وزیر بلدیات نے نیو بس ٹرمینل روہڑی کا افتتاح کردیا
اشاعت کی تاریخ: 19th, January 2026 GMT
data-id="863a0a8" data-element_type="widget" data-widget_type="theme-post-content.default">
سکھر(نمائندہ جسارت )صوبائی وزیر بلدیات سید ناصر حسین شاہ نے نیو بس ٹرمینل روہڑی کا باقاعدہ افتتاح کر دیا، اس موقع پر ڈپٹی کمشنر سکھر نادر شہزاد خان، ریجنل ٹرانسپورٹ آفیسر سکھر فیاض منگی اور دیگر بھی ان کے ہمراہ موجود تھے۔ اس موقع پر تقریب سے خطاب کرتے ہوئے صوبائی وزیر بلدیات سید ناصر حسین شاہ نے کہا کہ چیئرمین پاکستان پیپلز پارٹی بلاول بھٹو زرداری کا وڑن ہے کہ لوگوں کو زیادہ سے زیادہ سہولیات میسر کی جائیں، نیو بس ٹرمینل روہڑی اسی سلسلے کی ایک کڑی ہے، انہوں نے کہا کہ نیو بس ٹرمینل روہڑی کے قیام سے سکھر اور روہڑی کے عوام کو بہتر اور منظم سفری سہولیات فراہم ہونگی۔ سید ناصر حسین شاہ نے کہا کہ ضلع انتظامیہ کے ساتھ مل کر سکھر اور روہڑی میں ٹریفک اشوز میں کمی لانے کے لیے اقدامات کیے جا رہے ہیں، انہوں نے کہا کہ نیو بس ٹرمینل روہڑی میں دیگر سہولیات کے ساتھ باؤنڈری وال اور مسافروں کے لیے مزید واش رومز بھی تعمیر کرائے جائیں گے، جبکہ اس سلسلے میں چیئرمین ضلع کونسل سکھر کو بھی تعاون کے لیے کہا جائے گا۔ صوبائی وزیر نے نیو بس ٹرمینل روہڑی کی باقاعدہ فعالی کے لیے ضلع انتظامیہ کی کوششوں اور ٹرانسپورٹرز کے مثبت تعاون کو سراہا۔ اس موقع پر ڈپٹی کمشنر سکھر نادر شہزاد خان نے تقریب سے خطاب میں کہا کہ سندھ حکومت، ضلع انتظامیہ اور محکمہ ٹرانسپورٹ کی مشترکہ کوششوں سے بس ٹرمینل کو فعال بنایا گیا ہے، انہوں نے کہا کہ ہماری کوشش ہے کہ سکھر اور روہڑی میں ٹریفک اشوز میں کمی لائی جائے۔بعد ازاں میڈیا سے بات چیت کرتے ہوئے صوبائی وزیر بلدیات سید ناصر حسین شاہ کا گزشتہ روز کراچی کے گل پلازہ میں پیش آنے والے آتشزدگی کے واقعے کے متعلق کہنا تھا کہ انتظامیہ، بلدیہ کے نمائندے اور پیپلز پارٹی کے ایم پی اے فوری طور پر موقع پر پہنچ چکے تھے، فائر فائٹر عملہ فائر برگیڈ گاڑیوں کے ہمراہ پہنچ کر آگ بجھانے کے عمل میں مصروف رہا، اس دوران ایک فائر فائٹر نے بھی فرض نبھاتے ہوئے اپنی جان گنوا دی، انہوں نے کہا کہ یہ نہایت افسوسناک واقعہ تھا، جس سے قیمتی انسانی جانوں کا ضیاع ہوا جبکہ کئی ایک زخمی بھی ہوئے، اور تاجر برادری کو اس واقع سے بھاری مالی نقصان کا سامنا بھی کرنا پڑا، انہوں نے کہا کہ وزیر اعلیٰ سندھ سید مراد علی شاہ نے گل پلازہ آتشزدگی واقع کے اسباب معلوم کرنے کے لیے متعلقہ حکام کو انکوائری کے لیے ہدایات جاری کر دی ہیں۔ ایک سوال کے جواب میں صوبائی وزیر نے بتایا کہ ہماری بھرپور کوشش ہے کہ سکھر میں دریائے سندھ پر ٹرانسپورٹ کی آمد و رفت کے لیے ایک نیا پل تعمیر ہو، کیونکہ موجودہ سکھر بیراج پل اور لینسڈاؤن پل دونوں ہی قدیمی اور تاریخی اثاثہ ہیں، اس لیے چاہتے ہیں کہ ان پلوں پر ٹرانسپورٹیشن محدود تر ہو۔ انہوں نے کہا کہ نئی ترامیم کابینہ بھیج کر اسیمبلی میں منظوری کے لیے پیش کی جائیں گی، انہوں نے کہا کہ لوکل کونسلوں/ بلدیاتی اداروں کو مضبوط بنانا ہوگا۔ صوبائی وزیر سید ناصر حسین شاہ نے کہا کہ پی ٹی آئی کو پہیہ جام ہڑتال کی کال دے کر اپنے لوگوں کو تکلیف میں ڈالنا نہیں چاہیے، اس سے فساد اور ان کا اپنا ہی نقصان واقع ہوگا، اس لیے تو کہتا ہوں کہ پی ٹی آئی کو پی ٹی آئی – پی (پاکستان تحریک انصاف پرامن) بننا ہوگا اور آئندہ انتخابات تک صبر کا مظاہرہ بھی کرنا ہوگا۔
ذریعہ
ذریعہ: Jasarat News
کلیدی لفظ: سید ناصر حسین شاہ نے نیو بس ٹرمینل روہڑی انہوں نے کہا کہ وزیر بلدیات کے لیے
پڑھیں:
سندھ میں 20 لاکھ گھروں کی تعمیر کو ممکن بنائیں گے:بلاول بھٹو کا گلگت جلسے سے خطاب
سٹی 42: گلگت بلتستان انتخابات کے سلسلے میں اسکردو میں پاکستان پیپلز پارٹی کے جلسے سے چیئرمین پاکستان پیپلز پارٹی بلاول بھٹو زرداری نے خطاب کرتے ہوئے کہا کہ سندھ میں 20 لاکھ گھروں کی تعمیر کا منصوبہ دنیا کا سب سے بڑا ہاؤسنگ پراجیکٹ ہے، جبکہ حقیقی ترقی امیروں کو مزید مراعات دینے کے بجائے غریبوں کو روزگار اور مواقع فراہم کرنے سے ممکن ہے۔
بلاول بھٹو زرداری نے کہا کہ گلگت بلتستان کے عوام کو ان کے آئینی اور جمہوری حقوق دینا ملکی ترقی کے لیے ناگزیر ہے۔ انہوں نے اعلان کیا کہ پیپلز پارٹی گلگت بلتستان کو 18ویں ترمیم جیسے اختیارات دینے کی حامی ہے اور اسلام آباد کو یہاں کے عوام کے حقِ ملکیت کو تسلیم کرنا ہوگا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
چیئرمین پیپلز پارٹی نے کہا کہ تھر کول منصوبے میں 80 فیصد ملازمتیں مقامی افراد کو دی گئیں، جو ان کی جماعت کے عوام دوست وژن کا عملی ثبوت ہے۔ انہوں نے دعویٰ کیا کہ گلگت بلتستان کے دوروں کے حوالے سے وہ دیگر تمام سیاسی رہنماؤں سے زیادہ مرتبہ یہاں آ چکے ہیں۔
خطاب کے دوران بلاول بھٹو زرداری نے ملکی دفاعی صلاحیتوں کا ذکر کرتے ہوئے کہا کہ پاکستان کا ایٹمی پروگرام شہید ذوالفقار علی بھٹو کی قیادت میں شروع ہوا جبکہ میزائل پروگرام کو شہید محترمہ بینظیر بھٹو نے آگے بڑھایا۔ انہوں نے کہا کہ سابق صدر آصف علی زرداری نے پاکستان میں غیر ملکی فوجی اڈوں کی موجودگی کا خاتمہ کیا تھا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
سماجی بہبود کے حوالے سے انہوں نے کہا کہ بے نظیر انکم سپورٹ پروگرام کو ہر صورت محفوظ رکھا جائے گا اور آئندہ بجٹ میں اس پروگرام کے فنڈز میں اضافے کی کوشش کی جائے گی۔ ان کے مطابق پیپلز پارٹی غریب اور پسماندہ طبقات کی نمائندہ جماعت ہے اور عوامی فلاح کے منصوبوں کو جاری رکھے گی۔
علاقائی اور عالمی صورتحال پر گفتگو کرتے ہوئے بلاول بھٹو زرداری نے کہا کہ خطے میں جاری کشیدگی اور جنگوں کے اثرات پوری مسلم دنیا اور عالمی معیشت پر مرتب ہو رہے ہیں۔ انہوں نے امن کے قیام کی ضرورت پر زور دیتے ہوئے امید ظاہر کی کہ جنگوں کے خاتمے اور استحکام کے لیے جاری سفارتی کوششیں کامیاب ہوں گی۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
انہوں نے کہا کہ پیپلز پارٹی ہمیشہ امن، جمہوریت اور عوامی حقوق کی سیاست پر یقین رکھتی ہے اور آئندہ بھی عوام کے مفادات کے تحفظ کے لیے اپنا کردار ادا کرتی رہے گی۔
بلاول بھٹو زرداری نے کہا کہ آپ نے فیصلہ کرنا ہے ، عوام دوست یا عوام دشمن حکومت بنانی ہے ،ہماری غریب دوست اور ان کی عوام دشمن سیاست ہے ، میں نے سیلاب متاثرہ عوام کے لیے گھر بنا کر دیکھائے ۔ انھوں نے کہا کہ ہماری کوشش ہوتی ہے کہ زیادہ سے زیادہ لوگوں کو روزگار دیں ،دوسری جماعتوں کی کوشش ہوتی ہے کہ کیسے لوگوں کو بے روز گار کریں ۔
آزاد کشمیر:تعلیمی اداروں میں گرمیوں کی چھٹیوں کا اعلان
گلگت بلتستان میں انتخابی مہم کے سلسلے میں اسکردو میں جلسے سے خطاب کرتے ہوئے چیئرمین پاکستان پیپلز پارٹی بلاول بھٹو زرداری نے کہا کہ پاکستان کی دفاعی طاقت کی بدولت آج کوئی بھی ملک پاکستان کی جانب میلی آنکھ سے دیکھنے کی جرات نہیں کر سکتا۔ انہوں نے کہا کہ شہید ذوالفقار علی بھٹو نے قوم کو ایٹمی پروگرام کا تحفہ دیا، جبکہ شہید محترمہ بینظیر بھٹو نے میزائل پروگرام کو آگے بڑھایا اور ملکی دفاع کو مزید مضبوط بنایا۔
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
بلاول بھٹو زرداری نے سابق فوجی حکومت پر تنقید کرتے ہوئے کہا کہ مشرف دور میں غیر ملکی طاقتوں کو پاکستان کی سرزمین پر اڈے قائم کرنے کی اجازت دی گئی تھی، تاہم سلالہ واقعے کے بعد صدر آصف علی زرداری نے ایسے تمام اڈوں کو بند کروا کر غیر ملکی افواج کو واپس بھیج دیا۔ چیئرمین پیپلز پارٹی نے کہا کہ ان کی جماعت پاکستان کو ہر شعبے میں مضبوط اور خودمختار دیکھنا چاہتی ہے۔ ان کے بقول پاکستان پیپلز پارٹی واحد سیاسی جماعت ہے جو ملک کو مزید مستحکم اور عوامی فلاح کی راہ پر گامزن کر سکتی ہے۔
انہوں نے کہا کہ پیپلز پارٹی نے ہمیشہ عوام کو معاشی ریلیف فراہم کرنے کے لیے اقدامات کیے ہیں اور اسی سوچ کے تحت بے نظیر انکم سپورٹ پروگرام (بی آئی ایس پی) متعارف کرایا گیا، جس کے ذریعے غریب اور مستحق خاندانوں کو مالی معاونت فراہم کی جاتی ہے۔ بلاول بھٹو زرداری نے کہا کہ بی آئی ایس پی اسلام آباد یا کسی ایک علاقے کا نہیں بلکہ پورے پاکستان کے عوام کا پروگرام ہے، تاہم بعض سیاسی عناصر اسے ختم کرنے کی کوشش کرتے رہتے ہیں۔
انہوں نے اعلان کیا کہ چاہے گلگت بلتستان کے انتخابات میں پیپلز پارٹی کے امیدوار کامیاب ہوں یا نہ ہوں، وزیراعظم آئندہ بجٹ میں بے نظیر انکم سپورٹ پروگرام کے فنڈز میں اضافے کا اعلان کریں گے تاکہ زیادہ سے زیادہ مستحق افراد کو ریلیف فراہم کیا جا سکے،انہوں نے اس عزم کا اظہار کیا کہ پیپلز پارٹی آئندہ بھی عوامی فلاح، معاشی استحکام اور قومی خودمختاری کے لیے اپنی جدوجہد جاری رکھے گی۔
وزارت آئی ٹی نے 1.67 ارب روپے سے زاید کے فنڈز طلب کرلیے