدف 45 اوورز میں 5 وکٹوں کے نقصان پر حاصل کر لیا اور یوں سیریز کا آغاز کامیابی سے کیا۔
آئی سی سی ویمنز چیمپئن شپ میں دوسری پوزیشنیہ پاکستان ویمنز ٹیم کی مسلسل 5ویں ون ڈے فتح ہے جس کے بعد قومی ٹیم آئی سی سی ویمنز چیمپیئن شپ کے پوائنٹس ٹیبل پر دوسرے نمبر پر پہنچ گئی۔
یہ بھی پڑھیے: فاطمہ ثنا کا ایک اور سنگ میل: صرف 15 گیندوں پر نصف سینچری بناکر ٹی 20 کا نیا عالمی ریکارڈ قائم کردیا
پاکستان اور سری لنکا کے درمیان سیریز کا دوسرا ایک روزہ میچ 25 جولائی کو ہمبنٹوٹا میں ہی کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ویمنز بمقابلہ سری لنکا پاکستان ویمنز ٹیم کی فتح سدرہ امین صدف شمس فاطمہ ثنا گل فیروزہ
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا