ووٹر لسٹ میں نام ہیں پھر بھی میرے رشتہ داروں کو بنگلہ دیش بھیج دیا گیا، مسلم خاتون کی سپریم کورٹ میں عرضی
اشاعت کی تاریخ: 15th, January 2026 GMT
خاتون کی درخواست میں کہا گیا کہ ہائی کورٹ نے کیس کے میرٹ پر نہیں بلکہ صرف اس بنیاد پر مداخلت کرنے سے انکار کیا کہ درخواست گزار عدالت کے سامنے پیش ہونے میں "تاخیر کی وضاحت" کرنے میں ناکام رہی۔ اسلام ٹائمز۔ بھارتی ریاست آسام کی ایک 44 سال کی مسلم بیوہ نے سپریم کورٹ سے رجوع کیا ہے۔ اس نے الزام لگایا کہ آسام فارنرز ٹربیونل نے اسے غیر ہندوستانی قرار دیا اور جب اس نے گوہاٹی ہائی کورٹ سے رجوع کیا، تو عدالت نے تاخیر سے دائر ہونے کا حوالہ دیتے ہوئے کیس کی سماعت کرنے سے انکار کردیا، خاتون اس وقت بنگلہ دیش میں ہے۔ ایڈووکیٹ عدیل احمد کے ذریعے دائر کی گئی درخواست میں خاتون نے کہا کہ درخواست گزار احترام کے ساتھ عرض کرتی ہے کہ یہ معاملہ 1998ء میں شروع ہونے والی ایک طویل اور بدقسمتی سے قانونی کارروائی سے متعلق ہے۔ پولیس نے الیکٹورل رجسٹریشن آفیسر کی رپورٹ کی بنیاد پر کارروائی کی، یہ فیصلہ بغیر کسی نوٹس یا درخواست گزار کی شرکت کے لیا گیا۔
12 جنوری کو ایک حکم میں سپریم کورٹ میں چیف جسٹس سوریہ کانت اور جسٹس جویمالیہ باغچی کی مشترکہ بنچ نے حکم دیا کہ درخواست گزار کے بھائی کی طرف سے جمع کرائے گئے دستاویزات کی سچائی کی تصدیق کے محدود مقصد کے لئے نوٹس جاری کیا جائے، جنہوں نے ان کی جانب سے حلف نامہ داخل کیا۔ 16 مارچ 2026ء تک جواب دینا ہے۔ درخواست گزار کی نمائندگی سینئر ایڈوکیٹ سی یو سنگھ نے کی۔ یہ کیس بعد میں 12 ستمبر 2019ء کو آسام میں فارنرز ٹریبونل کے ایک حکم کے ساتھ ختم ہوا، جس میں انہیں غیر ملکی شہری قرار دیا گیا۔ ٹریبونل نے کہا کہ وہ اپنے ہندوستانی والدین اور دادا دادی کے ساتھ اپنے تعلقات کو ثابت کرنے میں ناکام رہی۔
خاتون نے بتایا کہ میں نے نو درست دستاویزات جمع کرائے ہیں، جن میں لگاتار چار ووٹر لسٹیں (1965، 1970، 1985، اور 1997)، جمع بندی اور اراضی کا ریکارڈ، ایک رجسٹرڈ گفٹ ڈیڈ، ایک اسکول کا سرٹیفکیٹ، اور اس کے گاؤں کے سربراہ کی طرف سے جاری کردہ ایک گاونبورہ سرٹیفکیٹ شامل ہیں۔ متاثرہ نے بتایا کہ اسے کووڈ 19 وبائی مرض کے دوران رہائی تک حراستی کیمپ میں رکھا گیا تھا۔ ٹریبونل کے حکم کے چھ ماہ بعد اس نے گوہاٹی ہائی کورٹ سے رجوع کیا۔ ہائی کورٹ کے سامنے، خاتون نے دعویٰ کیا کہ اس نے جو بھی دستاویزات جمع کرائے وہ مکمل طور پر غلط وجوہات کی بنا پر غلط طریقے سے مسترد کر دیے گئے۔
خاتون کی درخواست میں کہا گیا کہ ہائی کورٹ نے کیس کے میرٹ پر نہیں بلکہ صرف اس بنیاد پر مداخلت کرنے سے انکار کیا کہ درخواست گزار عدالت کے سامنے پیش ہونے میں "تاخیر کی وضاحت" کرنے میں ناکام رہی اور ٹریبونل نے کسی بھی متنازعہ دستاویزات کی جانچ کئے بغیر یا ٹربیونل کی واضح غلطیوں کو درست کئے بغیر اس کی ساکھ پر غلط فیصلہ سنایا۔ درخواست گزار نے دعویٰ کیا کہ اس کے والدین کو حتمی این آر سی میں قبول کر لیا گیا ہے۔
ذریعہ
ذریعہ: Islam Times
کلیدی لفظ: کہ درخواست گزار ہائی کورٹ کیا کہ
پڑھیں:
بجلی 1 روپیہ 73 پیسے مہنگی کرنے کی درخواست پر فیصلہ محفوظ
فائل فوٹونیشنل الیکٹرک پاور ریگولیٹری اتھارٹی (نیپرا) نے 1 روپیہ 73 پیسے بجلی مہنگی کرنے کی درخواست پر فیصلہ محفوظ کرلیا۔
نیپرا نے ماہانہ ایڈجسٹمنٹ کی مد میں کراچی سمیت ملک بھر کےلیے بجلی 1 روپیہ 73 پیسے مہنگی کرنے کی درخواست پر سماعت کی۔
نیپرا اعلامیے کے مطابق سی پی پی اے کی اپریل کی ماہانہ ایڈجسٹمنٹ کی درخواست پر محفوظ فیصلہ بعد میں جاری کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے