گل پلازہ آتشزدگی: آگ پر 60 فیصد قابو، عمارت انتہائی مخدوش، مزید افراد کے پھنسے ہونے کا خدشہ
اشاعت کی تاریخ: 18th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی کے علاقے ایم اے جناح روڈ پر واقع گل پلازہ میں لگنے والی ہولناک آگ پر فائر بریگیڈ نے تقریباً 60 فیصد تک قابو پا لیا ہے، شدید گرمی، دھوئیں اور ناقص وینٹیلیشن کے باعث فائر فائٹرز تاحال عمارت کے اندر داخل نہیں ہو سکے۔ چیف فائر آفیسر کے مطابق آگ بجھانے کا عمل انتہائی مشکل مرحلے میں داخل ہو چکا ہے اور ریسکیو آپریشن احتیاط کے ساتھ جاری ہے۔
چیف فائر آفیسر نے بتایا کہ گل پلازہ چاروں اطراف سے مکمل طور پر سیل عمارت ہے اور اس میں مناسب وینٹیلیشن سسٹم موجود نہیں، جس کی وجہ سے اندر شدید دھواں اور گرمی جمع ہو گئی ہے۔ ان کا کہنا تھا کہ آگ کی شدت کے باعث شاپنگ مال کی عمارت خستہ حال ہو چکی ہے اور کسی بھی وقت مزید حصہ گرنے کا خدشہ موجود ہے۔
فائر حکام کے مطابق گل پلازہ کے گراؤنڈ فلور اور میزانین فلور مکمل طور پر جل چکے ہیں، جبکہ اوپری دو منزلوں میں تاحال آگ بھڑک رہی ہے۔ آگ کے باعث عمارت کا ایک حصہ منہدم بھی ہو چکا ہے، جس کے بعد ریسکیو آپریشن کو مزید محتاط بنا دیا گیا ہے۔ حکام نے بتایا کہ آتشزدگی کی شدت اتنی زیادہ ہے کہ پوری عمارت اس وقت مخدوش حالت میں ہے اور کسی بھی لمحے گر سکتی ہے۔
ریسکیو ذرائع کے مطابق اس افسوسناک واقعے میں کم از کم 6 افراد جاں بحق ہو چکے ہیں جبکہ متعدد افراد زخمی ہیں جنہیں مختلف اسپتالوں میں منتقل کیا گیا ہے۔ جاں بحق ہونے والوں میں ایک فائر فائٹر بھی شامل ہے، جو ریسکیو آپریشن کے دوران اپنی جان کی بازی ہار گیا۔ امدادی ٹیموں کا کہنا ہے کہ خدشہ ہے کہ اب بھی کچھ افراد عمارت کے اندر پھنسے ہو سکتے ہیں، تاہم حالات کے باعث فوری رسائی ممکن نہیں۔
دوسری جانب امیر جماعتِ اسلامی کراچی منعم ظفر خان نے گل پلازہ میں آتشزدگی کے نتیجے میں قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔ انہوں نے کہا کہ گل پلازہ کا سانحہ انتہائی دلخراش ہے اور جماعتِ اسلامی جاں بحق افراد کے لواحقین کے دکھ میں برابر کی شریک ہے۔ ان کا کہنا تھا کہ کراچی جیسے بڑے شہر میں آتشزدگی کے واقعات کی روک تھام کے لیے مؤثر انتظامات کا فقدان شدید تشویش کا باعث ہے۔
منعم ظفر خان نے مطالبہ کیا کہ ریسکیو اور امدادی سرگرمیوں کو فوری طور پر تیز کیا جائے اور متاثرین کو ہر ممکن امداد فراہم کی جائے۔ انہوں نے زور دیا کہ زخمیوں کو بہترین طبی سہولیات کی فراہمی یقینی بنائی جائے تاکہ قیمتی جانوں کو بچایا جا سکے۔
امیر جماعتِ اسلامی کراچی نے رات تقریباً 2 بج کر 30 منٹ پر جائے حادثہ کا دورہ بھی کیا، جہاں انہوں نے امدادی سرگرمیوں کی نگرانی کی۔ اس موقع پر امیر ضلع اور الخدمت فاؤنڈیشن کی ٹیم بھی ان کے ہمراہ موجود تھی، جو متاثرین کی مدد اور ریسکیو اہلکاروں کے ساتھ تعاون میں مصروف ہے۔
حکام کے مطابق فائر بریگیڈ، ریسکیو ادارے اور دیگر متعلقہ محکمے بدستور موقع پر موجود ہیں اور کولنگ کے عمل کے بعد سرچ آپریشن شروع کرنے کی تیاری کی جا رہی ہے، جبکہ آتشزدگی کی وجوہات جاننے کے لیے تحقیقات کا آغاز بھی کیا جائے گا۔
ذریعہ
ذریعہ: Jasarat News
کلیدی لفظ: گل پلازہ کے مطابق کے باعث ہے اور
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار