حکومت مذاکرات کیلئے سنجیدہ ہے تو اپنا انداز بدلے، سلمان اکرم راجا
اشاعت کی تاریخ: 21st, January 2026 GMT
پاکستان تحریک انصاف (پی ٹی آئی) رہنما سلمان اکرم راجا نے کہا ہے کہ حکومت اگر مذاکرات کے لیے سنجیدہ ہے تو اپنا انداز بدلے۔
پارلیمنٹ ہاؤس اسلام آباد میں جیو نیوز سے گفتگو میں سلمان اکرم راجا نے کہا کہ محمود اچکزئی سے ملنے آیا ہوں اور انہیں مبارکباد دوں گا۔
انہوں نے کہا کہ جو تقاریر محمود اچکزئی اور علامہ ناصر عباس نے کیں یہ تاریخی گفتگو تھی، اپوزیشن لیڈرز نے جو گفتگو کی، اس سے بہتر کوئی بات نہیں کی جاسکتی تھی۔
پی ٹی آئی رہنما نے مزید کہا کہ اپوزیشن لیڈر نے قومی پس منظر پیش کیا کہ ہم کن وجوہات پر یہاں کھڑے ہیں، تقاریر میں واضح کیا کہ بہتری کی طرف جانے کا راستہ کیا ہے۔
اُن کا کہنا تھا کہ عدلیہ تباہ ہو رہی ہے، پارلیمان کو جس طرح چلایا جا رہا ہے ایسے ملک نہیں چلتا۔
سلمان اکرم راجا نے یہ بھی کہا کہ آپ کی معیشت گھٹنوں پر نہیں بلکہ منہ کے بل گری ہوئی ہے، آپ کے نوجوان اس وقت رل رہے ہیں نوکریاں نہیں مل رہیں۔
انہوں نےکہا کہ ہم کراچی میں رہے، لاکھوں لوگ سڑکوں پر تھے اور انہوں نے ہمیں سپورٹ کیا، ہمیں باغ جناح نہیں جانے دیا گیا، اسٹیج تک نہ لگانے دیا گیا لاکھوں لوگ اکٹھے ہوئے گملا تک نہ ٹوٹا، سہیل آفریدی لاہور آئے تو 2 دنوں میں 800 لوگوں کو گرفتار کیا گیا۔
پی ٹی آئی رہنما نے کہا کہ رانا ثناء اللّٰہ کا بیان سنا مجھے تو وہ ماحول نظر نہیں آ رہا کہ بات چیت ہوسکے، اگر آپ مذاکرات کے لیے سنجیدہ ہیں تو یہ انداز بدلنا ہوگا۔
اُن کا کہنا تھا کہ آپ نے اگر مذاکرات کرنا ہیں مثبت انداز سے آگے بڑھنا ہے تو مارپیٹ بند کرنا ہوگی۔
.
ذریعہ
ذریعہ: Nawaiwaqt
کلیدی لفظ: سلمان اکرم راجا نے کہا کہا کہ
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی