آن لائن فراڈ کیس: 2 مفرور ملزمان کے ناقابل ضمانت وارنٹ جاری
اشاعت کی تاریخ: 17th, January 2026 GMT
جوڈیشل مجسٹریٹ شرقی کی عدالت نے پونزی اسکیم اور شہریوں کے ساتھ آن لائن فراڈ کرنے کے کیس میں دو مفرور ملزمان کے ناقابل ضمانت وارنٹ گرفتاری جاری کر دیے ہیں۔
سماعت کے دوران 12 گرفتار ملزمان عدالت میں پیش کیے گئے، جن میں 7 چینی شہری بھی شامل تھے۔ تاہم، دو چینی باشندے ابھی تک گرفتار نہیں ہو سکے۔ عدالت نے ان دونوں مفرور ملزمان کے وارنٹ جاری کرتے ہوئے سماعت 29 جنوری تک ملتوی کر دی۔
پراسیکیوشن کے مطابق ملزمان کے خلاف سائبر کرائم کی شقوں کے تحت مقدمہ درج کیا گیا تھا۔ گرفتار ملزمان کی ضمانت پہلے ہی عدالت نے مسترد کر دی ہے۔ ان پر الزام ہے کہ وہ سوشل میڈیا کے ذریعے جعلی سرمایہ کاری اسکیمیں چلا کر شہریوں سے رقم ہتھیاتے تھے۔
ذریعہ
ذریعہ: Daily Mumtaz
کلیدی لفظ: ملزمان کے
پڑھیں:
آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع
سٹی 42:فری لانسرز اور آئی ٹی سے وابستہ افراد کے لیے بڑی خوشخبری آگئی آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔
مختلف علاقوں میں سوشل میڈیا اور آن لائن سروسز جزوی طور پر بحال ہوگئی ۔۔چیئرمین پیپلزپارٹی بلاول بھٹو نے انٹرنیٹ سروس بحال کرنے کا مطالبہ کیا تھا شہریوں نے حکومت سے مستقبل میں بلا تعطل سروس کی فراہمی کا مطالبہ کیا تھا ۔
میرپور اور گردونواح میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔مختلف علاقوں میں سوشل میڈیا اور آن لائن سروسز جزوی طور پر بحال ہو رہی ہیں ۔ کاروباری طبقے نے انٹرنیٹ بحالی کے فیصلے کا خیرمقدم کیا ۔ طلبہ کو آن لائن تعلیم اور اسائنمنٹس میں دوبارہ سہولت میسر مل گئی ۔
فری لانسرز اور آئی ٹی سے وابستہ افراد کے لیے بڑی خوشخبری آگئی ۔شہریوں کا کہنا ہے کہ انٹرنیٹ بندش سے معمولات زندگی شدید متاثر ہوئے،بینکنگ، ای کامرس اور آن لائن ٹرانزیکشنز بھی متاثر رہی تھیں۔بحالی کے بعد کاروباری سرگرمیوں میں تیزی آنے کا امکان ہے ۔ بعض علاقوں میں انٹرنیٹ کی رفتار تاحال سست، مکمل بحالی کا انتظار کیا جارہاہے ۔ انتظامیہ کے مطابق جلد تمام علاقوں میں مکمل سروس بحال کر دی جائے گی۔
شہریوں نے حکومت سے مستقبل میں بلا تعطل سروس کی فراہمی کا مطالبہ کردیا ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار