امریکا اور کینیڈا کے طیارے جلد گرین لینڈ پہنچیں گے، مشترکہ دفاعی کمانڈ کا اعلان
اشاعت کی تاریخ: 20th, January 2026 GMT
نارتھ امریکن ایروسپیس ڈیفنس کمانڈ (این او آر اے ڈی) نے ایک ٹویٹ میں بتایا کہ ان کے طیارے جلد گرین لینڈ کے پِٹو فِک اسپیس بیس پہنچیں گے۔
ٹویٹ میں کہا گیا کہ یہ طیارے امریکا اور کینیڈا کے براعظمی بیسز سے آپریشنز کے ساتھ تعاون کریں گے اور ڈیفنس کمانڈ کی طویل مدتی منصوبہ بند سرگرمیوں میں حصہ لیں گے، جو امریکا اور کینیڈا کے درمیان مضبوط دفاعی تعاون کے ساتھ ساتھ ڈنمارک کی بادشاہت کے ساتھ جاری تعلقات کی بنیاد پر کی جا رہی ہیں۔
یہ بھی پڑھیے: ٹرمپ کی دھمکیوں کے بعد ڈنمارک نے گرین لینڈ میں مزید فوجی تعینات کر دیے
بیان میں دعویٰ کیا جا رہا ہے کہ یہ سرگرمی ڈنمارک کی بادشاہت کے ساتھ ہم آہنگی سے کی جا رہی ہے، اور تمام متعلقہ افواج لازمی سفارتی اجازت ناموں کے ساتھ آپریشن کریں گی۔ حکومتِ گرین لینڈ کو بھی منصوبہ بند سرگرمیوں کے بارے میں آگاہ کر دیا گیا ہے۔
North American Aerospace Defense Command (NORAD) aircraft will soon arrive at Pituffik Space Base, Greenland.
— North American Aerospace Defense Command (@NORADCommand) January 19, 2026
بیان میں کہا گیا ہے کہ ڈیفنس کمانڈ شمالی امریکا کے دفاع کے لیے پھیلی ہوئی اور مسلسل آپریشنز انجام دیتا ہے، جو الاسکا، کینیڈا اور امریکا کے براعظمی علاقوں میں سے کسی ایک یا تمام کمانڈ خطوں میں کیے جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی ایئرفورس کینیڈا گرین لینڈ
ذریعہ
ذریعہ: WE News
کلیدی لفظ: امریکی ایئرفورس کینیڈا گرین لینڈ گرین لینڈ کے ساتھ
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا