مچل اسٹارک آئی سی سی پلیئر آف دی منتھ قرار، دسمبر 2025 کا اعزاز آسٹریلوی فاسٹ بولر کے نام
اشاعت کی تاریخ: 16th, January 2026 GMT
آسٹریلیا کے مایہ ناز فاسٹ بولر مچل اسٹارک کو دسمبر 2025 کے لیے آئی سی سی مینز پلیئر آف دی منتھ منتخب کر لیا گیا ہے، یہ اعزاز انہیں ایشز سیریز میں شاندار آل راؤنڈ کارکردگی اور میچ وننگ پرفارمنس کے اعتراف میں دیا گیا۔
For his heroics in Australia's Ashes triumph, Mitchell Starc has been crowned the ICC Men's Player of the Month for December 2025 ⚡
Read more ???? https://t.
— ICC (@ICC) January 15, 2026
دبئی میں آئی سی سی کی جانب سے جاری بیان کے مطابق مچل اسٹارک نے ویسٹ انڈیز کے بیٹر جسٹن گریوز اور نیوزی لینڈ کے فاسٹ بولر جیکب ڈفی کو پیچھے چھوڑتے ہوئے یہ اعزاز حاصل کیا۔ ایشز سیریز میں اسٹارک نے ابتدا ہی میں پرتھ ٹیسٹ میں 10 وکٹیں حاصل کر کے سیریز کا رخ آسٹریلیا کے حق میں موڑ دیا، جبکہ برسبین ٹیسٹ میں مزید 8 وکٹیں لے کر اپنی برتری برقرار رکھی۔
یہ بھی پڑھیں:تیسرا ایشز ٹیسٹ: بین اسٹوکس مچل اسٹارک کی گیند پر آؤٹ ہوکر آپے سے باہر، ویڈیو وائرل
دسمبر کے دوران انہوں نے ایڈیلیڈ اور میلبورن ٹیسٹ میں بھی چار، چار وکٹیں حاصل کیں اور یوں مہینے کے اختتام تک 16 وکٹیں اپنے نام کیں۔
اسٹارک نے بیٹنگ میں بھی اہم کردار ادا کیا اور برسبین و ایڈیلیڈ میں نصف سنچریاں اسکور کر کے نچلے نمبر پر قیمتی رنز فراہم کیے، جس کی بدولت آسٹریلیا نے 5 ٹیسٹ میچوں کی سیریز میں ناقابلِ شکست 3-0 برتری حاصل کی۔
ایشز سیریز میں آسٹریلیا نے مجموعی طور پر 4-1 سے کامیابی حاصل کی، جبکہ مچل اسٹارک 31 وکٹوں کے ساتھ سیریز کے سب سے کامیاب بولر رہے اور پلیئر آف دی سیریز کا اعزاز بھی اپنے نام کیا۔
اعزاز حاصل کرنے پر مچل اسٹارک نے کہا کہ ہوم گراؤنڈ پر ایشز جیسی تاریخی سیریز جیتنے کے بعد یہ اعزاز ملنا ان کے لیے باعثِ فخر ہے، اور ٹیم آئندہ ورلڈ ٹیسٹ چیمپیئن شپ فائنل کے لیے اسی رفتار کو برقرار رکھنے کی کوشش کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلین بولر پلیئر آف دی منتھ فاسٹ بولر مچل اسٹارک
ذریعہ
ذریعہ: WE News
کلیدی لفظ: ا سٹریلین بولر پلیئر ا ف دی منتھ فاسٹ بولر مچل اسٹارک
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ