ملک میں بسوں ‘ ٹرکوں کی فروخت میں 6 ماہ کے دوران 96فیصد اضافہ
اشاعت کی تاریخ: 18th, January 2026 GMT
data-id="863a0a8" data-element_type="widget" data-widget_type="theme-post-content.default">
260118-08-14
جڑانوالہ (آن لائن) ملک میں بسوں اور ٹرکوں کی فروخت میں جاری مالی سال کی پہلی ششماہی میں سالانہ بنیاد پر 96 فیصد کا نمایاں اضافہ ریکارڈکیا گیا ہے۔ پاکستان آٹومینوفیکچررز ایسوسی ایشن کے اعداد و شمارکے مطابق پہلی ششماہی میں بسوں اور ٹرکوں کے3531 یونٹ کی فروخت ریکارڈکی گئی، جو گزشتہ مالی سال کی اسی مدت کے 1798 یونٹس کے مقابلے میں 96 فیصد زیادہ ہے۔ دسمبر میں بسوں اور ٹرکوں کے 372 یونٹس کی فروخت ریکارڈ کی گئی، جو نومبر کے 530 یونٹس کے مقابلے میں 30 فیصد کم اور دسمبر2024ء کے 193 یونٹس کے مقابلے میں 93 فیصد زیادہ ہے۔ اعداد و شمار کے مطابق پہلی ششماہی میں ہینو کے 204 یونٹس، ماسٹر 1236 یونٹس، جے اے سی281 یونٹس اور اسوزو کے 1810 یونٹس بسوں اور ٹرکوں کی فروخت دیکھنے میں آئی۔ گزشتہ مالی سال کی اسی مدت میں ہینوکے 187، ماسٹر478، جے اے سی72 اور اسوزو کے 1061 یونٹس بسوں اور ٹرکوں کی فروخت ریکارڈ کی گئی تھی۔
ذریعہ
ذریعہ: Jasarat News
کلیدی لفظ: بسوں اور ٹرکوں ٹرکوں کی فروخت
پڑھیں:
کراچی، شہر کے مختلف علاقوں میں پولیس مقابلے، 5 ڈاکو زخمی حالت میں گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران چار ملزمان کو زخمی حالت میں گرفتار کر لیا جبکہ ایک فرار ہونے والے مبینہ ڈاکو کو شہریوں نے پکڑ کر تشدد کے بعد پولیس کے حوالے کر دیا۔
پولیس اور چھیپا حکام کے مطابق اورنگی ٹاؤن تھانے کی حدود میں سیکٹر 8، اللہ والا کالج کے قریب مبینہ پولیس مقابلے میں ایک مبینہ ڈاکو زخمی حالت میں گرفتار کیا گیا۔
زخمی ملزم کو عباسی شہید اسپتال منتقل کیا گیا جہاں اس کی شناخت سبیل کے نام سے ہوئی۔ ملزم کے قبضے سے اسلحہ اور دیگر سامان بھی برآمد کیا گیا۔
ادھر بوٹ بیسن تھانے کی حدود میں کلفٹن، عبداللہ شاہ غازی مزار پل کے قریب مبینہ مقابلے کے دوران ایک مبینہ ڈاکو پولیس کی فائرنگ سے زخمی ہو گیا، جس کی شناخت مانی کے نام سے ہوئی۔
اسے جناح اسپتال منتقل کر دیا گیا۔ اس دوران فرار ہونے کی کوشش کرنے والے دوسرے مبینہ ملزم کو شہریوں نے پکڑ کر تشدد کا نشانہ بنایا بعد ازاں اسے پولیس کے حوالے کر دیا گیا۔ زخمی ملزم کی شناخت سکندر کے نام سے کی گئی۔
دوسری جانب شرافی گوٹھ پولیس نے کورنگی سنگر چورنگی کے قریب راڈو بیکری کے علاقے میں مبینہ مقابلے کے بعد ایک مبینہ ڈاکو اویس کو زخمی حالت میں گرفتار کیا۔ ملزم کو جناح اسپتال منتقل کیا گیا جبکہ اس کے قبضے سے اسلحہ اور دیگر سامان بھی برآمد ہوا۔
اسی طرح قائدآباد تھانے کی حدود میں لانڈھی شیر پاؤ کالونی، مولیٰ مدد قبرستان کے قریب مبینہ پولیس مقابلے میں ایک اور مبینہ ڈاکو زخمی حالت میں گرفتار کیا گیا۔
چھیپا حکام کے مطابق زخمی ملزم کو جناح اسپتال منتقل کیا گیا جہاں اس کی شناخت وارث خان کے نام سے ہوئی۔
بھارت سے جنگ اور افغانستان میں کارروائی خارج ازامکان نہیں، وزیردفاع