شمالی سعودی عرب سے قدیم چیتوں کی ہڈیاں اور ممی برآمد
اشاعت کی تاریخ: 17th, January 2026 GMT
data-id="863a0a8" data-element_type="widget" data-widget_type="theme-post-content.default">
سعودی عرب کے شمالی علاقے میں ماہرین آثار قدیمہ اور سائنس دانوں نے ایک غیر معمولی اور حیران کن دریافت کی ہے، جہاں 1800 سال سے زائد قدیم حنوط شدہ چیتوں کی باقیات سامنے آئی ہیں۔
خبر رساں اداروں کے مطابق اس دریافت میں 7 مکمل ممی بنائے گئے چیتے اور دیگر 54 چیتوں کی ہڈیاں شامل ہیں، جو اس خطے کی قدیم قدرتی تاریخ پر نئی روشنی ڈالتی ہیں۔
یہ باقیات شہر عرعر کے قریب ایک غار نما مقام سے دریافت ہوئیں، جہاں خشک ماحول اور صحرا جیسی مٹی نے لاشوں کو گلنے سڑنے سے محفوظ رکھنے میں اہم کردار ادا کیا۔ ماہرین کے مطابق مردوں کو محفوظ رکھنے کا عمل، جسے حنوط کہا جاتا ہے، بعض اوقات قدرتی طور پر بھی وقوع پذیر ہو سکتا ہے، خاص طور پر ایسے علاقوں میں جہاں نمی کم اور درجہ حرارت مستحکم ہو۔
تحقیق کے دوران دریافت ہونے والے حنوط شدہ چیتوں کی آنکھیں گدلی اور پیروں پر جھریاں نمایاں تھیں، جو خشک بھوسی جیسی حالت کی عکاسی کرتی ہیں۔ سائنس دانوں کا کہنا ہے کہ ان چیتوں کی جسمانی حالت اس بات کی نشاندہی کرتی ہے کہ یہ قدرتی حنوط کا نتیجہ ہو سکتے ہیں نہ کہ کسی انسانی مداخلت کا۔
جرنل کمیونیکیشنز ارتھ اینڈ انوائرنمنٹ میں شائع ہونے والی تحقیق کے مطابق محققین تاحال اس بات کا تعین نہیں کر سکے کہ اس مقام پر اتنی بڑی تعداد میں چیتے کیوں موجود تھے۔ امکان ظاہر کیا جا رہا ہے کہ یہ علاقہ مادہ چیتاؤں کے لیے بچوں کو جنم دینے اور پرورش کرنے کی محفوظ پناہ گاہ ہو سکتا ہے۔
ماہرین کا کہنا ہے کہ غار کا خشک ماحول، محدود ہوا کا گزر اور درجہ حرارت میں کمی بیشی نہ ہونا ان باقیات کے محفوظ رہنے کی بڑی وجوہات ہیں۔ یہ دریافت نہ صرف سعودی عرب بلکہ پورے خطے میں جنگلی حیات کی قدیم تاریخ کو سمجھنے میں مدد فراہم کرے گی اور مستقبل کی تحقیقات کے لیے ایک اہم بنیاد ثابت ہو سکتی ہے۔
.
ذریعہ
ذریعہ: Jasarat News
پڑھیں:
کالعدم بی ایل اے سے منسلک ملک دشمن شاعرہ کی تلاش جاری، بھارتی سرپرستی اور اور ریاست مخالف پروپیگنڈے کے شواہد برآمد
بھارتی سرپرستی میں کالعدم بلوچ لبریشن آرمی (بی ایل اے) سے منسلک ملک دشمن خاتون شاعرہ حبیبہ پیرجان کی تلاش کے لیے کارروائیاں جاری ہیں۔ حبیبہ پیرجان نوجوانوں کو نہ صرف ملک دشمنی پر ورغلاتی ہیں، بلکہ اپنی نفرت انگیز پروپیگنڈا شاعری کے ذریعے ریاست مخالف بیانیے کو فروغ دیکر معصوم ذہنوں کو دہشتگردی پر اکساتی ہیں۔
مزید پڑھیں: بی ایل اے بلوچوں کے حقوق کی قاتل، حکام نے کوئٹہ تفتان شاہراہ پر کنٹرول کا دعویٰ مسترد کردیا
ذرائع کا کہنا ہے کہ حبیبہ پیرجان، زوجہ حنیف اور ضلع کیچ کے علاقے دشت کی رہائشی ہیں، جنہیں 25 مئی 2026 کو کراچی کے علاقے گلشنِ مزدور میں ایک مشترکہ انٹیلیجنس بیسڈ آپریشن (آئی بی او) کے دوران ٹریس کیا گیا، تاہم وہ علاقے کا محاصرہ مکمل ہونے سے قبل فرار ہونے میں کامیاب ہوگئیں۔
سیکیورٹی ذرائع کے مطابق کارروائی کے دوران ان کی رہائش گاہ کی تلاشی لی گئی جہاں سے ڈائریاں، ہلاک شدہ بی ایل اے عسکریت پسندوں سے متعلق تحریری ریکارڈ اور دیگر مواد برآمد ہوا جبکہ بھارتی فنڈنگ کے کچھ اہم ثبوت بھی سامنے آئے ہیں۔
ذرائع کا دعویٰ ہے کہ برآمد شدہ مواد اور انٹیلیجنس معلومات سے یہ اشارے ملے ہیں کہ حبیبہ پیرجان کے کالعدم بی ایل اے کے متعدد اہم کمانڈروں، خصوصاً رستم پیرجان، سے قریبی روابط رہے ہیں۔
اطلاعات کے مطابق انہوں نے دشت کے جنگلات میں رستم پیرجان سے کم از کم 2 مرتبہ ملاقات کی، جن میں سے ایک ملاقات رواں برس 14 فروری کو ہوئی تھی۔
سیکیورٹی اداروں کے مطابق دستیاب ریکارڈ سے یہ بھی معلوم ہوا ہے کہ مبینہ طور پر وہ اسلحہ اور دیگر سامان کی ترسیل میں سہولت کاری، بعض بلوچ یکجہتی کمیٹی (بی وائی سی) شخصیات سے رابطوں اور سوشل میڈیا پر بی ایل اے سے منسلک پلیٹ فارمز کے ذریعے بھارتی سرپرستی میں ریاست مخالف زہریلے اور شر انگیز مواد کی تشہیر میں کردار ادا کرتی رہی ہیں۔
مزید پڑھیں: بی ایل اے کی محدود کارروائیاں اور سوشل میڈیا پر بڑا تاثر دینے کی ناکام حکمت عملی
ذرائع کا کہنا ہے کہ حبیبہ پیرجان اپنی شاعری کے ذریعے نوجوانوں کو ورغلانے اور ریاست مخالف بیانیے کو فروغ دینے پر مامور ہیں، جبکہ اس حوالے سے ملنے والے مزید شواہد کا جائزہ لیا جا رہا ہے۔
سیکیورٹی اداروں نے کہا ہے کہ ملک دشمن مطلوب خاتون کی گرفتاری کے لیے مختلف علاقوں میں کارروائیاں جاری ہیں اور تفتیش کو آگے بڑھایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی سرپرستی بی ایل اے خاتون شاعرہ حبیبہ پیرجان رستم پیرجان
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ