امریکہ ایک ایک کرکے مسلم ممالک کو اپنی سازشوں کا نشانہ بنا رہا ہے، بلال عباس قادری
اشاعت کی تاریخ: 15th, January 2026 GMT
مرکزی صدر پاکستان سنی تحریک نے کہا کہ یہ سوال پوری دنیا کے سامنے ہے کہ امریکہ کسی خودمختار ملک کے اندرونی معاملات میں مداخلت کرنے والا کون ہوتا ہے، کیا امریکہ خود کو دنیا کا ٹھیکیدار اور جج سمجھتا ہے، مسلم ممالک کے فیصلے وہاں کی عوام اور قیادت کا حق ہیں، کسی بیرونی طاقت کو یہ اجازت نہیں دی جا سکتی۔ اسلام ٹائمز۔ مرکزی صدر پاکستان سنی تحریک صاحبزادہ علامہ بلال عباس قادری نے مسلم ممالک کے تحفظات کا اظہار کرتے ہوئے کہا کہ امریکہ طویل عرصے سے مسلم دنیا کو اپنی سامراجی پالیسیوں کا نشانہ بنائے ہوئے ہے اور ایک منظم سازش کے تحت ایک ایک کر کے مسلم ممالک کے اندرونی معاملات میں مداخلت کر رہا ہے، امریکہ کی یہ روش عالمی قوانین، اقوام متحدہ کے چارٹر اور ریاستی خودمختاری کی صریح خلاف ورزی ہے، امریکہ جہاں بھی اپنے مفادات خطرے میں دیکھتا ہے وہاں انسانی حقوق، جمہوریت اور آزادی کے نام پر مداخلت کو جواز بنا لیتا ہے جبکہ حقیقت میں اس کا مقصد مسلم ممالک کے وسائل پر قبضہ، داخلی انتشار پیدا کرنا اور امتِ مسلمہ کو کمزور کرنا ہے، عراق، افغانستان، شام، لیبیا اور فلسطین اس کی کھلی مثالیں ہیں جہاں امریکہ اور اس کے اتحادیوں کی مداخلت نے تباہی، خونریزی اور عدم استحکام کے سوا کچھ نہیں دیا۔
.
ذریعہ
ذریعہ: Islam Times
کلیدی لفظ: مسلم ممالک کے
پڑھیں:
اداکار شان بیگ اور روما مائیکل رشتۂ ازدواج میں منسلک، مداحوں کو خوشخبری سنا دی
پاکستانی شوبز انڈسٹری کے معروف اداکار شان بیگ اور ماڈل سے اداکارہ بننے والی روما مائیکل نے خاموشی سے شادی کرلی۔
اس خوشخبری کا اعلان شان بیگ نے سوشل میڈیا کے ذریعے کیا، جہاں انہوں نے اپنی اہلیہ روما مائیکل کے ساتھ ایک تصویر شیئر کی، جس پر ’Wifey‘ کا اسٹیکر بھی نمایاں تھا۔ بعد ازاں روما مائیکل نے بھی یہی تصویر اپنے انسٹاگرام اکاؤنٹ پر شیئر کرکے اس خبر کی تصدیق کردی۔
شادی کی خبر سامنے آتے ہی مداحوں، شوبز شخصیات اور ساتھی فنکاروں کی جانب سے مبارکباد اور نیک تمناؤں کا سلسلہ شروع ہوگیا۔ روما مائیکل نے اپنی انسٹاگرام اسٹوریز پر موصول ہونے والے متعدد مبارکبادی پیغامات بھی شیئر کیے، جن میں ان کی خوشحال ازدواجی زندگی کے لیے دعائیں کی گئیں۔
اس خوشخبری کے کچھ ہی دیر بعد شان بیگ نے ایک تفصیلی بیان جاری کرتے ہوئے مداحوں اور میڈیا سے اپنی نجی زندگی کا احترام کرنے کی درخواست کی۔ انہوں نے بتایا کہ ان کی سابقہ اہلیہ سے طلاق کا عمل کافی عرصہ پہلے مکمل ہوچکا تھا اور دونوں اپنی اپنی زندگی میں آگے بڑھ چکے ہیں۔ اداکار کے مطابق اب انہوں نے امید، خوشی اور شکرگزاری کے ساتھ زندگی کے ایک نئے باب کا آغاز کیا ہے۔
شان بیگ نے اپنے پیغام میں لوگوں سے اپیل کی کہ وہ ماضی کو ماضی رہنے دیں اور افواہوں، قیاس آرائیوں یا غیر ضروری موازنوں سے گریز کریں۔ ان کا کہنا تھا کہ اس وقت ان کی تمام تر توجہ اپنی نئی ازدواجی زندگی، خاندان، بطور والد اپنی ذمہ داریوں اور مستقبل پر مرکوز ہے۔
شان بیگ پاکستان میں متعدد کامیاب ڈراموں میں اداکاری کے جوہر دکھا چکے ہیں، جبکہ بین الاقوامی سطح پر بھی انہوں نے اپنی صلاحیتوں کا لوہا منوایا ہے۔ وہ حال ہی میں ہالی ووڈ سیریز ’Deli Boys‘ کے دوسرے سیزن میں بھی نظر آئے تھے۔ اداکاری کے ساتھ ساتھ وہ فیشن انفلوئنسر کے طور پر بھی خاصی شہرت رکھتے ہیں اور انہیں 2023 اور 2024 میں فلم فیئر مڈل ایسٹ کی جانب سے ’فیشن انفلوئنسر آف دی ایئر‘ کا اعزاز بھی دیا جا چکا ہے۔
دوسری جانب روما مائیکل نے بطور ماڈل اپنی شناخت قائم کرنے کے بعد اداکاری کے میدان میں قدم رکھا۔ وہ 2023 اور 2024 میں پاکستان کی نمائندگی کرتے ہوئے ’مس چارم‘ اور ’مس گرینڈ بیوٹی‘ پیجنٹس میں بھی شریک رہیں، جبکہ فلم ’کہے دل جدھر‘ سمیت متعدد پراجیکٹس میں اپنی اداکاری کے باعث بھی توجہ حاصل کر چکی ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا