سوئی ناردرن گیس کمپنی کاخراب ہونیوالے گھریلو میٹرز کی تبدیلی کا آغاز
اشاعت کی تاریخ: 20th, January 2026 GMT
شاہد سپرا: سوئی ناردرن گیس پائپ لائنز لمیٹڈ (ایس این جی پی ایل) نے خراب ہونے والے گھریلو گیس میٹرز کی تبدیلی کا باقاعدہ آغاز کر دیا ہے۔
ذرائع کے مطابق جن گھریلو صارفین کے بلوں میں ریڈنگ چارج نہیں ہو رہا، ان کے میٹرز کو خراب قرار دے کر تبدیل کیا جا رہا ہے۔
کمپنی نے مختلف علاقوں میں سینکڑوں صارفین کے گیس میٹرز کو خراب ڈکلیئر کیا ہے اور ان کی نشاندہی کے بعد فیلڈ ٹیموں کو میٹرز کی تبدیلی کا ٹاسک سونپ دیا گیا ہے۔ اتارے جانے والے پرانے میٹرز کو ایس این جی پی ایل کی لیبارٹری بھجوایا جائے گا، جہاں تکنیکی جانچ کے بعد حتمی رپورٹ تیار کی جائے گی۔
کابل: چینی ریسٹورنٹ میں دھماکہ،7 افراد ہلاک اور متعدد زخمی
لیبارٹری رپورٹ کی روشنی میں صارفین کے سابقہ بلوں کا جائزہ لیا جائے گا اور اگر کسی قسم کی اضافی یا کم ریڈنگ سامنے آئی تو اسی بنیاد پر بل چارج کیے جا سکیں گے۔ نئے میٹرز کی تنصیب کے بعد صارفین کی گیس کھپت کا باقاعدہ موازنہ کیا جائے گا، تاکہ درست استعمال کا اندازہ لگایا جا سکے۔
ذرائع کا کہنا ہے کہ پرانے اور نئے میٹرز کی ریڈنگ کا تقابلی جائزہ لینے کے بعد اگر فرق سامنے آیا تو صارفین کو اضافی بل بھی چارج کیے جا سکتے ہیں۔ کمپنی کے مطابق اس اقدام کا مقصد گیس کھپت کی درست پیمائش اور بلنگ کے نظام میں شفافیت کو یقینی بنانا ہے۔
رشتے کے تنازع پر 4افراد کو قتل کرنیوالے مجرم کی پھانسی کیخلاف اپیل خارج
.
ذریعہ
ذریعہ: City 42
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا