شام کی وحدت ہمارے لیے اہم ہے، صدر اردوان نے ٹرمپ پر واضح کردیا
اشاعت کی تاریخ: 21st, January 2026 GMT
ترکیہ کے صدر رجب طیب اردوان اور امریکا کے صدر ڈونلڈ ٹرمپ کے درمیان بدھ کے روز ٹیلیفونک رابطہ ہوا، جس میں شام اور غزہ کی تازہ صورتحال پر تفصیلی تبادلہ خیال کیا گیا۔
یہ رابطہ ایسے وقت میں ہوا جب ترکیہ کی حمایت یافتہ شامی حکومت نے امریکا کی اتحادی کرد فورسز کے ساتھ کئی دنوں کی جھڑپوں کے بعد جنگ بندی کا اعلان کیا ہے۔
شام میں پیش رفت اور کرد فورسز پر دباؤترکیہ صدارتی دفتر کے مطابق صدر اردوان نے گفتگو کے دوران کہا کہ ترکیہ شام کی صورتحال پر گہری نظر رکھے ہوئے ہے اور شام کی وحدت، ہم آہنگی اور علاقائی سالمیت ترکیہ کے لیے نہایت اہم ہے۔
واضح رہے کہ اس ہفتے شامی حکومت نے شمال مشرقی علاقوں کے بڑے حصے پر کنٹرول حاصل کر لیا ہے اور کرد قیادت میں سرگرم شامی ڈیموکریٹک فورسز (SDF) کو 4 دن کی مہلت دی ہے کہ وہ مرکزی ریاست میں انضمام پر رضامندی ظاہر کریں۔
یہ بھی پڑھیے شام کی تقسیم ناقابلِ قبول، اسرائیل دہشتگرد ریاست ہے، رجب طیب اردوان
ایس ڈی ایف کی مرکزی اتحادی امریکا نے ایک بیان میں کہا ہے کہ نئی شامی حکومت کے قیام کے بعد اس اتحاد کی نوعیت بدل چکی ہے اور کرد فورسز کو مرکزی ریاست میں ضم ہونے کا مشورہ دیا گیا ہے۔
ترکیہ کا سخت مؤقف: ایس ڈی ایف دہشتگرد تنظیمترکیہ ایس ڈی ایف کو ایک دہشتگرد تنظیم قرار دیتا ہے اور اسے کالعدم کردستان ورکرز پارٹی (PKK) سے منسلک سمجھتا ہے، جو گزشتہ 4 دہائیوں سے ترکیہ کے خلاف مسلح بغاوت میں ملوث ہے۔
انقرہ اس وقت PKK کے ساتھ ایک امن عمل میں مصروف ہے، جس کے تحت ترکیہ کا مؤقف ہے کہ اس تنظیم اور اس سے منسلک تمام گروہوں کو غیر مسلح ہو کر تحلیل ہونا ہوگا۔
ترکیہ صدارتی بیان کے مطابق دونوں صدور نے داعش کے خلاف جاری جنگ اور شامی جیلوں میں قید داعش جنگجوؤں سے متعلق بھی بات چیت کی۔
صدر اردوان نے کہا کہ دہشتگردی سے پاک، پرامن اور تمام نسلی و مذہبی عناصر پر مشتمل ترقی یافتہ شام خطے کے استحکام میں اہم کردار ادا کرے گی۔
غزہ کی صورتحال پر بھی تبادلہ خیالٹیلیفونک گفتگو کے دوران غزہ کی صورتحال بھی زیر بحث آئی۔ صدر اردوان نے صدر ٹرمپ کو بتایا کہ ترکیہ، نیٹو اتحادی امریکا کے ساتھ مل کر غزہ میں امن کے قیام کے لیے تعاون جاری رکھے گا۔
صدر اردوان نے صدر ٹرمپ کا بورڈ آف پیس میں شمولیت کی دعوت دینے پر شکریہ بھی ادا کیا۔
اس سے قبل منگل کے روز صدر ٹرمپ نے صحافیوں سے گفتگو میں کہا تھا کہ ان کی صدر اردوان سے ’بہت اچھی‘ بات چیت ہوئی ہے، تاہم انہوں نے تفصیلات بیان نہیں کیں۔
ٹرمپ نے اس رابطے سے پہلے کہا تھا کہ یہ گفتگو ’انتہائی اہم‘ ہونے جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا کے صدر ڈونلڈ ٹرمپ ترکیہ کے صدر رجب طیب اردوان داعش شام غزہ کرد فورسز.
ذریعہ
ذریعہ: WE News
کلیدی لفظ: امریکا کے صدر ڈونلڈ ٹرمپ ترکیہ کے صدر رجب طیب اردوان کرد فورسز صدر اردوان نے ترکیہ کے کے صدر شام کی ہے اور
پڑھیں:
گلاسگو کی فضاؤں میں دیو ہیکل ڈریگن کی پرواز، وائرل ویڈیوز نے سب کو دنگ کردیا
اگر آپ نے اب تک صرف فلموں اور ٹی وی سیریز میں آسمان پر اڑتے ہوئے ڈریگن دیکھے ہیں تو اسکاٹ لینڈ کے شہر گلاسگو میں حقیقت سے قریب ایک ایسا ہی حیرت انگیز منظر لوگوں کی آنکھوں کے سامنے آگیا۔ شہر کی فضاؤں میں ’’ہاؤس آف دی ڈریگن‘‘ کا مشہور ڈریگن سائریکس (Syrax) پرواز کرتا دکھائی دیا، جس نے دیکھنے والوں کو حیرت میں مبتلا کردیا۔
2026 کامن ویلتھ گیمز کی افتتاحی تقریب سے قبل گلاسگو کے دریائے کلائیڈ، ایس ای سی آرماڈیلو اور او وی او ہائیڈرو کے اوپر آٹھ میٹر طویل دیو ہیکل ڈریگن نے فضائی چکر لگائے۔ ایسا محسوس ہو رہا تھا جیسے مشہور فینٹسی سیریز کا منظر حقیقت میں تبدیل ہوگیا ہو۔
یہ فلائنگ ماڈل دراصل ’ایچ بی او‘ کی مقبول سیریز ’ہاؤس آف دی ڈریگن‘ میں رینیرا ٹارگرین کے ڈریگن سائریکس کی ہوبہو نقل ہے، جسے سیریز میں استعمال ہونے والے تھری ڈی اسکینز کی مدد سے انتہائی حقیقت پسندانہ انداز میں تیار کیا گیا۔
View this post on Instagramاس منفرد شاہکار کی تیاری میں 14 ماہرین نے مسلسل تین ماہ تک کام کیا اور تقریباً 3 ہزار گھنٹے صرف کیے۔ صرف 13 کلوگرام وزنی اس ڈریگن کو کاربن فائبر، ایلومینیم اور خصوصی فوم سے بنایا گیا، جبکہ اس کے پروں، سر اور دم سمیت 23 متحرک حصے اسے زندہ مخلوق جیسی حرکات کرنے کے قابل بناتے ہیں۔ اس کی ٹانگوں میں نصب جدید پروپلشن سسٹم نے اسے حقیقی پرواز ممکن بنانے میں اہم کردار ادا کیا۔
منتظمین کے مطابق یہ دنیا کا اپنی نوعیت کا سب سے بڑا اڑنے والا ڈریگن ماڈل ہے، جسے خاص طور پر گلاسگو 2026 کامن ویلتھ گیمز کے استقبال اور کھیلوں، جدید ٹیکنالوجی اور فینٹسی کی دنیا کو ایک ساتھ پیش کرنے کے لیے تیار کیا گیا۔
https://www.facebook.com/stvnews/videos/syrax-the-dragon-of-rhaenyra-targaryen-played-by-emma-darcy-has-been-spotted-fly/28747469711519864/واضح رہے کہ 23 جولائی سے شروع ہونے والے کامن ویلتھ گیمز کی تمام مقابلے برطانیہ اور آئرلینڈ میں ایچ بی او میکس پر براہِ راست نشر کیے جائیں گے، جبکہ نشریاتی کوریج ٹی این ٹی اسپورٹس فراہم کرے گا۔ منتظمین کا کہنا ہے کہ اس بار شائقین کو جدید ٹیکنالوجی، خصوصی چینلز اور کھیلوں کے ماہرین کی بڑی ٹیم کے ساتھ ایک منفرد اور پہلے سے مختلف نشریاتی تجربہ فراہم کیا جائے گا۔
https://www.facebook.com/stvnews/videos/did-you-see-a-dragon-flying-over-glasgowa-dragon-from-game-of-thrones-prequel-ho/2166414303916270/
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی