صوبے بھر میں ڈرائیونگ لائسنس کی فوری فراہمی کا عمل تیز ی سے جاری
اشاعت کی تاریخ: 21st, January 2026 GMT
علی ساہی :ڈی آئی جی ٹریفک پنجاب وقاص نذیر کے احکامات پر صوبے بھر میں ڈرائیونگ لائسنس کی فوری فراہمی اور ٹریفک قوانین کے نفاذ پر سختی سے عملدرآمد جاری ہے۔
ترجمان ٹریفک پولیس کے مطابق گزشتہ 24 گھنٹوں کے دوران 46 ہزار سے زائد شہریوں نے ڈرائیونگ لائسنس بنوائے۔
اعداد و شمار کے مطابق 16 ہزار شہریوں نے لرننگ جبکہ 15 ہزار شہریوں نے ریگولر ڈرائیونگ لائسنس حاصل کیے، جبکہ اسی دوران 15 ہزار شہریوں نے اپنے ڈرائیونگ لائسنس کی تجدید بھی کروائی۔
منکی پاکس کا خطرہ سنگین ؛ مزید مریض ہسپتال پہنچ گئے
ٹریفک پولیس کی جانب سے قانون کی خلاف ورزی کرنے والوں کے خلاف بھی بھرپور کارروائیاں کی گئیں۔ گزشتہ 24 گھنٹوں میں 35 ہزار سے زائد قانون شکن عناصر کے خلاف ایکشن لیا گیا، بغیر لائسنس گاڑی چلانے والے 6 ہزار سے زائد شہریوں کو بھاری جرمانے کیے گئے۔
اسی طرح 13 ہزار سے زائد بغیر ہیلمٹ موٹر سائیکل سواروں کے خلاف کارروائی، 500 سے زائد دھواں چھوڑنے والی گاڑیوں کو چالان ٹکٹ جاری کیے گئے جبکہ 450 کم عمر ڈرائیورز کے چالان کرتے ہوئے والدین سے بیانِ حلفی بھی طلب کیا گیا۔
الیکشن کمیشن میں گوشوارے جمع ؛ 113ارکان کی رکنیت بحال
ڈی آئی جی ٹریفک وقاص نذیر کا کہنا ہے کہ پنجاب میں ٹریفک قوانین کی پاسداری کو 100 فیصد یقینی بنایا جا رہا ہے اور خلاف ورزی پر زیرو ٹالیرنس پالیسی اپنائی گئی ہے۔ انہوں نے شہریوں سے اپیل کی ہے کہ بھاری جرمانوں اور قانونی کارروائی سے بچنے کے لیے ٹریفک قوانین پر مکمل عمل کریں۔
.
ذریعہ
ذریعہ: City 42
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار