تعلیمی اداروں میں منشیات سپلائی کرنے والا بین الاقوامی گروہ پکڑا گیا
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) اسپیشل انویسٹی گیشن یونٹ (SIU) اور سی آئی اے نے نارتھ ناظم آباد میں ایک مشترکہ کارروائی کرتے ہوئے بین الاقوامی منشیات فروش گروہ کے 2 ارکان کو گرفتار کر لیا ہے۔ ملزمان کے قبضے سے اعلیٰ کوالٹی کی ویڈ (Weed) برآمد ہوئی ہے جو تعلیمی اداروں کے طلبہ کو سپلائی کی جانی تھی۔ تفصیلات کے مطابق ایس آئی یو اور سی آئی اے کی ٹیموں نے نارتھ ناظم آباد تھانہ شاہراہِ نور جہاں کی حدود میں خفیہ اطلاع پر چھاپا مارا۔ کارروائی کے دوران2 ڈیلرز کو حراست میں لیا گیا جن کے قبضے سے 960 گرام اعلیٰ کوالٹی کی ویڈ برآمد ہوئی۔ پولیس حکام کا کہنا ہے کہ برآمد شدہ منشیات کی بین الاقوامی مارکیٹ میں مالیت لاکھوں روپے بنتی ہے۔ گرفتار ملزمان کی شناخت وسیم اکرم اور محمد خطیب کے نام سے ہوئی ہے۔ تفتیش کے دوران ملزمان کے حوالے سے لرزہ خیز انکشافات سامنے آئے ہیں۔ ملزمان کا تعلق منشیات فروشی کے ایک عالمی نیٹ ورک سے ہے اور وہ متحدہ عرب امارات (UAE) میں منشیات کے مقدمات میں 7 سال قید کی سزا بھی کاٹ چکے ہیں۔
ذریعہ
ذریعہ: Jasarat News
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار