الیکشن کمیشن نے بلدیاتی انتخابات کے بروقت انعقاد کیلئے قانون سازی کی سفارش کردی
اشاعت کی تاریخ: 19th, January 2026 GMT
---فائل فوٹو
الیکشن کمیشن کی جانب سے بلدیاتی انتخابات کے بروقت انعقاد کے لیے قانون سازی کی سفارش کی گئی ہے۔
الیکشن کمیشن کے ترجمان کے مطابق مقامی حکومت ملکی جمہوری اداروں کا اہم ستون ہے، بلدیاتی حکومت مقامی سطح پر لوگوں کو سہولتیں اور ان کے مسائل حل کرتی ہے، الیکشن کمیشن اسے قومی مسئلہ سمجھتی ہے۔
الیکشن کمیشن کے ترجمان کا کہنا ہے کہ الیکشنز ایکٹ 2017ء کے سیکشن 219 میں ترمیم کے لیے حکومت کو سفارشات بھجھوادی ہیں، مقامی حکومتوں کی میعاد کے اختتام یا تحلیل کے وقت جو مقامی حکومت قوانین ہوں اس کے تحت الیکشن ہو۔
الیکشن کمیشن کے مطابق سفارشات اس لیے بھیجی ہیں کہ کوئی بھی حکومت بلدیاتی انتخابات بروقت کروانا نہیں چاہتی، بلدیاتی انتخابات کا انعقاد وفاقی، صوبائی حکومتوں اور الیکشن کمیشن کی مشترکہ ذمہ داری ہے۔
.
ذریعہ
ذریعہ: Jang News
کلیدی لفظ: بلدیاتی انتخابات الیکشن کمیشن
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی