یونیورسٹی آف تربت کا تیسرا پروقار کانووکیشن، تعلیمی ترقی اور خواتین کی کامیابی کی روشن مثال بن گیا
اشاعت کی تاریخ: 16th, January 2026 GMT
کوئٹہ:
یونیورسٹی آف تربت کے تیسرے کانووکیشن نے علمی وقار اور تاریخی اہمیت کے ساتھ ایک نئی مثال قائم کر دی۔ کانووکیشن میں 50 فیصد فارغ التحصیل طالبات کی شمولیت نے تعلیمی تاریخ میں سنہری باب رقم کیا۔
تقریب کے مہمانِ خصوصی گورنر بلوچستان و چانسلر یونیورسٹی آف تربت، شیخ جعفر مندوخیل نے طلبہ و طالبات میں اسناد تقسیم کیں۔ گورنر بلوچستان نے حوصلہ افزائی کرتے ہوئے ہر گولڈ میڈلسٹ کے لیے ایک لاکھ روپے نقد انعام کا اعلان کیا۔
گورنر بلوچستان نے اس بات پر زور دیا کہ تعلیم نوجوانوں کو بااختیار بنانے اور بلوچستان میں پائیدار امن و خوشحالی کے قیام کا سب سے مؤثر ذریعہ ہے۔ گورنر بلوچستان نے دور دراز علاقے میں معیاری اعلیٰ تعلیم کی فراہمی پر وائس چانسلر پروفیسر ڈاکٹر گل حسن اور ان کی ٹیم کی کارکردگی کو سراہا۔
صوبائی وزیر میر ظہور احمد بلیدی نے اعلان کیا کہ صوبائی حکومت نے جامعات کے لیے گرانٹ بڑھا کر 8 ارب روپے کر دی ہے، جو حکومت کی تعلیمی ترجیحات کا واضح ثبوت ہے۔
وائس چانسلر کے مطابق یونیورسٹی آف تربت میں 120 سے زائد اعلیٰ تعلیم یافتہ اساتذہ، 4 ہزار سے زائد طلبہ کو معیاری تعلیم فراہم کر رہے ہیں۔
فارغ التحصیل طالبات کی نمایاں تعداد بلوچستان میں تشدد، انتہاپسندی اور گمراہ کن پروپیگنڈے کے خلاف ایک مضبوط اور باوقار پیغام ہے۔
یونیورسٹی آف تربت کا یہ کانووکیشن بلوچستان کے عوام، محنتی نوجوانوں اور باہمت خواتین کی کامیابی، عزم اور روشن مستقبل کا شاندار جشن ثابت ہوا۔
.
ذریعہ
ذریعہ: Express News
کلیدی لفظ: یونیورسٹی آف تربت گورنر بلوچستان
پڑھیں:
پائیدارمعاشی ترقی کیلئے صنعت وپیداوار اور بیرونی سرمایہ کاری میں اضافہ ناگزیر ہے، وزیر اعظم
اسلام آباد، وزیراعظم شہباز شریف(shahbaz shrif) نے ملکی معیشت کی پائیدارترقی کیلئے صنعت وپیداوار کا فروغ اور بیرونی سرمایہ کاری میں اضافہ ناگزیر قرار دیا ہے۔ کہا برآمدات بڑھانے کے لیے مؤثر پالیسی اقدامات حکومت پالیسی ترجیحات کا حصہ ہیں۔
وزیراعظم شہباز شریف نے اسلام آباد میں ملکی معیشت پر اہم اجلاس کی صدارت کرتے ہوئے کہا کہ تمام اصلاحات اور اقدامات میں انتظامی شفافیت اوربہترین کارکردگی حکومت کی اولین ترجیح ہے۔
صنعت و تجارت اور معیشت کے مختلف شعبہ جات میں اصلاحات طویل المدتی معاشی افادیت اور عوامی فلاح پر مرکوز ہونا چاہیے۔
وزیراعظم نے کہا توانائی کی بچت اور سستی ٹرانسپورٹ کی ملکی ضروریات پوری کرنے کے لئے جامع اور موثر الیکٹرک وہیکلز پالیسی وقت کی اہم ضرورت ہے۔
مزید پڑھیں:مئی ، 3161 نئی کمپنیاں رجسٹرڈ، مجموعی تعداد 297,239 ہو گئی، ایس ای سی پی
وزیراعظم نے مختلف شعبوں میں جدید ٹیکنالوجی کی شمولیت کے لئے تمام وزارتوں اور ماہرین کو بامعنی مشاورت یقینی بنانے کی ہدایت بھی کی۔
وزارت آئی ٹی نے 1.67 ارب روپے سے زاید کے فنڈز طلب کرلیے