کراچی: بچوں سے زیادتی کے ملزم کا جسمانی ریمانڈ، مختلف عدالتوں کے متضاد احکامات
اشاعت کی تاریخ: 20th, January 2026 GMT
کراچی میں بچوں سے زیادتی کے مقدمات میں گرفتار ملزم عمران کو پولیس نے جوڈیشل مجسٹریٹ ایسٹ شاہد علی کی عدالت میں پیش کیا، جہاں عدالت نے تفتیشی افسر کی درخواست پر ملزم کا 4 روزہ جسمانی ریمانڈ منظور کر لیا۔
سماعت کے دوران تفتیشی افسر نے عدالت کو بتایا کہ ملزم کے خلاف 2024 کا مقدمہ زیرِ تفتیش ہے جس کے لیے جسمانی ریمانڈ درکار ہے۔ عدالت کے استفسار پر تفتیشی افسر نے کہا کہ مذکورہ مقدمہ پہلے نامعلوم ملزم کے خلاف درج تھا اور بعد میں اسے اے کلاس قرار دے دیا گیا تھا۔
یہ بھی پڑھیے: درجنوں بچوں سے زیادتی کے مرتکب شخص سے متعلق نئے انکشافات سامنے آگئے
عدالت نے اے کلاس رپورٹ طلب کی تو تفتیشی افسر نے مہلت مانگ لی، جس پر عدالت نے ریمانڈ منظور کرتے ہوئے رپورٹ پیش کرنے کی ہدایت جاری کی۔
دوسری جانب، جوڈیشل مجسٹریٹ ساؤتھ عبدالسلیم کلہوڑو کی عدالت میں بھی ملزم عمران کو پیش کیا گیا، جہاں دو مقدمات میں جسمانی ریمانڈ کی درخواست دی گئی۔ تاہم عدالت نے 2022 کے بچوں سے زیادتی کے مقدمے میں جسمانی ریمانڈ دینے سے انکار کر دیا۔
سماعت کے دوران انسپکٹر شعیب نے جسمانی ریمانڈ کی استدعا کی، جس پر عدالت نے استفسار کیا کہ مقدمے کا تفتیشی افسر کہاں ہے۔ عدالت نے ریمارکس دیے کہ ڈیفنس پولیس ملزم کو ایک بار عدالت میں پیش کرکے بعد میں مقدمہ بھول جاتی ہے۔
یہ بھی پڑھیے: جیکب آباد: خاتون کا پولیس اہلکاروں پر پوتی سے زیادتی کا سنگین الزام، وزیر داخلہ سندھ کا نوٹس
جوڈیشل مجسٹریٹ عبدالسلیم کلہوڑو نے کہا کہ نہ تو 2022 کے مقدمے کی کوئی رپورٹ موجود ہے، نہ پولیس فائل مکمل ہے، اور ایسی صورتحال میں جسمانی ریمانڈ نہیں دیا جا سکتا۔ عدالت نے واضح کیا کہ مقدمے کا تفتیشی افسر یا سینئر تفتیشی افسر پیش ہوگا تو ہی ریمانڈ پر غور کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بچوں سے زیادتی عدالت کراچی پولیس ملزم.
ذریعہ
ذریعہ: WE News
کلیدی لفظ: بچوں سے زیادتی عدالت کراچی پولیس بچوں سے زیادتی کے تفتیشی افسر عدالت نے
پڑھیں:
کراچی، فیڈرل بی انڈسٹریل ایریا میں پولیس مقابلہ، 2 زخمی ڈاکو گرفتار، چھینی گئی موٹر سائیکل برآمد
کراچی:شہر قائد میں فیڈرل بی انڈسٹریل ایریا پولیس نے مبینہ مقابلے کے بعد زخمی سمیت 2 ڈاکوؤں کو گرفتار کر کے اسلحہ ، شہری سے اسلحہ کے زور پر چھینی گئی موٹرسائیکل اور دیگر سامان برآمد کر لیا ۔
تفصیلات کے مطابق فیڈرل بی انڈسٹریل ایریا پولیس نے راشد منہاس روڈ سہراب گوٹھ پل کے قریب سے مبینہ مقابلے کے بعد زخمی سمیت 2 ڈاکوؤں کو گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان ایس یس پی ڈسٹرکٹ سینٹرل عمران خان کے مطابق زخمی حالت میں گرفتار ڈاکو کی شناخت شعیب ولد احسان کے نام سے کی گئی جبکہ دوسرے گرفتار ملزم نے اپنا نام رضی الدین ولد سمیع الدین بتایا۔
گرفتار ملزمان سے ایک پستول بمعہ گولیاں ، موبائل فون ، کیش رقم اور موٹرسائیکل برآمد کی گئی۔
ملزمان سے ملنے والی موٹرسائیکل 21 جولائی 2026 کو شاہراہ پاکستان سے شہری سے اسلحہ کے زور پر چھینی گئی تھی ۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا