عراقی وزیراعظم اور شامی صدر کی ٹیلی فون پر گفتگو
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
بغداد (انٹرنیشنل ڈیسک) عراقی وزیراعظم محمد شیاع سودانی نے شامی عبوری رہنما احمد الشرع سے ٹیلیفون پر رابطہ کیا، جس میں دونوں ممالک کے درمیان سرحدی سلامتی پر تبادلہ خیال کیا گیا۔ یہ رابطہ ایسے وقت میں ہوا جب شام سے داعش کے ممکنہ دراندازی کے خدشات بڑھتے جا رہے ہیں۔عراقی وزیراعظم کے میڈیا آفس کی جانب سے جاری بیان کے مطابق احمد الشرع نے عراق اور شام کے درمیان مشترکہ سرحدوں کے تحفظ کے لیے اپنے ملک کے عزم کا اعادہ کیا اور اس حوالے سے عراقی حکومت کے اقدامات اور کوششوں کو سراہا۔ انہوں نے دونوں ممالک کے درمیان باہمی تعاون اور ہم آہنگی کو مزید مضبوط بنانے، داعش کے باقی ماندہ دہشت گرد عناصر کے تعاقب، اور سرحدی گزرگاہوں کو دوبارہ کھولنے پر زور دیا ۔وزیراعظم محمد شیاع سودانی نے شام کی سلامتی اور استحکام کے لیے عراق کی مکمل حمایت کا اظہار کیا۔ انہوں نے بحرانوں کے حل کے لیے مکالمے کی اہمیت پر زور دیتے ہوئے شامی عوام کے تمام طبقات کے حقوق کے تحفظ، شامی سرزمین کے اتحاد اور خودمختاری کو یقینی بنانے کی ضرورت پر بھی روشنی ڈالی۔
ذریعہ
ذریعہ: Jasarat News
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ