وزیراعلیٰ مریم نواز کے بیٹے جنید صفدر کی مہندی کی تقریب، دلہن کون؟
اشاعت کی تاریخ: 17th, January 2026 GMT
وزیراعلیٰ مریم نواز کے بیٹے جنید صفدر کی مہندی کی تقریب، دلہن کون؟ WhatsAppFacebookTwitter 0 17 January, 2026 سب نیوز
لاہور (آئی پی ایس) وزیر اعلیٰ پنجاب مریم نواز کے بیٹے جنید صفدر کی مہندی کی تقریب کی تصاویر اس وقت سوشل میڈیا پر وائرل ہیں۔
تفصیلات کے مطابق وزیراعلیٰ مریم نواز کے صاحبزادے جنید صفدر کی مہندی کی تقریب لاہور میں جاتی امرا میں ان کی رہائش گاہ پر منعقد ہوئی۔ جنید صفدر کی شادی مسلم لیگ ن کے رہنما شیخ روحیل اصغر کی پوتی شانزے علی روحیل کے ساتھ ہو رہی ہے۔
مہندی کی تقریب میں وزیراعلیٰ پنجاب مریم نواز سمیت خاندان کے دیگر افراد شریک ہوئے۔
تصاویر میں دیکھا جا سکتا ہے کہ جنید صفدر نے گہرے نیوی بلیو رنگ کا روایتی کُرتا زیب تن کر رکھا ہے جس پر سنہری بٹن لگے ہوئے ہیں۔ جنید صفدر نے اس شاہانہ لباس کے ساتھ سنہری، براؤن شال کو روایتی انداز میں کندھے پر ڈال رکھا ہے۔
وزیر اعلیٰ پنجاب مریم نواز کے صاحبزادے جنید صفدر کی شادی کی تقریبات گذشتہ روز جمعے سے شروع ہو چکی ہیں۔ اس سے پہلے جنید صفدر کی شادی کا دعوت نامہ سوشل میڈیا پر وائرل ہو رہا تھا۔
انٹرنیٹ پر زیرِ گردش شادی کارڈ کے مطابق جنید صفدر کی دعوتِ ولیمہ 18 جنوری کو رکھی گئی ہے جس سے یہ اندازہ لگایا جا رہا ہے کہ بارات آج 17 جنوری کو ہو گی۔
مسلم لیگ (ن) کے سینیئر رہنما شیخ روحیل اصغر نے صحافی شازیہ زیشان کو دیے گئے ایک انٹرویو میں شادی سے متعلق تفصیلات بتائی تھیں۔
روحیل اصغر کے مطابق یہ رشتہ خاندانی اور سماجی روابط کے نتیجے میں طے پایا، کیونکہ ان کی پوتی شانزے اور جنید صفدر کی بہن کے درمیان قریبی تعلق ہے اور دونوں خاندان ایک دوسرے سے واقف رہے ہیں۔
انہوں نے بتایا کہ بات آگے بڑھی تو خود مریم نواز کی جانب سے باضابطہ طور پر رشتہ مانگا گیا، جس کے بعد خاندان نے اسے خوش دلی سے قبول کیا۔
شیخ روحیل اصغر کے مطابق بعد ازاں دونوں خاندانوں کی ملاقات سابق وزیراعظم نواز شریف سے ہوئی، جہاں شادی کی تقریبات کی تاریخیں طے کی گئیں۔
ان کا کہنا تھا کہ تقریبات 16، 17 اور 18 جنوری کو ہوں گی جن میں مختلف تقاریب شامل ہیں۔ کچھ تقریبات جاتی امرا میں منعقد کی جائیں گی، جبکہ دلہن کے اہلِ خانہ کی جانب سے لاہور میں ایک استقبالیہ بھی دیا جائے گا۔
انہوں نے یہ بھی بتایا کہ ان کے خاندان میں حالیہ مہینوں میں دیگر شادیاں بھی ہوئیں، تاہم یہ شادی اپنی نوعیت کے اعتبار سے خاصی نمایاں ہو گی۔
یاد رہے کہ جنید صفدر کی یہ دوسری شادی ہے۔ اس سے قبل انہوں نے 2021 میں عائشہ سیف سے شادی کی تھی، جو 2023 میں اختتام پذیر ہوئی۔ اس وقت جنید صفدر نے اسے ذاتی معاملہ قرار دیتے ہوئے میڈیا سے نجی زندگی کے احترام کی درخواست کی تھی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرموسم کا نیا سسٹم داخل؛ شدید سردی، بارش اور برفباری کی پیش گوئی موسم کا نیا سسٹم داخل؛ شدید سردی، بارش اور برفباری کی پیش گوئی گوادر: کراچی سے جیونی جانیوالی مسافر کوچ کو حادثہ، 9 افراد جاں بحق صدر و وزیراعظم کا شاہ سلمان بن عبدالعزیز کی علالت پر اظہار تشویش، جلد صحت یابی کی دعا ٹک ٹاک پرغیراخلاقی مواد شیئر کرنے کے خلاف دائر درخواست پر پی ٹی اے کو نوٹس پاکستان کا مقبوضہ کشمیر میں مساجد و علما کو نشانہ بنانے پر سخت ردعمل پاکستانی مندوب کا عالمی قوانین کے تحت مسئلہ فلسطین اور کشمیر کے حل پر زورCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: جنید صفدر کی مہندی کی تقریب مریم نواز کے روحیل اصغر کے مطابق
پڑھیں:
چاہتا ہوں کرنسی سے قائداعظم کی تصویر ہٹا دی جائے، شہزاد نواز نے ایسا کیوں کہا؟
پاکستانی اداکار شہزاد نواز نے اپنی خواہش کا اظہار کرتے ہوئے کہا کہ وہ چاہتے ہیں پاکستانی کرنسی سے بانی پاکستان قائد اعظم محمد علی جناح کی تصویر ہٹا دی جائے۔حال ہی میں شہزاد نواز سے اداکار علی سفینہ نے انٹرویو لیا جس میں ملکی حالات سمیت دیگر اہم موضوعات پر گفتگو کی گئی۔علی سفینہ نے کہا 'جب بھی کوئی حکومت بدلتی ہے تو آپ کو اپنے اردگرد تبدیلیاں نظر آتی ہیں، مثلاً ایک ثقافتی پالیسی کہتی ہے کہ قائداعظم اور علامہ اقبال ہیرو ہیں، ہم ان کے دور حکومت میں ان سب کو دیکھتے ہیں، ان کی تصاویر لگائی جاتی ہیں کہ پھر دوسری آنے والی حکومت ان کی تصویریں ہٹا کر اپنے قائدین کی تصویریں لگادیتے ہیں'۔شہزاد نواز نے سوال کیا کیا ایسا ہوا ہے؟ یہ غالباً کراچی ائیرپورٹ پر ہوا تھا، جواب میں علی نے کہا بالکل۔علی سفینہ سے گفتگو کے دوران شہزاد نواز کا کہنا تھا 'اگر یہ میرے اختیار میں ہوتا تو میں تمام کرنسی نوٹوں سے قائداعظم کی تصویر ہٹا دوں گا کیونکہ لوگوں میں کوئی شرم نہیں ہے، رشوت لے رہے ہیں اور دے رہے ہیں، فراڈ میں ملوث ہیں جب کہ کرنسی نوٹوں پر ان کی تصویر ہے اور وہ آپ کو یہ سب کرپٹ کام کرتے دیکھ رہے ہیں'۔انہوں نے کہا 'اگر اسی طرح نوٹوں کی سرعام بے عزتی ہوتی رہی تو اس تصویر کا کیا فائدہ، ضیاالحق کے دور میں بڑی اچھی تبدیلی آئی کے نوٹوں پر عبارت درج کی گئی رزقِ حلال عین عبادت ہے'۔شہزاد نواز نے کہا 'بعدازاں مشرف کے دور میں اس عبارت کو چھوٹا کردیا گیا، میرے خیال میں اب اسے نوٹوں پر سے نکال دینا چاہیے'۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ