8 فروری کی کال کسی صورت واپس نہیں لیں گے، شفیع اللہ جان
اشاعت کی تاریخ: 20th, January 2026 GMT
( سٹی 42) ترجمان خیبر پختونخواہ حکومت شفیع اللہ جان کا کہنا ہے کہ کچھ بھی ہو جائے8 فروری کی کال کسی صورت واپس نہیں لی جائے گی، پی ٹی آئی کے کارکن کسی نتیجے کے بغیر تحریک جاری رکھیں گے ۔ہ نتائج کچھ بھی ہوں ، ہماری جدوجہد جاری رہے گی، آٹھ فروری سے پہلے یا اس کے بعد نئی تاریخ بھی دی جا سکتی ہے۔ پی ٹی آئی رہنما شوکت بسرا کا کہنا ہے کہ آج بھی بانی پی ٹی آئی سے ملاقات کی اجازت نہیں دی گئی، پاکستان میں جنگل کا قانون نافذ ہے۔
منکی پاکس کا خطرہ سنگین ؛ مزید مریض ہسپتال پہنچ گئے
اڈیالہ روڈ ماربل فیکٹری ناکے کے قریب میڈیا سے گفتگو کرتے ہوئے ترجمان خیبر پختونخواہ حکومت نے کہا کہ ہماری جدوجہد جاری رہے گی،وزیر اعلیٰ خیبر پختونخواہ کی سٹریٹ موومنٹ کے باعث ہمیں کامیابی ملی، محمود خان اچکزئی کو قومی اسمبلی میں اپوزیشن لیڈر اور علامہ ناصر عباس کو اپوزیشن لیڈر بنایا گیا ، دو نوٹیفکیشن جاری کیے گئے۔شفیع اللہ جان نے بتایا کہ وہ سلیکٹ نہیں الیکٹ ہوئے ہیں، آٹھ فروری کوئی ہماری فائنل کال نہیں ہے،جب ہم سمجھیں گے کہ سٹریٹ موومنٹ میں جان پڑ گئی ہے، اس کے نتائج آنا شروع ہو گئے ہیں پھر ہم اپنی حکمت عملی وضع کر کے اعلان کر دیں گے۔ انھوں نے بتایا کہ دیکھ لیں کہ وزیر اعلیٰ خیبر پختونخواہ کے ملک گیر دوروں کے نتائج آنا شروع ہو گئے ہیں، سندھ ہو ،کے پی کے ہو پنجاب ہو سٹریٹ موومنٹ میں عوام شریک ہیں ، 8فروری کی کال کی بات ہے تو وہ اپوزیشن لیڈر محمود خان اچکزئی نے کال دے رکھی ہے،ملک گیر پہیہ جام ،شٹر ڈاؤن ہڑتال کی آٹھ فروری کو انہوں نے کال دی ہے ۔
الیکشن کمیشن میں گوشوارے جمع ؛ 113ارکان کی رکنیت بحال
ترجمان خیبر پختونخواہ حکومت نے بتایا کہ ہم نےآٹھ فروری سے متعلق کوئی شرائط نہیں رکھی،آپ لوگوں نے رانا ثنا اللہ کا بیان تو پڑھا ہوگا کہ 8 فروری کی کال نہیں واپس لی گئی تو پھر 9مئی کے کیس کھولے جائیں گے،ثابت یہ ہوتا ہے کہ 9مئی کے مقدمات انتقامی اور سیاسی طور پر بنائے گئے ہیں۔ یہ ثابت ہو گیا ہے کہ یہ مقدمات جعلی ہیں، آپ ہمیں دھمکیاں دے رہے ہیں،کبھی گورنر راج لگانے کی، کبھی مقدمات کی ،نئے الیکشن مینڈیٹ کی واپسی، اس کے علاوہ 8 فروری کی کال واپس نہیں لی جائے گی، کسی صورت بھی نہیں لی جائے گی ۔
کے پی کےمیں پی ٹی آئی کی حکومت پر الزامات نہیں لگنے چاہئیں،بیرسٹر گوہر خان
دریں اثنا پی ٹی آئی رہنما شوکت بسرا نے ماربل فیکٹری ناکے پر میڈیا سے گفتگو کرتے ہوئے کہا کہ آج بھی بانی پی ٹی آئی سے ملاقات کی اجازت نہیں دی گئی، پاکستان میں جنگل کا قانون نافذ ہے، عدالتیں بے اثر ہو چکی ہیں، میڈیا کا گلا گھونٹا جا چکا ہے، پارلیمنٹ کو بندوق کے زور پر فتح کیا گیا ہے۔ ہمارے پاس ہائی کورٹ اور سپریم کورٹ کے عدالتی احکامات موجود ہیں، ایک سپاہی عدالتی احکامات کو جوتے کی نوک پر رکھتا ہے،بانی پی ٹی آئی کو ڈیڑھ سے دو ماہ سے تنہائی میں رکھا گیا ہے، ہم پرامن لوگ ہیں، نہ شیشہ توڑا ،نہ گملہ توڑا، آج بھی سورۂ یٰس کی تلاوت کے ساتھ پرامن دھرنا جاری ہے۔انہوں نے کہا کہ ملاقات تک یہاں پرامن طور پر بیٹھے رہیں گے، چینلز پر ہماری آواز روکنے کی کوشش کی جا رہی ہے،بڑی تعداد میں کارکن ناکے پر پہنچ چکے ہیں، محمود خان اچکزئی کو اپوزیشن لیڈر بنانا بانی پی ٹی آئی کی ہدایت تھی، بانی پی ٹی آئی جیل سے حکم دیں تو فیصلے نافذ ہو جاتے ہیں۔
پی ایس ایل ؛ سیالکوٹ فرنچائز کے حتمی نام کیلئے 5 نام شارٹ لسٹ
.
ذریعہ
ذریعہ: City 42
کلیدی لفظ: سٹی 42 خیبر پختونخواہ حکومت کال پی ٹی ا ئی خیبر پختونخواہ حکومت کال کال کال کال خیبر پختونخواہ حکومت کال کال خیبر پختونخواہ بانی پی ٹی آئی اپوزیشن لیڈر فروری کی کال ا ٹھ فروری نہیں لی
پڑھیں:
بانی جس دن محمود اچکزئی سے مطمئن نہیں ہوں گے ہٹادیے جائیں گے، جنید اکبر
پاکستان تحریک انصاف (پی ٹی آئی) رہنما جنید اکبر نے کہا ہے کہ جس دن بانی پی ٹی آئی محمود اچکزئی سے مطمئن نہیں ہوں گے ہٹادیے جائیں گے۔
راولپنڈی کے اڈیالہ روڈ پر میڈیا سے گفتگو میںپی ٹی آئی خیبر پختونخوا کے صدر جنید اکبر نے کہا کہ خیبر پختونخوا میں بجٹ پاس کرنا ہے یا نہیں فیصلہ پارٹی کرے گی۔
بانی پی ٹی آئی کی ہمشیرہ علیمہ خان نے نے کہا کہ حکمراں اتنے خوفزدہ ہیں کہ بشریٰ بی بی کی فیملی کو بتایا ہوا ہے باہر جا کر بات نہیں کرنا۔
انہوں نے کہا کہ سہیل آفریدی کو وزیراعلیٰ بانی پی ٹی آئی نے نامزد کیا ہے، جب تک وہ ہیں ہر ایم پی اے ان کو ہی ووٹ دے گا، میں چیلنج کرتا ہوں کوئی ایک ایم پی اے کو توڑ کر دکھائے۔
جنید اکبر نے مزید کہا کہ ان کی کوئی حیثیت نہیں کہ کوئی فارورڈ بلاک بناسکے، کل 7 ناراض ایم پی ایز سے ملے ہیں، جن کی شکایات کو حل کریں گے۔
اُن کا کہنا تھا کہ محمود اچکزئی کو ذمے داری بانی پی ٹی آئی نے دی، اس پر نہ میں بول سکتا ہوں اور نہ ہی کوئی اور بات کرسکتا ہے، جس دن بانی پی ٹی آئی محمود اچکزئی سےمطمئن نہیں ہوں گے ہٹادیے جائیں گے۔
وزارت آئی ٹی نے 1.67 ارب روپے سے زاید کے فنڈز طلب کرلیے