صوبائی حکومت کا ہنزہ زلزلہ متاثرین کے نقصانات کا مکمل ازالہ کرنے کا فیصلہ
اشاعت کی تاریخ: 21st, January 2026 GMT
نگران وزیر داخلہ گلگت بلتستان ساجد علی بیگ کی چیف سیکریٹری گلگت بلتستان کے ساتھ اہم ملاقات ہوئی۔ ملاقات میں ہنزہ چپورسن میں آنے والے زلزلے سے متاثرہ خاندانوں کو فوری امداد اور مکمل معاوضہ فراہم کرنے پر تفصیلی غور کیا گیا۔ اسلام ٹائمز۔ نگران وزیر داخلہ گلگت بلتستان ساجد علی بیگ کی چیف سیکریٹری گلگت بلتستان کے ساتھ اہم ملاقات ہوئی۔ ملاقات میں ہنزہ چپورسن میں آنے والے زلزلے سے متاثرہ خاندانوں کو فوری امداد اور مکمل معاوضہ فراہم کرنے پر تفصیلی غور کیا گیا۔ ملاقات میں اس بات پر اتفاق ہوا کہ متاثرین کو ہونے والے تمام نقصانات کا ازالہ حکومت کی جانب سے کیا جائے گا۔ نگران وزیر داخلہ خود چپرسن کا دورہ کریں گے اور متاثرہ علاقوں میں ہونے والے نقصانات کا جائزہ لیں گے۔ اس کے علاؤہ اجلاس میں شاہراہ قراقرم پر مسافروں کو درپیش مسائل، بالخصوص سفری اوقات سے متعلق امور پر گفتگو ہوئی۔ مزید برآں، بجلی کے بلوں میں تنخواہوں سے کٹوتی کے مسئلے کے حل کے حوالے سے بھی تفصیلی گفتگو ہوئی۔ چیف سیکریٹری نے یقین دہانی کرائی کہ تمام سرکاری ملازمین کو ہدایات جاری کر دی گئی ہیں کہ وہ اپنے گھروں میں بجلی کے میٹر نصب کروائیں اور اس کی تفصیلات اپنے متعلقہ محکموں کے ساتھ شیئر کریں، تاکہ بجلی کے غیر قانونی استعمال کو کنٹرول کیا جا سکے۔ علاوہ ازیں، صوبے میں عوامی شکایات کے ازالے اور شفافیت یقینی بنانے پر بھی تبادلہ خیال ہوا۔
.
ذریعہ
ذریعہ: Islam Times
کلیدی لفظ: گلگت بلتستان
پڑھیں:
سہیل آفریدی ان سے کہیں کہ پہلے عمران خان سے ملاقات کرواو اور پھر آپ بجٹ پاس کرو
راولپنڈی ( اُردو پوائنٹ اخبارتازہ ترین۔ 02 جون2026ء ) علیمہ خان کا سہیل آفریدی کو مشورہ، کہا سہیل آفریدی ان سے کہیں کہ پہلے عمران خان سے ملاقات کرواو اور پھر آپ بجٹ پاس کرو۔ تفصیلات کے مطابق پاکستان تحریک انصاف کے بانی عمران خان کی ہمشیرہ علیمہ خان کا کہنا ہے کہ جب بھی حکومت کو لگتا ہے عوام کا غصہ اور ٹمپریچر بڑھ رہا ہے، تو یہ خود کو بچانے کیلئے ڈیل کی باتیں اور افواہیں پھیلانا شروع کر دیتے ہیں، حقیقت میں کوئی ڈیل نہیں ہو رہی۔ میڈیا سے گفتگو کرتے ہوئے انہوں نے کہا کہ میڈیا ہم سے سوال کرنے کے بجائے حکومت سے جواب طلب کرے کہ عمران خان کو گزشتہ 7 ماہ سے غیر قانونی قیدِ تنہائی میں کیوں رکھا گیا ہے؟ صحافی وفاقی وزیر داخلہ محسن نقوی سے جا کر اس قیدِ تنہائی کی وجہ پوچھیں، ہمارا خاندان کسی قسم کا سیاسی این آر او یا ریلیف نہیں مانگ رہا، قیدِ تنہائی کا خاتمہ عمران خان کا بنیادی اور قانونی حق ہے۔(جاری ہے)
علیمہ خان نے الزام لگایا کہ گزشتہ 8 مہینوں سے عمران خان کو ذہنی و جسمانی ٹارچر کا نشانہ بنایا جا رہا ہے، ملک میں کوئی قانون نہیں چل رہا، اگر حکومت ہمیں جیل میں ڈالنا چاہتی ہے تو شوق سے ڈال دے، لیکن عمران خان کی آنکھوں کے علاج اور معائنے کے لیے انہیں فوری طور پر شفا انٹرنیشنل ہسپتال منتقل کیا جائے اور وہاں کے ماہر ڈاکٹرز سے ان کا طبی معائنہ کروایا جائے۔ انہوں نے سوال اٹھایا کہ سابق آرمی چیف کیوں عمران خان سے ملنے جائیں گے؟ وہ تو عمران خان کی آنکھوں میں آنکھیں ڈال کر دیکھ ہی نہیں سکتے، پارٹی چیئرمین بیرسٹر گوہر نے بھی واضح کر دیا ہے کہ یہ تمام باتیں بالکل جھوٹ ہیں، جب بھی حکومت کو لگتا ہے کہ عوام کا غصہ اور ٹمپریچر بڑھ رہا ہے، تو یہ خود کو بچانے کے لیے ڈیل کی باتیں اور افواہیں پھیلانا شروع کر دیتے ہیں، جبکہ حقیقت میں کوئی ڈیل نہیں ہو رہی۔ عمران خان کی ہمشیرہ نے کہا کہ جب آپ لوگوں کے ووٹ چوری کریں گے اور عوام سمجھ جائیں گے کہ ان کے ووٹ کی کوئی حیثیت نہیں رہی، تو پھر ان کا شدید ردعمل آئے گا، حکومت کبھی لاٹھی سے تو کبھی گولی سے عوام کو مارتی ہے، ووٹ چوری سے پی ٹی آئی کا نہیں بلکہ اس عام شہری کا حق مارا جاتا ہے جس کا وہ ووٹ ہوتا ہے، گلگت بلتستان میں بھی وہی کچھ دہرایا جا رہا ہے جو عام انتخابات 2024ء میں کیا گیا تھا، وہاں پی ٹی آئی کو انتخابی مہم تک چلانے کی اجازت نہیں دی جا رہی، یاد رکھیں ظلم ہمیشہ وہی کرتا ہے جو اندر سے خود شدید خوفزدہ ہوتا ہے۔ علیمہ خان نے کہا کہ ہم پی ٹی آئی کی قیادت سے درخواست کرتے ہیں کہ وہ ہمارے ساتھ آ کر یہاں بیٹھیں، جب قیادت آئے گی تو تمام ایم این ایز، ایم پی ایز، سینیٹرز اور تنظیم کے سینئر رہنما یہاں موجود ہوں گے، اگر پی ٹی آئی کی موجودہ قیادت اس فائنل کال پر بھی باہر نہیں نکلتی، تو پھر میڈیا اور عوام کا حق ہے کہ وہ ان رہنماؤں سے سوال کریں کہ وہ اپنے عظیم لیڈر کے لیے باہر کیوں نہیں آ رہے۔
وزارت آئی ٹی نے 1.67 ارب روپے سے زاید کے فنڈز طلب کرلیے