سزا یافتہ شخص ملکی سیاست نہیں چلا سکتا: اعظم نذیر تارڑ
اشاعت کی تاریخ: 18th, January 2026 GMT
اسلام آباد (نوائے وقت رپورٹ) وزیر قانون اعظم نذیر تارڑ نے کہا ہے کہ سزا یافتہ شخص ملکی سیاست نہیں چلا سکتا، سپریم کورٹ کے فیصلے موجود ہیں اپوزیشن کہتی ہے بانی پی ٹی آئی سے مشاورت کرنی ہے، اپوزیشن والے ہر معاملے میں یہی کہتے ہیں اپوزیشن کو سمجھنا چاہئے سیاسی معاملات کا طریقہ کار ہوتا ہے۔ سزا یافتہ شخص سیاسی معاملات نہ کرے جیل میں ملاقات ایک قانونی معاملہ ہے۔ سزا یافتہ شخص اسی لئے جیل میں رکھا جاتا ہے کہ وہ روزمرہ زندگی میں سیاسی معاملات نہ کرے جو چیز بلاواسطہ ممکن نہیں وہ بالواسطہ بھی ممکن نہیں، ہماری پارٹی میں بھی مشاورت ہوتی ہے لیکن حتمی فیصلہ نواز شریف ہی کرتے ہیں۔ اپوزیشن لیڈر کی تقرری کا طریقہ کار ہے، سینٹ میں بھی اپوزیشن لیڈر کی تقرری کا معاملہ جلد حل ہو جائیگا۔
.
ذریعہ
ذریعہ: Nawaiwaqt
کلیدی لفظ: سزا یافتہ شخص
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار