ٹرمپ کا رضا پہلوی پر عدم اعتماد، ایران کی اسلامی حکومت گرنے کے موقعے کا دعویٰ
اشاعت کی تاریخ: 15th, January 2026 GMT
واشنگٹن:
امریکی صدر ڈونلڈ ٹرمپ نے ایران میں احتجاج کے نتیجے میں اسلامی حکومت کے خاتمے کے لیے موقع قرار دیتے ہوئے سابق شاہ کے بیٹے رضا پہلوی کی ممکنہ حکمرانی کی صلاحیت پر سوالات اٹھا دیے ہیں۔
غیرملکی خبرایجنسی رائٹرز کے مطابق امریکی صدر ڈونلڈ ٹرمپ نے انٹرویو میں بتایا کہ ایران کے اپوزیشن رہنما رضا پہلوی بہت اچھے نظر آ رہے ہیں لیکن وہ اگر اقتدار ملا تو ملک کو کیسے چلائیں گے اس حوالے سے غیریقینی ہے۔
ڈونلڈ ٹرمپ نے کہا کہ موقع ہے ایران کی اسلامی حکومت گرسکتی ہے۔
ایران میں حالیہ ہنگامہ آرائی کے بعد ڈونلڈ ٹرمپ ایران میں حکومت کی تبدیلی کی مسلسل دھمکیاں دے رہے ہیں لیکن وہ رضا پہلوی کو حکومت سونپنے کی مکمل حمایت سے گریزاں ہیں، سابق شاہ کے بیٹے ہیں جن کی حکومت 1979 کے انقلاب کے نتیجے میں ختم ہوگئی تھی۔
رضا پہلوی کے حوالے سے امریکی صدر نے کہا کہ وہ بہت اچھے نظر آ رہے ہیں لیکن میں نہیں جانتا کہ وہ پانے ملک کو کس طرح چلائیں گے اور ہم حقیقی معنوں میں ابھی اس سطح تک نہیں پہنچے ہیں۔
انہوں نے کہا کہ میں نہیں جانتا ان کا ملک انہیں تسلیم کرتا ہے یا نہیں اور اگر عوام ایسا چاہتے ہیں تو پھر میرے لیے بہترین ہے۔
ڈونلڈ ٹرمپ نے اس سے قبل ایران میں حکومت کی تبدیلی اورحکمرانی کے لیے رضا پہلوی کی واپسی کی حوالے سے خبروں کے دوران ان سے ملاقات سے انکار کیا تھا۔
امریکی صدر نے کہا کہ یہ ممکن ہے کہ تہران کی حکومت احتجاج کی وجہ سے گرسکتی ہے لیکن حقیقت میں کوئی بھی حکومت ناکام ہوسکتی ہے، حکومت گرے یا نہ گرے مگر ان کے لیے یہ ایک دلچسپ وقت ہوگا۔
خیال رہے کہ 65 سالہ رضا پہلوی 1979 میں ایران میں اسلامی انقلاب کے بعد امریکی میں جلاوطن ہیں اور ایران میں حالیہ فسادات کے بعد ان کا نام اہم لیڈر کے طور پر لیا جا رہا ہے جبکہ ایران کی اپوزیشن مفادات اور نظریاتی حوالے سے تقسیم ہے۔
ایران کی اپوزیشن میں شامل بادشاہت کا حامی گروپ رضا پہلوی کے ساتھ ہے اور حالیہ کشیدگی کے دوران کسی حد تک منظم انداز میں سامنے آگیا ہے۔
.
ذریعہ
ذریعہ: Express News
کلیدی لفظ: ڈونلڈ ٹرمپ نے امریکی صدر ایران میں رضا پہلوی نے کہا کہ حوالے سے ایران کی
پڑھیں:
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی WhatsAppFacebookX 0 23 July, 2026 سب نیوز
لندن (آئی پی ایس )امریکا کی جانب سے ایران پر بمباری کے لیے برطانوی ائیربیس کے استعمال پر ایرانی پاسداران انقلاب نے برطانیہ کو سخت ردعمل کی دھمکی دی ہے۔برطانوی میڈیا کے مطابق نئے وزیراعظم اینڈی برنہم کے عہدہ سنبھالنیکے بعد امریکی فوج نے گلوسیسٹرشائر میں واقع رائل ائیر فورس کے آر اے ایف فیئرفورڈ فضائی اڈے سے ایران کے خلاف B-1 اسٹریٹجک بمبار طیاروں سے بمباری کی۔
ایرانی میڈیا کے مطابق اس حملے میں امریکی طیاروں نے ایران عراق سرحدی علاقے شلمچہ بارڈرکراسنگ کو نشانہ بنایا جس میں 2 افراد شہید اور 11 زخمی ہوئے۔ ایران نے اس کے جواب میں آنکھ کے بدلے آنکھ کی بنیاد پر جوابی کارروائیوں کی دھمکی دی۔
ایرانی وزیر خارجہ عباس عراقچی نیکہا کہ ہماری دفاعی پالیسی واضح ہے، آنکھ کے بدلے آنکھ۔ جو لوگ کسی بھی قسم کی مدد کے ذریعے ایران کیخلاف جارحیت میں شریک ہوں گے، انہیں بھی جائز ہدف سمجھا جائیگا۔اب ایرانی پاسداران انقلاب نے امریکی طیاروں کے برطانوی فضائی اڈوں کے استعمال پر برطانیہ کو خبردار کیا ہے۔
پاسداران انقلاب کا کہنا ہیکہ حالیہ کارروائیوں میں امریکی افواج نے ابتدا میں بحر ہند میں موجود بحری جہازوں سے کروز میزائل داغے اور جب ان کے ذخائر کم ہوگئے تو برطانیہ کے آر اے ایف فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔پاسداران انقلاب نے خبردار کیا ہیکہ ایران کے خلاف کسی بھی جارحیت میں استعمال ہونے والا ہر فوجی اڈہ ایک جائز فوجی ہدف سمجھا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرجدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا اگلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار