کراچی: گل پلازہ میں آتشزدگی کے بعد متعدد افراد تاحال لاپتا، اہل خانہ پریشان
اشاعت کی تاریخ: 18th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: ایم اے جناح روڈ پر واقع گل پلازہ میں گزشتہ رات لگنے والی خوفناک آگ کے بعد متعدد افراد اب تک لاپتا ہیں، جس کے باعث متاثرہ خاندانوں میں شدید بے چینی پائی جاتی ہے۔
لاپتا افراد کے اہلخانہ مختلف اسپتالوں اور مراکز پر اپنے پیاروں کی تلاش میں سرگرداں ہیں۔ اہلخانہ کا کہنا ہے کہ رات تک ان سے رابطہ قائم تھا، تاہم اب ان کے موبائل فون بند آ رہے ہیں۔ سول اسپتال کے برنس سینٹر کے باہر بھی متاثرہ خاندانوں کی بڑی تعداد موجود ہے، جہاں اہلخانہ نے خدشہ ظاہر کیا ہے کہ کئی افراد تاحال عمارت کے اندر پھنسے ہو سکتے ہیں۔
واضح رہے کہ کئی گھنٹے گزرنے کے باوجود آگ پر مکمل قابو نہیں پایا جا سکا، جبکہ آگ کی شدت کے باعث گل پلازہ کے بعض حصے منہدم ہو گئے۔ یہ آتشزدگی ہفتے کی رات تقریباً سوا 10 بجے گراؤنڈ فلور پر لگی، جو تیزی سے تیسری منزل تک پھیل گئی۔
ریسکیو ذرائع کے مطابق واقعے میں ایک فائر فائٹر سمیت 6 افراد جاں بحق اور 20 زخمی ہوئے، جنہیں اسپتال منتقل کیا گیا، جہاں بعض کی حالت تشویشناک بتائی جا رہی ہے۔ جاں بحق افراد میں چار کی شناخت فراز، کاشف، عامر اور شہروز کے نام سے ہوئی ہے، جبکہ فرقان نامی فائر فائٹر کی لاش بھی ٹراما سینٹر منتقل کی گئی۔
ذریعہ
ذریعہ: Jasarat News
پڑھیں:
بحرین میں محرم الحرام کی آمد کیساتھ ہی شیعیان علیؑ کیخلاف کریک ڈاون میں تیزی
گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔ اسلام ٹائمز۔ شیعہ نشین عرب ملک بحرین پر قابض ال خلیفہ حکام اپنے جرائم کا سلسلہ جاری رکھے ہوئے ہیں اور متعدد شہریوں کی گرفتاریوں کا ایک سلسلہ شروع کیا ہے۔ محرم الحرام کی آمد کیساتھ ہی بحرین میں شیعہ شہریوں کے خلاف سیکیورٹی اداروں کی طرف سے شروع کیے گئے کریک ڈاؤن کے تحت، انہیں تفتیش کے لیے طلب کرنے کے بعد متعدد شہریوں کو گرفتار کیا جا چکا ہے۔ گرفتار کیے گئے افراد کے نام حسب ذیل ہیں: - ناصر الکشری (اهل بیت علیہم السلام کے ذاکر) - حاج عبدالجبّار میرزا - حاج حسین درویش - إیهاب الحمدی - احمد حسن - السید عبدالله ماجد - حسین الخیاط - محمود مسلم - حاج مهدی صالح - دو بھائی علی و حسن الغانم - رضا ابراهیم محمد حمادة - السید حسین جعفر - محمد سرحان
غاصب بحرینی حکام یہیں نہیں رکے بلکہ انہوں نے دو بچوں مصطفی یوسف اور زین محمد ابراهیم کو بھی گرفتار کر لیا ہے۔ شیعہ آبادی والے دیہاتوں میں سیکیورٹی الرٹ کی حالت ہے، جہاں حکام نے زیادہ تر دیہاتوں کے اطراف اپنی افواج تعینات کر رکھی ہیں، تاکہ وہ متعدد شہریوں کو طلب کر کے گرفتار کریں۔ یہ گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ