2 بیویوں کے شوہر نے ’لائیو اِن پارٹنر‘ کو قتل کر کے لاش جلادی
اشاعت کی تاریخ: 19th, January 2026 GMT
بھارتی ریاست اتر پردیش کے ضلع جھانسی میں ایک ہولناک قتل کا انکشاف ہوا ہے جہاں ایک ریٹائرڈ ریلوے ملازم نے اپنی 35 سالہ ’لائیو اِن پارٹنر‘ کو قتل کرنے کے بعد لاش کو لوہے کے صندوق میں بند کر کے جلا دیا۔ شواہد مٹانے کے لیے ملزم نے راکھ کو بوریوں میں بھر کر دریا میں بہا دیا، جبکہ باقی ماندہ جلی ہوئی باقیات کو اپنی دوسری بیوی کے گھر منتقل کرنے کی کوشش کی۔
ملزم کی دوہری زندگی بے نقابپولیس تحقیقات کے مطابق ملزم رام سنگھ پریہار دوہری زندگی گزار رہا تھا۔ اس کی 2 شادیاں تھیں، پہلی بیوی جھانسی کے سپری بازار علاقے میں رہتی تھی جبکہ دوسری بیوی گیتا سٹی کوتوالی کے علاقے میں مقیم ہے۔ مقتولہ پریتی ملزم کے ساتھ بطور ’لائیو اِن پارٹنر‘ رہ رہی تھی۔
قتل کی وجہ: رقم کا تنازعابتدائی تحقیقات میں سامنے آیا ہے کہ پریتی ملزم سے بھاری رقم کا مطالبہ کر رہی تھی اور اس سے پہلے بھی لاکھوں روپے لے چکی تھی۔ اسی مالی دباؤ کے باعث ملزم نے مبینہ طور پر اسے قتل کر دیا۔
لاش جلانے اور شواہد مٹانے کی منصوبہ بندیپولیس کے مطابق قتل کے بعد ملزم نے لاش کو ترپال میں لپیٹا اور بعد ازاں لوہے کے صندوق میں رکھ کر آگ لگا دی۔ لاش جلنے کے بعد ملزم نے راکھ کو بوریوں میں بھر کر قریبی دریا میں پھینک دیا، تاہم کچھ ہڈیاں اور جلی ہوئی باقیات صندوق میں رہ گئیں۔
مشکوک صندوق نے راز فاش کر دیایہ سنگین جرم اس وقت منظرِ عام پر آیا جب ایک لوڈر ڈرائیور نے مشکوک حرکت کو بھانپ لیا۔ ہفتے کی رات رام سنگھ نے اپنی دوسری بیوی سے بیٹے نتن کو فون کیا اور ایک لوڈر کرایے پر لے کر نیلا بھاری صندوق گیتا کے گھر بھجوانے کی کوشش کی۔
لوڈر ڈرائیور جئے سنگھ پال نے صندوق کے وزن اور افراد کے رویے کو مشکوک جان کر پولیس کنٹرول روم کو اطلاع دے دی۔
پولیس کی کارروائی، جلے ہوئے انسانی اعضا برآمدپولیس کے موقع پر پہنچنے کے بعد جب صندوق کھولا گیا تو اس میں جلی ہوئی انسانی باقیات، ہڈیوں کے ٹکڑے اور کوئلے جیسے مواد موجود تھے۔ فرانزک ٹیم نے شواہد قبضے میں لے کر تحقیقات شروع کر دیں۔
پولیس کا مؤقفایس پی سٹی پریتی سنگھ کے مطابق، ’لوڈر ڈرائیور کی اطلاع پر پولیس نے کارروائی کی۔ صندوق سے انسانی ہڈیوں اور جلے ہوئے مواد کی برآمدگی ہوئی ہے۔ ملزم کی دوسری بیوی نے بتایا کہ رام سنگھ ’لائیو اِن پارٹنر‘ کی جانب سے رقم کے مطالبے سے پریشان تھا۔ شواہد اکٹھے کر لیے گئے ہیں، جبکہ ملزم کے بیٹے سمیت 2 افراد کو حراست میں لیا گیا ہے۔ مرکزی ملزم کی تلاش جاری ہے۔‘
پڑوسیوں نے بھی مشکوک سرگرمیوں کی تصدیق کیملزم کی پڑوسن سربھی نے بتایا کہ رام سنگھ کئی دنوں سے لکڑیاں جمع کر رہا تھا۔ ’چند دن پہلے عجیب سی بو آ رہی تھی، لیکن ہم نے سمجھا کہ وہ سردی کے باعث آگ جلا رہا ہے۔‘
مقدمہ درج، مرکزی ملزم مفرورجھانسی پولیس نے مقتولہ کے سابق شوہر کی شکایت پر مقدمہ درج کر لیا ہے۔ پولیس کے مطابق قتل ممکنہ طور پر 8 جنوری کے آس پاس کیا گیا۔ ملزم کا بیٹا اور ایک ساتھی زیرِ حراست ہیں، جبکہ مرکزی ملزم رام سنگھ پریہار کی گرفتاری کے لیے چھاپے مارے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: لائیو ا ن پارٹنر دوسری بیوی کے مطابق رام سنگھ ملزم کی کے بعد
پڑھیں:
کراچی میں فائرنگ سے باپ اور نوجوان بیٹا جاں بحق
شہر قائد کے علاقے سرجانی ٹاؤن روزی گوٹْھ میں فائرنگ کے افسوسناک واقعے میں باپ اور بیٹا جاں بحق جبکہ دوسرا بیٹا زخمی ہوگیا۔
تفصیلات کے مطابق سرجانی روزی گوٹھ میں فائرنگ کا افسوسناک واقعہ پیش آیا جس میں والد اور دو بیٹے زخمی ہوئے۔
مقتولین کی لاشوں اور زخمی کو چھیپا کے رضا کاروں نے عباسی شہید اسپتال منتقل کیا۔
اس حوالے سے ترجمان ڈسٹرکٹ ویسٹ پولیس کا کہنا ہے کہ سرجانی روزی گوٹھ میں فائرنگ سے جاں بحق افراد کی شناخت 62 سالہ کامل حسین اور اس کے بیٹے کو 26 سالہ دوہان کے نام شناخت کیا گیا جبکہ زخمی ہونے والے دوسرے بیٹے 30 سالہ عادل کو طبی امداد فراہم کی جا رہی ہے۔
ترجمان کے مطابق ابتدائی معلومات میں پتہ چلا ہے کہ فائرنگ کا واقعہ رشتے داروں کے درمیان تنازع پر جھگڑے کے دوران پیش آیا جس کی اطلاع ملتے ہی سرجانی ٹاؤن پولیس نے موقع پر پہنچ کر شواہد حاصل کیے اور واقعے کی مزید چھان بین شروع کر دی ہے۔
ترجمان کے مطابق فائرنگ کرنے والے ملزم کی بھی شناخت کرلی گئی ہے جس کی گرفتاری کے لیے لیے پولیس چھاپہ مار رہی ہے جسے جلد گرفتار کرلیا جائیگا۔
ایس ایچ او سرجانی ٹاؤن سہیل خاصخیلی نے بتایا کہ فائرنگ کا واقعہ لڑکی کے رشتے پر ہونے والے تنازعے کی وجہ سے پیش آئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے