اسلام آباد میں بچوں کی ڈی ورمنگ مہم شروع کر دی، وزیر صحت
اشاعت کی تاریخ: 19th, January 2026 GMT
اسلام آباد(نیوزڈیسک) وزیرِ مملکت برائے تعلیم وجیہہ قمر نےکہا کہ پیٹ میں کیڑوں کی بیماری بچوں کی جسمانی اور ذہنی نشوونما کو شدید متاثر کرتی ہے، اسلام آباد میں بچوں کی ڈی ورمنگ مہم شروع کر دی گئی۔
اسلام آباد ماڈل کالج فار گرلز ایف سیون میں بچوں میں ڈی ورمنگ مہم کی افتتاحی تقریب ہوئی۔۔ وزیر مملکت برائے تعلیم وجیہہ قمر نے بطور مہمانِ خصوصی شرکت کی۔ انہوں نے کہا کہ پیٹ میں کیڑوں کی بیماری سے بچے جسمانی کمزوری اور ذہنی تناؤ کا شکار ہو جاتے ہیں۔ اس بیماری پر قابو پانے کے لیے مشترکہ اقدامات کی ضرورت ہے۔
وزیر مملکت نے مدارس کے منتظمین سے بھی اپیل کی کہ وہ اس مہم میں حکومت کے ساتھ بھرپور تعاون کریں تاکہ زیادہ سے زیادہ بچوں کو اس بیماری سے محفوظ بنایا جا سکے۔ تقریب میں محکمہ تعلیم اور صحت کے حکام نے بھی شرکت کی اور ڈی ورمنگ مہم کے اغراض و مقاصد سے آگاہ کیا۔ مقررین نے اس عزم کا اظہار کیا کہ اس مہم کے ذریعے بچوں کو صحت مند، توانا اور بہتر مستقبل فراہم کرنے کے لیے ہر ممکن اقدامات کیے جائیں گے۔
.
ذریعہ
ذریعہ: Daily Mumtaz
پڑھیں:
اسلام آباد میں مارکیٹوں اور دکانوں کے اوقات کار میں توسیع کی منظوری
دارالحکومت اسلام آباد میں مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ