قومی اسمبلی میں قائدِ حزبِ اختلاف کی تقرری کا باضابطہ نوٹیفکیشن جاری
اشاعت کی تاریخ: 16th, January 2026 GMT
اسلام آباد (نیوز ڈیسک) اسپیکر قومی اسمبلی سردار ایاز صادق کی منظوری کے بعد قومی اسمبلی سیکرٹریٹ نے قائدِ حزبِ اختلاف کی تقرری کا باضابطہ نوٹیفکیشن جاری کر دیا ہے۔
قومی اسمبلی کے ترجمان کے مطابق اپوزیشن لیڈر کی تقرری کا نوٹیفکیشن قومی اسمبلی کے قواعد و ضوابط 2007 کے قاعدہ 39 کے تحت جاری کیا گیا۔ اسپیکر قومی اسمبلی سردار ایاز صادق نے یہ نوٹیفکیشن اپوزیشن اراکین اسمبلی کے وفد کے حوالے کیا۔
اپوزیشن کے وفد میں بیرسٹر گوہر علی خان، جنید اکبر، سردار لطیف کھوسہ، جمال احسن خان، شہرام ترکئی، شاندانہ گلزار، ذین قریشی، علی اصغر خان، ملک امجد تاج اور یوسف خان شامل تھے۔
اس موقع پر وفاقی وزیر برائے قانون و انصاف اعظم نذیر تارڑ اور وزیراعظم کی معاون خصوصی رومینہ خورشید عالم بھی موجود تھیں۔
قومی اسمبلی سیکرٹریٹ کے مطابق قائدِ حزبِ اختلاف کی تقرری کے ساتھ ہی پارلیمانی معاملات میں اپوزیشن کے آئینی کردار کو باضابطہ طور پر فعال کر دیا گیا ہے۔
.
ذریعہ
ذریعہ: Daily Mumtaz
کلیدی لفظ: قومی اسمبلی کی تقرری
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
پاکستان نے ورلڈ کپ 2028 کیلیے براہ راست کوالیفائی کر لیا