اروناچل پردیش: برف سے جمی جھیل میں سیاح ڈوب گئے
اشاعت کی تاریخ: 17th, January 2026 GMT
بھارتی میڈیا کے مطابق ریاست اروناچل پردیش کی سیلا جھیل میں برف ٹوٹنے کے حادثے میں تین سیاح ڈوب گئے۔ حادثے کا شکار ایک دوستوں کا گروپ تھا، جو ریاست کیرالہ سے آیا تھا اور کل سات افراد پر مشتمل تھا۔
سیلا جھیل توانگ ضلع میں سطح سمندر سے تقریباً 13,700 فٹ کی بلندی پر واقع ہے۔ رپورٹس کے مطابق حادثہ اس وقت پیش آیا جب ایک سیاح جھیل کے بیچ میں پہنچا اور برف ٹوٹ گئی، جس سے وہ پانی میں گر گیا۔ اسے بچانے کے لیے مزید دو سیاح آگے گئے، جو بھی ڈوب گئے۔
واقعے کی اطلاع ملتے ہی پولیس اور فوج نے ریسکیو آپریشن شروع کیا۔ آرمی کے غوطہ خوروں نے ایک سیاح کی لاش نکالی اور دوسرے کو تشویشناک حالت میں محفوظ کر لیا۔
رپورٹس کے مطابق ایک سیاح ابھی تک لاپتا ہے، اور اس کی تلاش جاری ہے۔
ذریعہ
ذریعہ: Daily Mumtaz
پڑھیں:
کراچی: سرجانی ٹاؤن میں فائرنگ سے باپ، بیٹا جاں بحق، دوسرا بیٹا زخمی
کراچی کے علاقے سرجانی ٹاؤن میں فائرنگ سے باپ اور بیٹا جاں بحق ہوگئے جبکہ دوسرا بیٹا زخمی ہوگیا، واقعہ ذاتی لڑائی جھگڑے کے باعث پیش آیا۔ فائرنگ کے بعد ملزم فرار ہوگیا۔
ایس ایس پی ویسٹ طارق مستوئی کے مطابق سرجانی ٹاؤن کے علاقے روزی گوٹھ میں دو برادریوں کے درمیان جھگڑا ہوا تھا جو ذاتی نوعیت کا تھا۔
اس دوران فائرنگ کا واقعہ پیش آیا جس سے باپ اور اس کا ایک بیٹا دم توڑ گئے جبکہ دوسرا بیٹا زخمی ہے جس کی حالت تشویشناک ہے اور عباسی شہید اسپتال میں زیر علاج ہے۔
ایس ایس پی غربی نے مزید بتایا کہ ابتدائی طور پر حاصل کردہ معلومات کے مطابق فائرنگ عظیم نامی شخص نے کی جو فرار ہوگیا اس کی تلاش میں پولیس مختلف مقامات پر چھاپے مار رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ