کراچی: ایم اے جناح روڈ پر شاپنگ پلازہ میں آتشزدگی، 6 افراد جاں بحق
اشاعت کی تاریخ: 18th, January 2026 GMT
کراچی میں ایم اے جناح روڈ پر گل پلازا میں لگنے والی تیسرے درجے کی آگ پر 12 گھنٹے بعد بھی قابو نہیں پایا جاسکا۔ عمارت کا ایک اور حصہ صبح سویرے گر گیا، آگ کے نتیجے میں فائر فائٹر سمیت 6 افراد جاں بحق ہوگئے، دھویں کے باعث متعدد افراد کی حالت غیر ہوگئی، جنہیں اسپتال منتقل کردیا گیا۔
تین منزلہ عمارت میں ایک ہزار سے زائد دکانیں موجود ہیں، گراؤنڈ اور میزنائن فلور مکمل طور پر جل گئے ہیں جبکہ بالائی دو منزلوں پر آگ لگی ہوئی ہے۔
فائر بریگیڈ حکام کا کہنا ہے کہ شہر کی تمام فائر ٹینڈرز آگ بجھانے میں مصروف ہیں، ریسکیو اور فائر فائٹنگ آپریشن میں پاک بحریہ کی اسنارکلز اور دو فائرٹینڈر بھی شامل ہیں۔
عمارت کے ایک حصے کا پلر گر گیا
چیف فائر افسر کا کہنا ہے کہ آگ ہفتے کی رات سوا دس بجے کے قریب لگی اور اسے تیسرے درجے کی قرار دے کر شہر بھر سے فائر ٹینڈرز طلب کیے گئے، آگ کی وجہ سے عمارت کے ایک حصے کا پلر گر گیا ہے، پوری عمارت میں دراڑیں پڑ گئی ہیں۔
ریسکیو حکام کا کہنا ہے کہ شاپنگ پلازہ میں کئی افراد کے پھنسے ہونے کی اطلاع ہے، آگ شاپنگ پلازہ کے میز نائن فلور پر لگی، آگ نے گراؤنڈ اور فرسٹ فلور کی دکانوں کو بھی لپیٹ میں لے لیا، شاپنگ پلازہ گراؤنڈ ، میز نائن پلس دو فلور پر مشتمل ہے۔
گل پلازہ میں فائر فائٹرز داخل نہیں ہوسکے
سینئر فائر آفیسر عارف منصوری نے کہا ہے کہ گل پلازہ میں فائر فائٹرز داخل نہیں ہوسکے، تپش زیادہ ہونےکی وجہ سے اندر داخل ہونےمیں مشکلات ہیں۔جاں بحق چار افراد کی شناخت فراز، کاشف، عامر اور شہروز کے نام سے ہوئی۔
چیف فائر آفیسر کا کہنا ہے کہ عمارت میں زوردار دھماکا ہوا، جس کے بعد آگ مزید پھیل گئی ہے، دھماکا گیس لیکج کے باعث ہوا۔
فائر بریگیڈ کی سیڑھیاں ٹوٹنے سے 2 افراد گر کر زخمی
ریسکیو آپریشن کے دوران فائر بریگیڈ کی سیڑھیاں ٹوٹنے سے 2 افراد گر کر زخمی ہو گئے۔
مارکیٹ ذرائع کے مطابق شاپنگ پلازہ میں دکانوں کی تعداد تقریباً 1200 ہے۔
آتشزدگی کے باعث اطراف کے علاقوں میں تبت چوک سے گارڈن چوک ایم اے جناح روڈ اور انکل سریا چوک سے سینٹرل پلازہ تک ماسٹن روڈ بند ہے۔
ٹریفک کو تبت چوک سے جوبلی کی طرف اور انکل سریا چوک سے ٹینکر چورنگی اور گارڈن چوک کی طرف منتقل کردیا گیا ہے۔
سندھ حکومت نے آگ کے واقعے کا نوٹس لیا ہے: شرجیل میمن
وزیر اطلاعات سندھ شرجیل انعام میمن نے کہا ہے کہ گل پلازہ میں لگی آگ میں کوتاہی سامنے آئی تو ذمہ داران کے خلاف سخت کارروائی کی جائے گی۔
جیو نیوز سے گفتگو میں انہوں نے کہا کہ سندھ حکومت نے فوری طور پر گل پلازا میں آگ کے واقعے کا نوٹس لیا ہے۔ سرکاری مشینری رات سے آگ بھجانے میں مصروف ہے۔
ایس ایس پی سٹی کو آگ کی وجوہات کا پتہ لگانے کی ہدایت
وزیر داخلہ سندھ ضیاء الحسن لنجار نے کہا ہے کہ شہریوں کیلئے محفوظ راستے کیلئے متبادل ٹریفک روٹس بنائے جائیں، ایس ایس پی سٹی آگ لگنے کی وجوہات کا پتا لگائیں۔
وزیر داخلہ سندھ کا کہنا تھا کہ عمارت میں آگ کو پھیلنے سے روکا جائے، فائر بریگیڈ گاڑیوں اور عملے کی رسائی کے لیے راستوں کو کلیئر رکھا جائے۔
رینجرز امدادی سرگرمیوں میں حصہ لینے کیلئے جائے وقوعہ پہنچ گئی
ترجمان سندھ رینجرز کا کہنا ہے کہ رینجرز کے دستے جائے وقوعہ پر پہنچ گئے اور اہلکار امدادی سرگرمیوں میں حصہ لے رہے ہیں۔
ترجمان سندھ رینجرز کا بتانا ہے کہ امدادی آپریشن مکمل ہونے تک رینجرز کے افسران اور جوان حادثے کی جگہ موجود رہیں گے۔
فائر ٹینڈرز کے ساتھ ساتھ رینجرز کے جوان پھنسے ہوئے افراد کو نکالنے میں مصروف ہیں، قیمتی املاک اور سامان کی حفاظت کو یقینی بنانے کے لیے بھی سندھ رینجرز کی جانب سے اقدامات کیے جا رہے ہیں۔
آگ مصنوعی پھولوں کی دکان پر لگی تھی جو پھیلتی چلی گئی
صدر گل پلازہ تاجر ایسوسی ایشن کے تنویر قاسم نے کہا کہ عمارت میں 80 سے 100 کے قریب افراد کے پھنسے ہونے کی اطلاع ہے۔
جیو نیوز سے گفتگو میں تنویر قاسم نے کہا کہ عمارت سے تمام کسٹمر نکل چکے ہیں، وزیراعلیٰ سندھ، میئر کراچی کسی نے ابھی تک رابطہ نہیں کیا۔
انہوں نے کہا کہ صرف گورنر سندھ آئے اور کوئی نہیں آیا،عمارت میں 1200 دکانیں ہیں، اربوں روپے کا نقصان ہوا، آگ مصنوعی پھولوں کی دکان پر لگی تھی جو پھیلتی چلی گئی۔
جاں بحق افرادکے اہل خانہ کے ساتھ ہیں، میئر کراچی
میئر کراچی مرتضیٰ وہاب نے گل پلازہ میں آگ سے جانی نقصان پر افسوس کا اظہار کیا اور کہا کہ مشکل وقت میں جاں بحق افرادکے اہل خانہ کے ساتھ ہیں۔
انہوں نے بتایا کہ آگ بجھانے کیلئے امدادی کارروائیاں جاری ہیں، متاثرین کو فوری امداد فراہم کی جائے تاکہ مزید جانی نقصان نہ ہو۔
گورنر سندھ کی گل پلازہ آمد، امدادی کاموں کا جائزہ لیا
گورنر سندھ کامران ٹیسوری گل پلازہ پہنچ گئے، لگنے والی آگ پر اظہار تشویش کیا اور امدادی کاموں کا جائزہ لیا۔
گورنر سندھ نے متعلقہ اداروں کو فوری ریسکیو اور امدادی کارروائیاں تیز کرنے کی ہدایت کی، آتشزدگی سے متاثرہ تاجروں اور افراد کے لیے ہر ممکن تعاون کی یقین دہانی کراتے ہوئے آگ پر قابو پانے اور واقع کی رپورٹ فوری طلب کرلی۔
بلاول کا آتشزدگی کے نتیجے میں جانی و مالی نقصان پر اظہار افسوس
پی پی پی چیئرمین بلاول بھٹو زرداری نے کراچی میں شاپنگ پلازہ میں آتشزدگی کے نتیجے میں جانی و مالی نقصان پر اظہار افسوس کیا،
چیئرمین بلاول بھٹو زرداری نے ایم اے جناح روڈ پر واقع شاپنگ پلازہ میں آتشزدگی میں جاں بحق ہونے والے افراد کے خاندانوں سے تعزیت کا اظہار کیا۔
انہوں نے وزیراعلیٰ سندھ اور میئر کراچی کو آگ بجھانے کیلئے تمام ممکنہ وسائل بروئے کار لانے کی ہدایات کی۔
بلاول بھٹو نے واقعے سے متعلق فوری تحقیقات اور آئندہ اس طرح کے واقعات کی روک تھام کیلئے اقدامات کی بھی ہدایات کی۔
آگ کی وجہ سے عمارت کے پلرز کمزور ہوگئے
آگ کی وجہ سے عمارت کے پلرز کمزور ہوگئے ہیں، ترجمان ریسکیو کا کہنا ہے کہ عمارت انتہائی پرانی ہونے کے باعث گرنے کا خدشہ ہے، آتش گیر سامان کے باعث آگ کی شدت میں اضافہ ہوا۔
سی او او ریسکیو کے عمارت میں کتنے لوگ ہیں تعداد بتانا مشکل ہے،سی او او ریسکیو کے مطابق عمارت کی پچھلی جانب ایک حصہ گرا ہے۔
ٹینکر گرومندر پر ٹریفک جام میں پھنسے رہے
سی او او واٹر کارپوریشن اسد اللّٰہ خان نے کہا کہ کراچی شہر میں تعمیراتی کام کے باعث واٹر ٹینکر تاخیر سے پہنچے۔
ٹینکر گرومندر پر ٹریفک جام میں پھنسے رہے، 3 واٹر ہائیڈرنٹ کے ذریعے پانی کی فراہمی ممکن بنائی گئی۔
آتش گیر سامان کے باعث آگ کی شدت میں اضافہ ہوا
ترجمان ریسکیو کا کہناہے کہ آگ کی وجہ سے عمارت کے پلرز کمزور ہوگئے ہیں، عمارت انتہائی پرانی ہونے کے باعث گرنے کا خدشہ ہے۔
انہوں نے بتایا کہ آتش گیر سامان کے باعث آگ کی شدت میں اضافہ ہوا، عمارت میں کتنے لوگ ہیں تعداد بتانا مشکل ہے۔
گل پلازہ میں ایک بار پھر آگ بھڑک اٹھی
امیر جماعت اسلامی کراچی منعم ظفر نے گل پلازا میں آگ لگنے کے واقعے پر اپنے ردِعمل میں کہا ہے کہ گزشتہ دیڑھ سال میں آتشزدگی کے 25 سو سے زائد واقعات رونما ہوچکے ہیں۔
انہوں نے بتایا کہ یہاں عمارتوں میں ایسا کوئی میکنزم نہیں جس سے شہری محفوظ رہ سکیں۔
منعم ظفر نے مزید کہا کہ یہاں کمیٹیاں بنتی ہیں لیکن پھر کام نہیں ہوتا۔
پانی کی کمی کے باعث عارضی طور پر آگ بجھانے کا عمل روک دیا گیا۔
کراچی ایم اے جناح روڈ پر واقع گل پلازہ میں ایک بار پھر آگ بھڑک اٹھی، پانی کی کمی کے باعث عارضی طور پر آگ بجھانے کا عمل روک دیا گیا۔
ذرائع کا بتانا ہے کہ گراؤنڈ فلورکی تمام دکانیں جل گئی ہیں، اب سے کچھ دیر پہلے آگ پر 60 فیصد تک قابو پا لیا گیا تھا، متاثرہ تاجروں نے گل پلازہ کے باہر اذان دینا شروع کردی۔
.
ذریعہ
ذریعہ: Daily Mumtaz
کلیدی لفظ: آگ کی وجہ سے عمارت کے ایم اے جناح روڈ پر شاپنگ پلازہ میں کا کہنا ہے کہ گل پلازہ میں فائر بریگیڈ میئر کراچی گورنر سندھ کہا ہے کہ نے کہا کہ گ بجھانے کہ عمارت افراد کے انہوں نے کے باعث چوک سے
پڑھیں:
مقبوضہ کشمیر میں 1989 سے اب تک 96 ہزار 499 شہادتیں، ایک لاکھ 84 ہزار سے زائد گرفتاریاں: رپورٹ
مقبوضہ کشمیر میں 1989 سے اب تک 96 ہزار 499 شہادتیں، ایک لاکھ 84 ہزار سے زائد گرفتاریاں: رپورٹ WhatsAppFacebookX 0 23 July, 2026 سب نیوز
سری نگر(آئی پی ایس )مقبوضہ جموں و کشمیر میں انسانی حقوق کی خلاف ورزیوں سے متعلق رپورٹ کے مطابق جنوری 1989 سے جولائی 2026 تک 96 ہزار 499 افراد شہید جبکہ ایک لاکھ 84 ہزار 149 سے زائد افراد گرفتار کیے جا چکے ہیں۔ رپورٹ کے مطابق اس عرصے میں ایک لاکھ 10 ہزار 605 سے زائد مکانات اور دیگر املاک کو نقصان پہنچایا گیا.اس عرصے میں 22 ہزار 992 خواتین بیوہ اور ایک لاکھ 8 ہزار 9 بچے یتیم ہوئے۔ جولائی 2026 میں بھارتی فورسز کے بڑے پیمانے پر کریک ڈان کے دوران 3 ہزار سے زائد کشمیریوں کو گرفتار کیا گیا اور متعدد مکانات مسمار کیے گئے۔
کشمیر میڈیا سروس کی رپورٹ کے مطابق جولائی 2026 میں بھارتی فوج، پولیس اور دیگر سیکیورٹی اداروں نے مقبوضہ جموں و کشمیر کے مختلف علاقوں میں سرچ اور محاصرے کی کارروائیاں تیز کر دیں۔ کلگام، پلوامہ، شوپیاں، اسلام آباد (اننت ناگ)، سرینگر، گاندربل، بارہمولہ، بڈگام، کپواڑہ، بانڈی پورہ، اونتی پورہ اور ہندواڑہ سمیت کئی علاقوں میں گھروں پر چھاپے مارے گئے۔
کشمیر میڈیا سروس کے مطابق ان کارروائیوں کے دوران 3 ہزار سے زائد کشمیری نوجوانوں کو حراست میں لیا گیا، جبکہ شہریوں کو سخت تلاشی، نگرانی اور نقل و حرکت کی پابندیوں کا سامنا کرنا پڑا۔ بھارتی حکام کے مطابق سرچ آپریشنز کے دوران ہزاروں افراد کو حراست میں لیا گیا اور مزید کارروائیاں جاری رہیں گی۔رپورٹ میں بتایا گیا کہ جولائی میں ضلع اسلام آباد (اننت ناگ) میں بھارتی پولیس اہلکار کی ہلاکت کے بعد وادی بھر میں کریک ڈان مزید تیز کیا گیا۔ اس دوران بھارتی انتظامیہ نے بیج بہاڑہ میں عادل ٹھوکر اور حسن پورہ میں ہارون گنائی کے مکانات بھی مسمار کردیے۔
اعداد و شمار کے مطابق جنوری 1989 سے جولائی 2026 تک مقبوضہ کشمیر میں مجموعی طور پر 96 ہزار 499 افراد شہید ہوئے، جن میں 7 ہزار 419 مبینہ حراستی یا جعلی مقابلوں میں شہادتیں شامل ہیں۔ اس دوران ایک لاکھ 84 ہزار 149 سے زائد افراد گرفتار کیے گئے، جبکہ ایک لاکھ 10 ہزار 605 سے زائد مکانات اور دیگر املاک کو نقصان پہنچایا گیا۔
رپورٹ کے مطابق اس عرصے میں 22 ہزار 992 خواتین بیوہ، ایک لاکھ 8 ہزار 9 بچے یتیم اور 11 ہزار 278 خواتین مبینہ طور پر زیادتی یا اجتماعی زیادتی کا نشانہ بنیں۔ رپورٹ کے مطابق 5 اگست 2019 سے جولائی 2026 تک ایک ہزار 66 افراد شہید ہوئے، جن میں 295 مبینہ حراستی شہادتیں یا جعلی مقابلے شامل ہیں۔ اس عرصے میں 2 ہزار 702 افراد تشدد یا شدید زخمی ہوئے، 37 ہزار 210 سے زائد گرفتاریاں ہوئیں، جبکہ ایک ہزار 211 سے زائد مکانات، دکانوں اور دیگر املاک کو نقصان پہنچایا گیا۔ اس دوران 84 خواتین بیوہ، 234 بچے یتیم اور 148 خواتین مبینہ طور پر زیادتی یا اجتماعی زیادتی کا شکار ہوئیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرلاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی اگلی خبرجدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی