چترال میں نایاب نسل کا برفانی چیتا پُر اسرار طور پر ہلاک
اشاعت کی تاریخ: 21st, January 2026 GMT
چترال:
ضلع چترال کے گرم چشمہ کے پہاڑی علاقے میں دنیا کی قیمتی اور نایاب نسل کے برفانی چیتے (سنو لیپرڈ) کی لاش برآمد ہوئی ہے۔
محکمہ جنگلی حیات خیبرپختونخوا کے مطابق برفانی چیتا مردہ حالت میں پایا گیا جس کے بعد واقعے کی اطلاع متعلقہ حکام کو دی گئی۔ وائلڈ لائف ڈیپارٹمنٹ کا کہنا ہے کہ سنو لیپرڈ کا پوسٹ مارٹم کیا جائے گا تاکہ موت کی وجوہات کا تعین کیا جا سکے۔
محکمے کے مطابق پوسٹ مارٹم رپورٹ کی روشنی میں یہ معلوم کیا جائے گا کہ برفانی چیتے کی موت طبعی وجوہات، بیماری، شکار یا کسی اور سبب سے ہوئی۔
واضح رہے کہ چند ماہ قبل بھی وادی چترال میں برفانی چیتے کی موجودگی کی اطلاعات سامنے آئی تھیں، جسے علاقے میں اس نایاب نسل کی بقا کے لیے ایک مثبت پیش رفت قرار دیا گیا تھا۔
محکمہ وائلڈ لائف نے واقعے کا نوٹس لیتے ہوئے برفانی چیتے کی موت سے متعلق تفصیلی رپورٹ طلب کر لی ہے، جبکہ مزید تحقیقات کا سلسلہ جاری ہے۔
Tagsپاکستان.
ذریعہ
ذریعہ: Al Qamar Online
کلیدی لفظ: پاکستان پاکستان کھیل برفانی چیتے
پڑھیں:
کراچی: ڈاکٹر آکاش قتل کیس میں گرفتار 3 ڈاکو ساتھیوں کی فائرنگ سے ہلاک
کراچی (نوائے وقت رپورٹ) ڈاکٹر آکاش قتل کیس میں گرفتار تینوں ساتھیوں کی فائرنگ سے ہلاک ہوگئے۔ سپیشل انویسٹی گیشن (ایس آئی ایو) نے دعویٰ کیا کہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپہ مارا تو ملزموں نے فائرنگ کردی جس سے پولیس اہلکار بھی زخمی ہوگیا۔ ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔ 13 جولائی کو کراچی کے علاقے کلفٹن میں بنک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزم بنک سے نکالے گئے 50 لاکھ روپے میں سے 25 لاکھ لوٹ کر فرار ہو گئے تھے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی