’ٹپ دیے بغیر گاڑی سے باہر نہیں جا سکتی‘، خاتون ٹیکسی ڈرائیور کا مسافر سے عجیب مطالبہ، ویڈیو وائرل
اشاعت کی تاریخ: 21st, January 2026 GMT
برطانیہ میں ایک بھارتی خاتون ٹیکسی ڈرائیور کی ایک ویڈیو سوشل میڈیا پر وائرل ہو رہی ہے جس میں وہ مسافر سے ٹپ لینے کے لیے اسے گاڑی سے باہر نکلنے سے روک رہی ہیں۔
ویڈیو میں ایک بھارتی خاتون کو مسافر سے ٹپ کے معاملے پر بحث کرتے دیکھا جا سکتا ہے۔ مسافر گاڑی کے مقررہ مقام پر پہنچنے کے بعد دروازہ کھولنے کے لیے کہہ رہی تھی لیکن ڈرائیور اس سے مسلسل ٹپ کا مطالبہ کرتی رہیں۔
یہ بھی پڑھیں: رشوت کیوں دوں؟ کوئٹہ میں ڈرائیور نے احتجاجاً اپنا رکشہ نذر آتش کردیا، ٹریفک اہلکار معطل
مسافر جواب دیتی ہے کہ وہ کوئی ٹپ نہیں دے گی۔ اس پر خاتون ڈرائیور کہتی ہیں کہ یہ ملک کا قانون ہے اور مسافر کو گاڑی سے نکلنے سے پہلے ٹپ دینی ہوگی۔ مسافر ڈرائیور سے کہتی ہے کہ اس نے کبھی اس طرح کے معاملے کا سامنا نہیں کیا اور کبھی کسی اوبر ڈرائیور کو ٹپ نہیں دی۔
A female Uber driver refused to open the car doors without getting a tip.
She locked the car doors and held the passengers hostage.
There’s no tipping culture in the UK, so the woman passenger was shocked.
Isn’t it wrong to lock someone like this? pic.twitter.com/sx8jfCfYDD
— ︎ ︎venom (@venom1s) January 20, 2026
بھارتی خاتون ڈرائیور پھر کہتی ہیں کہ انہوں نے سروس فراہم کی ہے اور انہیں ٹپ ملنی چاہیے۔ مسافر جواب دیتی ہے کہ گاڑی صاف نہیں تھی اور ڈرائیور نے صفائی کا اچھا خیال نہیں رکھا۔ ویڈیو میں سنٹر کنسول پر سافٹ ڈرنک کے کین پڑے ہیں۔
ڈرائیور پھر کہتی ہیں کہ یہ اہم نہیں کہ ڈرائیور کیب کتنا گندا ہے۔ وہ زور دیتی ہیں کہ پچھلی سیٹ صاف ہے اور مسافر کو صرف اس کی پرواہ کرنی چاہیے۔ خاتون ڈرائیور ٹپ مانگنا جاری رکھتی ہیں لیکن مسافر انکار کر دیتی ہے۔ ڈرائیور نے دروازے لاک کر دیے تھے اور مسافر کو ٹپ دینے تک باہر نکلنے نہیں دیا۔
یہ بھی پڑھیں: نصیبو لعل کا گانا اونچی آواز میں چلانے پر رکشہ ڈرائیور کے خلاف مقدمہ، ’سزا کیا ہوگی‘
ویڈیو میں بھارتی خاتون اپنی آواز بلند کرتی ہیں اور کہتی ہیں کہ مسافر نہیں سمجھ رہا۔ مسافر کہتی ہے کہ اس نے پہلے ہی ادائیگی کر دی ہے اور ٹپ دینا اختیاری ہے۔ خاتون کہتی ہیں کہ برطانیہ میں ٹپ دینا اختیاری نہیں بلکہ لازمی ہے اور ویڈیو اچانک ختم ہو جاتی ہے۔
صارفین نے انڈین خاتون کو آڑے ہاتھوں لیتے ہوئے اس کے خلاف قانونی کارروائی کا مطالبہ کیا۔ ایک صارف نے کہا کہ مجھے نہیں معلوم یہ انگریز خاتون اتنی شائستہ کیوں ہے۔ میں اپنی آواز بلند کر دیتی اور واضح کر دیتی کہ اگر وہ مجھے باہر نہیں نکلنے دے گی تو میں خود نکلوں گی اور پولیس کو کال کروں گی۔
کئی صارفین نے کہا کہ یہ خاتون جہاں سے آئی ہے اسے واپس وہیں بھیج دیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوبر برطانیہ بھارتی خاتون ڈرائیور ٹپ یو کے ٹیکسی ڈرائیور یوکے
ذریعہ
ذریعہ: WE News
کلیدی لفظ: اوبر برطانیہ بھارتی خاتون ڈرائیور ٹپ یو کے ٹیکسی ڈرائیور یوکے خاتون ڈرائیور بھارتی خاتون ہے اور
پڑھیں:
ایکس نے ’ری ایکٹ ود ویڈیو‘ فیچر متعارف کرا دیا، یہ کام کیسے کرتا ہے؟
سوشل میڈیا پلیٹ فارم ایکس نے صارفین کے لیے نیا ’ری ایکٹ ود ویڈیو‘ فیچر متعارف کرا دیا ہے جس کے ذریعے صارفین کسی بھی پوسٹ پر براہِ راست ویڈیو ردِعمل ریکارڈ کر سکیں گے۔
یہ بھی پڑھیں: ایکس نے ایڈیٹ شدہ تصاویر کے لیے نیا لیبل متعارف کروانے کا اعلان کردیا
نئے فیچر کو انسٹاگرام اور ٹک ٹاک پر مقبول ری ایکشن ویڈیوز کے تصور سے مشابہ قرار دیا جا رہا ہے جس کا مقصد صارفین کو اپنے خیالات اور تبصروں کے اظہار کے لیے مزید تخلیقی اور بصری طریقہ فراہم کرنا ہے۔
ایکس کے ہیڈ آف پروڈکٹ نکیتا بیئر نے فیچر کا اعلان کرتے ہوئے کہا کہ تبصرہ اور رائے کا اظہار ایکس کی بنیادی خصوصیات میں شامل ہے اور بعض اوقات خیالات کے اظہار کا بہترین طریقہ ویڈیو ہوتا ہے۔
انہوں نے کہا کہ اب صارفین ’ری ایکٹ ود ویڈیو‘ کے ذریعے کسی بھی پوسٹ پر فوری ویڈیو ردعمل دے سکیں گے۔
فیچر کیسے کام کرتا ہے؟صارفین کو کسی پوسٹ کے نیچے موجود ری پوسٹ بٹن پر کلک کرنا ہوگا جہاں انہیں ویڈیو ری ایکشن ریکارڈ کرنے کا آپشن ملے گا۔
مزید پڑھیے: سوشل میڈیا پلیٹ فارم ایکس کو ایک ہفتے میں دوسری بار عالمی سطح پر تکنیکی خرابی کا سامنا
ابتدائی مرحلے میں یہ سہولت صرف آئی او ایس صارفین کے لیے دستیاب کی گئی ہے۔
ویڈیو ریکارڈنگ کے دوران اصل پوسٹ پس منظر میں نظر آتی ہے جبکہ صارف اپنی رائے یا ردعمل ویڈیو کی صورت میں ریکارڈ کر سکتا ہے۔ ریکارڈنگ کے دوران ویڈیو کو عارضی طور پر روکنے اور دوبارہ شروع کرنے کی سہولت بھی فراہم کی گئی ہے۔
ویڈیو مکمل ہونے کے بعد صارف اسے پوسٹ کرنے سے قبل دیکھ اور جانچ بھی سکتا ہے۔
مختلف ڈسپلے موڈزنئے فیچر میں متعدد ویژول آپشنز شامل کیے گئے ہیں۔
پکچر اِن پکچر: ویڈیو اصل پوسٹ کے اوپر نظر آتی ہے۔
اسپلٹ اسکرین : اسکرین 2 حصوں میں تقسیم ہو جاتی ہے، ایک جانب صارف اور دوسری جانب اصل پوسٹ۔
مزید پڑھیں: انسٹاگرام کا نیا فیچر ’انسٹاگرام میپ‘، اسنیپ چیٹ کو ٹکر دینے کی کوشش
فل اسکرین میڈیا: اصل پوسٹ کے متن کو چھپا کر صرف تصویر یا ویڈیو پر توجہ مرکوز کی جا سکتی ہے۔
گرین اسکرین: پس منظر تبدیل یا ہٹانے کی سہولت۔
صارفین ویڈیو کے سائز اور اس کی پوزیشن کو بھی اپنی مرضی کے مطابق تبدیل کر سکتے ہیں۔
بیرونی ایڈیٹنگ ٹولز کی ضرورت ختمایکس کے مطابق اس فیچر کی بدولت صارفین کو ویڈیوز ڈاؤن لوڈ کرنے، الگ سے ایڈیٹنگ کرنے یا پیچیدہ ورک فلو اختیار کرنے کی ضرورت نہیں رہے گی کیونکہ بیشتر بنیادی ایڈیٹنگ سہولیات ایپ کے اندر ہی دستیاب ہوں گی۔
صارفین کا ردعملفیچر کے اعلان کے بعد سوشل میڈیا پر ملا جلا ردعمل سامنے آیا ہے۔
کئی صارفین نے اسے ایکس کے لیے مثبت پیشرفت قرار دیتے ہوئے کہا کہ ویڈیو ری ایکشنز پلیٹ فارم پر گفتگو کو زیادہ مؤثر اور دلچسپ بنائیں گے۔
ایک صارف نے لکھا کہ ’یہ شاندار فیچر ہے، ایکس پر تبصرے اور اظہارِ خیال کے لیے یہی چیز درکار تھی‘۔
تاہم بعض صارفین نے خدشہ ظاہر کیا کہ اس سے ایکس بھی دیگر سوشل میڈیا پلیٹ فارمز کی طرح ہو جائے گا۔
ایک صارف نے تبصرہ کیا کہ ’ فیچر دلچسپ تو ہے لیکن امید ہے کہ ایکس فیس بک یا یوٹیوب جیسا پلیٹ فارم نہیں بن جائے گا۔
یہ بھی پڑھیے: انسٹاگرام کا نیا فیچر ‘انسٹنٹس’ متعارف: غیر فلٹر شدہ اور عارضی تصاویر کا نیا تجربہ
ماہرین کے مطابق ویڈیو ری ایکشنز کا یہ نیا فیچر ایکس کو روایتی ٹیکسٹ بیسڈ پلیٹ فارم سے بڑھ کر ایک ملٹی میڈیا اور ویڈیو سینٹرک سوشل نیٹ ورک میں تبدیل کرنے کی کوشش کا حصہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’ری ایکٹ ود ویڈیو‘ ایکس ایکس کا نیا فیچر
وزارت آئی ٹی نے 1.67 ارب روپے سے زاید کے فنڈز طلب کرلیے