جاوید شیخ دوست اداکارہ بشریٰ انصاری پر شدید برہم، وجہ کیا بنی؟
اشاعت کی تاریخ: 16th, January 2026 GMT
سینئر اداکار جاوید شیخ نے معروف اداکارہ بشریٰ انصاری کی جانب سے اپنی طلاق پر کی گئی طنزیہ بات پر سخت ردعمل کا اظہار کیا ہے۔
حالیہ ایونٹ کے دوران بشریٰ انصاری نے کہا کہ وہ جاوید شیخ کے پاس گئیں، لیکن انہیں کھانا پیش نہیں کیا گیا کیونکہ ان کے پاس گھر نہیں تھا۔ اداکارہ نے مزید کہا کہ جاوید شیخ کا گھر میری آنکھوں کے سامنے بنا اور اجڑ بھی گیا ساتھ ہی انہوں نے وضاحت کی کہ میری وجہ سے نہیں اجڑا۔
View this post on Instagram
A post shared by raheel baig official (@raheelbaig100)
اس پر جاوید شیخ نے برہمی کا اظہار کرتے ہوئے کہا کہ بشریٰ نے میری ٹوٹی ہوئی شادی پر مذاق کیا لیکن ٹوٹا ہوا گھر مذاق نہیں ہے۔ میں نے کبھی ان کے ٹوٹے ہوئے گھر یا شادی کی ناکامی پر تبصرہ نہیں کیا۔ اگلی بار جب آپ میری کہانی سنائیں تو اپنی بھی شامل کریں کیونکہ آپ کی شادی بھی کامیاب نہیں ہوئی۔
سوشل میڈیا پر اس واقعے کے بعد صارفین نے جاوید شیخ کی حمایت کرتے ہوئے بشریٰ انصاری کے طنز پر افسوس کا اظہار کیا۔ صارفین نے جاوید شیخ کو لیجنڈ قرار دیا اور ان پر کیے گئے طنز کی مذمت کی جبکہ کئی صارفین نے کہا کہ شاید دونوں کی دوستی کو نظر لگ گئی ہے۔
اس ایونٹ میں جاوید شیخ اور بشریٰ انصاری کے علاوہ سینئر اداکار بہروز سبزوری، روبینہ اشرف، اور شبیر جان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بشریٰ انصاری.
ذریعہ
ذریعہ: WE News
پڑھیں:
بانی پی ٹی آئی کی بشریٰ بی بی سے ہفتہ وار ملاقات کرادی گئی
فائل فوٹواڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
جیل ذرائع کے مطابق بانی پی ٹی آئی اور بشریٰ بی بی کی ملاقات کانفرنس روم میں کرائی گئی، جو 40 منٹ تک جاری رہی۔
جیل ذرائع کے مطابق دوران ملاقات عمران خان اور بشریٰ بی بی نے ایک دوسرے کی خیریت دریافت کی۔
دوسری طرف اڈیالہ جیل میں بانی پی ٹی آئی اور بشری بی بی سے ملاقات کے دن کے موقع پر کسی وکیل اور فیملی ممبر کی ملاقات نہ ہوسکی۔
وزیراعلیٰ خیبر پختونخوا سہیل آفریدی بھی بانی پی ٹی آئی سے اظہار یکجہتی کیلئے اڈیالہ جیل آئے تھے۔
بانی پی ٹی آئی کی تینوں بہنیں علیمہ خان، نورین نیازی اور عظمی خان اڈیالہ جیل تو پہنچیں لیکن پولیس نے انہیں فیکٹری ناکے سے آگے جانے کی اجازت نہ دی۔
وزارت آئی ٹی نے 1.67 ارب روپے سے زاید کے فنڈز طلب کرلیے