لاہور: پولیس اہلکار کی بسم اللہ پڑھ کر رشوت لیتے ویڈیو وائرل، اہلکار گرفتار
اشاعت کی تاریخ: 20th, January 2026 GMT
data-id="863a0a8" data-element_type="widget" data-widget_type="theme-post-content.default">
لاہور: رنگ روڈ پر گاڑی کی چیکنگ کے دوران شہری سے مبینہ طور پر رشوت وصول کرنے والے پولیس اہلکار کو گرفتار کر لیا گیا۔
نجی ٹی وی کی رپورٹ کے مطابق واقعہ تھانہ راوی روڈ کی حدود میں پیش آیا، جہاں تعینات اہلکار عبدالرحمان پر شہری سے رشوت لینے کا الزام سامنے آیا، واقعے کی ویڈیو سوشل میڈیا پر وائرل ہونے کے بعد پولیس کے اعلیٰ حکام نے فوری نوٹس لے لیا۔
سوشل میڈیا پر گردش کرنے والی ویڈیو میں دیکھا جا سکتا ہے کہ پولیس اہلکار شہری سے رقم وصول کرتے ہوئے بسم اللہ پڑھتا ہے اور پیسے جیب میں ڈال لیتا ہے، شہری نے ابتدائی طور پر ایک ہزار روپے دینے کی کوشش کی، تاہم اہلکار نے مزید پانچ سو روپے کا مطالبہ کیا۔ اسی دوران اہلکار شہری کو گاڑی کے کاغذات ہمراہ رکھنے کی ہدایت بھی کرتا نظر آتا ہے۔
لاہور:یہ صاحب بسمہ اللہ پڑھ کررشوت لےرہےہیں،ذرائع کےمطابق یہ ویڈیومبینہ طورپررنگ روڈکی ہے۔ pic.
— Ali Imran Abbasi (@aliimranabbasi) January 19, 2026
ویڈیو وائرل ہوتے ہی ڈی آئی جی آپریشنز فیصل کامران نے واقعے کا نوٹس لیا اور فوری کارروائی کرتے ہوئے متعلقہ اہلکار کو گرفتار کر لیا گیا۔
ڈی آئی جی آپریشنز کا کہنا ہے کہ پولیس میں کرپشن اور اختیارات کے ناجائز استعمال کے خلاف زیرو ٹالرنس پالیسی پر عمل کیا جا رہا ہے اور ایسے واقعات کسی صورت برداشت نہیں کیے جائیں گے۔
واقعے پر سوشل میڈیا صارفین نے شدید ردِعمل کا اظہار کیا، بعض صارفین نے شہری پر بھی تنقید کرتے ہوئے سوال اٹھایا کہ آخر وہ کن مجبوریوں کے تحت رشوت دینے پر آمادہ ہوا، جبکہ کئی افراد نے طنزیہ انداز میں تبصرہ کیا کہ یہ شاید دن کی پہلی رشوت تھی، جس کا آغاز بسم اللہ کے ساتھ کیا گیا۔
سوشل میڈیا صارف رفیق جان نے تبصرہ کرتے ہوئے کہا کہ جب تک ملک میں آئین اور قانون کی مکمل عملداری قائم نہیں ہوتی، اس طرح کے واقعات سامنے آتے رہیں گے اور عام شہری پولیس کی لوٹ مار کا شکار بنتے رہیں گے۔ واقعے نے ایک بار پھر قانون نافذ کرنے والے اداروں میں شفافیت اور احتساب کے تقاضوں کو نمایاں کر دیا ہے۔
ذریعہ
ذریعہ: Jasarat News
کلیدی لفظ: سوشل میڈیا کرتے ہوئے
پڑھیں:
راولپنڈی: 1300 روپے کیلئے 2 نوجوان قتل، 7 ملزمان گرفتار
— فائل فوٹوراولپنڈی میں 13 سو روپے کے لین دین پر 2 نوجوانوں کے قتل میں ملوث دونوں فریقین کے 7 افراد کو پولیس نے گرفتار کر لیا۔
پولیس کے مطابق مقتول زین شاہ کے قتل میں ملوث 6 افراد کو گرفتار کر لیا گیا ہے، ملزمان نے زین شاہ کو ٹارچر کر کے سفاکانہ طریقے سے قتل کیا تھا جبکہ مقتول سراج کے قتل میں ملوث ایک شخص کو گرفتار کیا گیا ہے۔
پولیس کا کہنا ہے کہ گرفتار ملزم نے ساتھیوں کے ہمراہ مقتول سراج پر گولی چلائی تھی، واقعہ 8 مئی کو تھانہ دھمیال کے علاقے پیر مہر علی شاہ ٹاؤن میں پیش آیا تھا۔
راولپنڈی میں کلرسیداں کے علاقے بشندوٹ میں 4 روز قبل دوران ڈکیتی قتل کا ڈراپ سین ہو گیا۔
پولیس کے مطابق مقتول زین شاہ نے مقتول سراج کی دکان سے گھر کے لیے خریداری کی تھی، مقتول سراج نے بقایا رقم 13 سو روپے کا تقاضہ کیا تو جھگڑا ہوا تھا۔
جھگڑے کے دوران گولی چلی جس سے مقتول سراج موقع پر جاں بحق ہو گیا تھا جبکہ مقتول سراج کا بدلہ لینے کے لیے اس کے رشتے داروں نے زین شاہ کو اغواء کر کے قتل کر دیا تھا۔
وزارت آئی ٹی نے 1.67 ارب روپے سے زاید کے فنڈز طلب کرلیے