نیب جمع پونجی سے محروم لوگوں کو انصاف فراہمی یقینی بنا رہا ہے: چیئرمین
اشاعت کی تاریخ: 21st, January 2026 GMT
اسلام آباد (اپنے سٹاف رپورٹر سے) نیب ہیڈ کوارٹرز میں تقریب منعقد کی گئی جس میں بینکر سٹی ہاوسنگ سکیم فراڈ کے متاثرین کو ان کی بازیاب کرائی گئی رقوم واپس کی گئیں۔ صدارت چیئرمین نیب لیفٹیننٹ جنرل (ر) نذیر احمد نے کی۔ ڈپٹی چیئرمین سہیل ناصر، پراسیکیوٹر جنرل احتساب سید احتشام قادر شاہ، ڈائریکٹر جنرلز اور دیگر اعلیٰ افسروں اور متاثرہ افراد نے شرکت کی۔ بینکر سٹی ہاوسنگ کا فراڈ 2006ء میں منظر عام پر آیا۔ سکیم انتظامیہ نے جعلی دستاویزات، فرضی الاٹمنٹ کے ذریعے شہریوں سے رقوم اکٹھی کیں زمین کے کاغذات دینے میں ناکام رہے۔ نیب نے جامع انکوائری کی اور ملزموں سے 1209 ملین روپے کی رقم بازیا ب کروائی جو کہ مرحلہ وار 2200 متاثرین میں تقسیم کی جائے گی۔ قابل ذکر بات یہ ہے کہ نیب نے اصل سرمایہ کاری کی رقم سے ڈھائی گنا زیادہ رقم متاثرین کو واپس کی۔ چئیرمین نیب نے، نیب (اسلام آباد /راولپنڈی) ، لاہور عدلیہ اور نیب کے پراسیکیوٹر جنرل اکاونٹیبلیٹی کو خراج تحسین پیش کیا کہ ان کی بے انتہا معاونت اور کاوشوں سے ایک مردہ مقدمہ پایہ تکمیل تک پہنچا۔ انہوں نے کہا آج کا دن انصاف، احتساب اور عوامی اعتماد کی بحالی کے حوالے سے ایک اہم سنگ میل ہے۔ نیب اس بات کو یقینی بنانے کے لیے پرعزم ہے کہ جو لوگ اپنی جمع پونجی سے محروم ہوئے ہیں انہیں انصاف ملے۔ چئیرمین نیب نے عوام کو زور دیتے ہوئے کہا وہ چھان بین کے بعد صرف منظورشدہ سکیموں اور منصوبوں میں اپنا سرمایہ لگائیں۔
.
ذریعہ
ذریعہ: Nawaiwaqt
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
وزارت آئی ٹی نے 1.67 ارب روپے سے زاید کے فنڈز طلب کرلیے