فیلڈ مارشل عاصم منیر کا نیشنل پولیس اکیڈمی دورہ، پولیس کی خدمات کو خراج عقیدت
اشاعت کی تاریخ: 20th, January 2026 GMT
احمد منصور: فیلڈ مارشل سید عاصم منیر نے نیشنل پولیس اکیڈمی اسلام آباد کا دورہ کیا جہاں انہوں نے کیڈٹ اسسٹنٹ سپرنٹنڈنٹس آف پولیس سے ملاقات کی۔ آئی ایس پی آر کے مطابق نیشنل پولیس اکیڈمی آمد پر کمانڈنٹ نے فیلڈ مارشل کا استقبال کیا اور پولیس کے چاق و چوبند دستے نے انہیں گارڈ آف آنر پیش کیا۔ اس موقع پر وفاقی وزیر داخلہ محسن نقوی اور وزیرِ مملکت برائے داخلہ طلال چوہدری بھی موجود تھے۔
شائقین 15 فروری کو 2 پاک بھارت ٹاکرے دیکھنے کیلئے ہو جائیں تیار
فیلڈ مارشل سید عاصم منیر نے کہا کہ مضبوط، پیشہ ور اور عوام دوست پولیس فورس داخلی سلامتی کے لیے ناگزیر ہے اور قانون نافذ کرنا پولیس کی مقدس ذمہ داری ہے۔ انہوں نے کہا کہ پاک فوج ہمیشہ پاکستان کی بہادر اور قابل فخر پولیس کے شانہ بشانہ کھڑی رہے گی۔
انہوں نے قیام امن اور عوامی تحفظ کے لیے جانوں کا نذرانہ پیش کرنے والے پولیس شہدا کی قربانیوں کو سراہا اور دہشت گردی، جرائم اور داخلی سلامتی کے چیلنجز کے خلاف پولیس کی قربانیوں کا اعتراف کیا۔ فیلڈ مارشل نے پولیس کو شہریوں کی جان، مال اور عزت کے تحفظ میں پہلی دفاعی لائن قرار دیا۔
پنجاب سیف سٹیز اتھارٹی کا بڑا اقدام، تعلیمی اداروں کے لیے ورچوئل سکیورٹی سنٹر قائم
آئی ایس پی آر کے مطابق فیلڈ مارشل نے بین الادارہ تعاون، جدید پولیسنگ اور عوامی اعتماد کے فروغ پر زور دیا۔ سینئر پولیس قیادت نے محکمہ کے معیار کو بہتر بنانے، پیشہ ورانہ صلاحیتوں میں اضافے اور ادارہ جاتی اصلاحات کے عزم کا اعادہ کیا۔
فیلڈ مارشل عاصم منیر نے یادگار شہدا پر پھولوں کی چادر چڑھائی، فاتحہ خوانی کی اور پولیس شہدا کو خراج عقیدت پیش کیا۔
ذریعہ
ذریعہ: City 42
کلیدی لفظ: فیلڈ مارشل
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے