کابل دھماکے کے بعد چین کی شہریوں کو افغانستان کا سفر نہ کرنے کی ہدایت
اشاعت کی تاریخ: 21st, January 2026 GMT
کابل میں مہلک دھماکے کے بعد چین نے اپنے شہریوں کو افغانستان کا سفر نہ کرنے کی ہدایت جاری کر دی ہے، جبکہ وہاں موجود چینی شہریوں کو سکیورٹی اقدامات سخت کرنے کا مشورہ دیا گیا ہے۔
China strongly condemns the deadly blast at a Chinese restaurant in #Kabul yesterday. China has urged Afghanistan to make every possible effort to save and treat the injured, do more to keep Chinese nationals, projects and institutions safe, get to the bottom of the attack, and… pic.
— CHINA MFA Spokesperson 中国外交部发言人 (@MFA_China) January 20, 2026
چین نے کابل میں داعش کے حملے کے بعد افغانستان کی سکیورٹی صورتحال کو انتہائی پیچیدہ اور خطرناک قرار دیتے ہوئے اپنے شہریوں کو وہاں کا سفر نہ کرنے کی تاکید کی ہے۔ کابل میں چینی سفارتخانے کے مطابق افغانستان میں موجود چینی شہری ہجوم والی جگہوں سے گریز کریں اور مقامی سکیورٹی حالات پر نظر رکھیں۔
????????Deadly blast rocks Kabul.
An explosion ripped through a hotel in Shahr-e-Naw, killing several and injuring many, Taliban officials confirm. Local reports say the blast struck outside a Chinese restaurant, plunging the area into chaos.#Afghanistan #Kabul pic.twitter.com/jv0NPfTxjG
— Rizwan Shah (@rizwan_media) January 19, 2026
چینی وزارتِ خارجہ کے ترجمان نے بتایا کہ بیجنگ نے طالبان حکام کے سامنے تحفظات رکھے ہیں اور چینی شہریوں، منصوبوں اور اداروں کے تحفظ کے لیے مؤثر اقدامات کا مطالبہ کیا ہے۔ یہ بیان کابل کے علاقے شہرِ نو میں ایک چینی ریسٹورنٹ پر خودکش حملے کے بعد سامنے آیا، جس میں کم از کم سات افراد ہلاک اور متعدد زخمی ہوئے، جبکہ ایک چینی شہری کی ہلاکت کی بھی تصدیق کی گئی ہے۔
یہ بھی پڑھیں:کابل کے چینی ریسٹورنٹ میں دھماکا، داعش نے ذمہ داری قبول کرلی
داعش خراسان نے حملے کی ذمہ داری قبول کی ہے، جبکہ طالبان حکام نے واقعے کی تحقیقات اور ذمہ داروں کے خلاف کارروائی کا یقین دلایا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان چین چینی وزارت خارجہ طالبان کابل دھماکا
ذریعہ
ذریعہ: WE News
کلیدی لفظ: افغانستان چین چینی وزارت خارجہ طالبان کابل دھماکا
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا