نئی دہلی میں گہری دھند‘ اندرا گاندھی ائرپورٹ پر 22 پروازیں منسوخ
اشاعت کی تاریخ: 16th, January 2026 GMT
data-id="863a0a8" data-element_type="widget" data-widget_type="theme-post-content.default">
نئی دہلی(انٹرنیشنل ڈیسک) بھارتی دارالحکومت نئی دہلی میں دھند کے باعث اندرا گاندھی بین الاقوامی ہوائی اڈے سے 22 پروازوں کی آمدو رفت منسوخ کردی گئی،جب کہ 100سے زیادہ پروازیں تاخیر کا شکار ہو گئیں۔ذرائع ابلاغ کے مطابق دھند کے باعث نئی دہلی آنے والی 11 اور روانہ ہونے والی 11 پروازیں منسوخ کر دی گئیں۔ اندرا گاندھی انٹر نیشنل ائرپورٹ پر رات 3 بجے کے بعد حد نگاہ کم ہونا شروع ہو ئی جو جمعرات کی صبح تک کم ہو کر صرف 50 میٹر رہ گئی۔ اس صورتحال میں صبح 5 بجے کے بعد ائرپورٹ آپریشن کیٹ3 طریقہ کار کے مطابق شروع کیا گیا جس کے تحت صرف ان طیاروں کو لینڈنگ اور ٹیک آف کی اجازت دی گئی جو کیٹ 3آلات سے لیس ہوں اور جن کے پائلٹ خصوصی تربیت کے حامل ہوں۔ دوسری جانب بھارت کے دیگر شہروں غازی آباد اور چندی گڑھ میں بھی دھند سے پروازوں کی آمدورفت متاثر رہی۔
ذریعہ
ذریعہ: Jasarat News
کلیدی لفظ: نئی دہلی
پڑھیں:
اسلام آباد میں مارکیٹوں اور دکانوں کے اوقات کار میں توسیع کی منظوری
دارالحکومت اسلام آباد میں مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے