کراچی کی نیو سبزی منڈی ‘صدر کوآپریٹو مارکیٹ اور کوئٹہ کے 4 منزلہ پلازہ میں آگ لگ گئی
اشاعت کی تاریخ: 21st, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی/کوئٹہ ( اسٹاف رپورٹر+نمائندہ جسارت) سانحہ گل پلازہ کے بعد آگ لگنے کے مزید 3واقعات پیش آئے ہیں جن میںکراچی کی نیو سبزی منڈی ‘صدر کوآپریٹو مارکیٹ اور کوئٹہ کے 4 منزلہ پلازہ شامل ہے۔ تفصیلات کے مطابق سپر ہائی وے (M-9) پر واقع نیو سبزی منڈی میں آگ ابتدائی طور پر دکانوں کے باہر لگے شیڈز میں لگی جو تیزی سے پھیل گئی ۔ کے ایم سی (KMC) کے فائر بریگیڈ حکام نے اطلاع ملنے پر 2 فائر ٹینڈرز موقع پر روانہ کیے جنہوں نے آگ بجھانے کے عمل میں حصہ لیا۔ آگ پر مکمل طور پر قابو پا لیا گیا ہے۔آگ لگنے کی وجہ سامنے نہ آسکی ،پولیس اور فائر بریگیڈ حکام کی ابتدائی تحقیقات کے مطابق آگ ایک سبزی فروش کی دکان سے شروع ہوئی۔ پولیس کا کہنا ہے کہ ابتدائی شواہد کے مطابق آگ لگنے کی وجہ شارٹ سرکٹ ہے۔ علاوہ ازیں کراچی کے تجارتی مرکز صدر میں واقع 7منزلہ کوآپریٹو مارکیٹ کی چوتھی منزل پر کارنر فلیٹ میں اچانک آگ بھڑک اٹھی۔ آگ کی شدت کے باعث دھواں عمارت کے دیگر حصوں میں بھی پھیلنا شروع ہو گیا تھا، جس سے علاقے میں خوف و ہراس پھیل گیا۔ فائر بریگیڈ کے پہنچنے سے قبل مارکیٹ میں موجود دکانداروں اور مقامی لوگوں نے ہمت کا مظاہرہ کیا اور اپنی مدد آپ کے تحت آگ بجھانے کی کوششیں شروع کر دیں۔ اطلاع ملتے ہی فائر بریگیڈ کی ٹیمیں موقع پر پہنچیں۔ ریسکیو حکام کا کہنا ہے کہ ٹیم نے فوری رسپانس کیا جس کی بدولت آگ کو مزید پھیلنے سے روک دیا گیا۔خوش قسمتی سے اس واقعے میں بھی کسی جانی نقصان کی اطلاع نہیں ملی۔حکام کی جانب سے آگ لگنے کی وجوہات کا تعین کیا جا رہا ہے تاہم ابتدائی طور پر اسے شارٹ سرکٹ کا نتیجہ قرار دیا جا رہا ہے۔دوسری جانب بلوچستان کے دارالحکومت کوئٹہ کے علاقے لیاقت بازار میں 4 منزلہ اچکزئی پلازہ میں شدید آگ بھڑک اْٹھی۔پلازے میں200 سے زاید دکانیں متاثر ہوئی ہیں۔ریسکیو حکام کے مطابق متاثرہ پلازہ میں کمپیوٹر، موبائل فونز، گارمنٹس اور دیگر مختلف نوعیت کی دکانیں قائم تھیں جس کے باعث بڑے مالی نقصان کا خدشہ ظاہر کیا جا رہا ہے۔
کوئٹہ: لیاقت بازار میں اچکزئی پلازہ میںآتشزدگی کے بعد دکاندار اور میڈیا نمائندگان جائے وقوقع پر موجود ہیں
ذریعہ
ذریعہ: Jasarat News
کلیدی لفظ: فائر بریگیڈ پلازہ میں کے مطابق ا گ لگنے
پڑھیں:
شہید آیت اللہ خامنہ ای کی تدفین کی تیاریاں، 3 روزہ تقریبات کا اعلان
ایرانی میڈیا میں شہید آیت اللہ سید علی خامنہ ای کی تدفین سے متعلق دعؤوں کے حوالے سے نئی تفصیلات سامنے آئی ہیں، جبکہ ایرانی حکام کی جانب سے مبینہ طور پر تدفین کے انتظامات کے حوالے سے تیاریوں کا ذکر کیا گیا ہے۔ اسلام ٹائمز۔ ایرانی خبررساں ایجنسی کے مطابق تہران کے نائب میئر برائے سماجی و ثقافتی امور محمد امین توکلی زادہ نے کہا ہے کہ تدفین سے قبل 3 روزہ عوامی تقریبات کا انعقاد کیا جائے گا، جن کے دوران عوام کو عظیم شہید راہنما کو خراجِ عقیدت پیش کرنے کا موقع دیا جائے گا۔ محمد امین توکلی زادہ کے مطابق عوامی تقریبات کے اختتام پر نمازِ جنازہ ادا کی جائے گی، جس کے بعد جلوس کا آغاز ہوگا، تہران میں یہ جلوس کم از کم 24 گھنٹے تک جاری رہ سکتا ہے۔ انہوں نے مزید بتایا کہ بعد ازاں تقریبات ایران کے اہم مذہبی مراکز قم اور مشہد میں بھی جاری رہیں گی، شہید آیت اللہ سید علی خامنہ ای کی خواہشات کے مطابق تدفین مشہد میں روضۂ امام رضاؑ کے قریب کیے جانے کا امکان ہے۔
ایرانی حکام کے مطابق یہ تقریب ملک کی جدید تاریخ کے بڑے عوامی اجتماعات میں شمار ہو سکتی ہے، تہران میں انتظامات اس انداز سے کیے جا رہے ہیں کہ ایک کروڑ 50 لاکھ سے 2 کروڑ افراد تک ان تقریبات میں شرکت کر سکیں۔ ان کے مطابق انتظامات کی مجموعی نگرانی پاسدارانِ انقلاب کریں گے جبکہ بلدیاتی حکام اور دیگر ریاستی ادارے لاجسٹک اور عوامی سہولیات کی فراہمی میں معاونت کریں گے۔ تاہم ان دعؤوں اور تفصیلات کی آزاد ذرائع سے تصدیق نہیں ہو سکی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ