کراچی ایئرپورٹ سے عمرہ کی ادائیگی کیلیے جانیوالے مسافر سے منشیات برآمد
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: جناح انٹرنیشنل ایئرپورٹ سے عمرہ کی ادائیگی کے لیے جانے والے مسافر سے منشیات برآمد کرلی گئی۔
اینٹی نارکوٹکس فورس نے ملک کے مختلف شہروں میں منشیات اسمگلنگ کے خلاف بھرپور کریک ڈاؤن کرتے ہوئے اہم کامیابیاں حاصل کی ہیں۔ ترجمان کے مطابق مجموعی طور پر 5 مختلف کارروائیوں کے دوران 5 ملزمان کو گرفتار کیا گیا جب کہ 2 کروڑ 35 لاکھ روپے سے زائد مالیت کی تقریباً 195 کلوگرام منشیات برآمد کی گئی۔
کراچی کے جناح انٹرنیشنل ایئرپورٹ پر عمرہ کی ادائیگی کے لیے بیرون ملک جانے والے ایک مسافر کے سامان کی تلاشی کے دوران منشیات برآمد کی گئی۔ مسافر کے بیگ سے 875 گرام آئس اور 90 گرام ہیروئن برآمد ہوئی، جس پر فوری کارروائی کرتے ہوئے ملزم کو گرفتار کر لیا گیا۔ ابتدائی تفتیش میں معلوم ہوا ہے کہ منشیات بیرون ملک اسمگل کیے جانے کی کوشش کی جا رہی تھی۔
بلوچستان میں بھی اے این ایف نے کامیاب کارروائیاں انجام دیں۔ کچلاک بائی پاس، ضلع کوئٹہ کے قریب ایک گاڑی کو روک کر تلاشی لی گئی تو اس میں سے 78 کلوگرام چرس برآمد ہوئی۔ اس کارروائی کے دوران 2 افراد کو حراست میں لیا گیا، جن سے مزید تفتیش جاری ہے۔ اسی علاقے میں ایک اور کارروائی کے دوران 61 کلوگرام آئس برآمد کی گئی، جسے اسمگلنگ کے لیے منتقل کیا جا رہا تھا۔
وفاقی دارالحکومت اسلام آباد میں چونگی نمبر 26 کے قریب ایک گاڑی سے 18 کلوگرام چرس برآمد کی گئی۔ حکام کے مطابق گاڑی کو مشکوک سمجھ کر روکا گیا تھا، جس کے بعد تلاشی کے دوران منشیات سامنے آئیں اور ملزم کو موقع پر ہی گرفتار کر لیا گیا۔ اسی طرح راولپنڈی میں جی ٹی روڈ پر ایک اسپتال کے قریب کارروائی کرتے ہوئے ایک شخص کے قبضے سے 2.
اے این ایف کے ترجمان کا کہنا ہے کہ تمام گرفتار ملزمان کے خلاف انسدادِ منشیات ایکٹ 1997 کے تحت مقدمات درج کر لیے گئے ہیں اور تفتیش کا آغاز کر دیا گیا ہے۔ حکام کا کہنا ہے کہ منشیات کے نیٹ ورکس تک پہنچنے کے لیے تفتیش کو وسعت دی جا رہی ہے تاکہ اس غیر قانونی کاروبار میں ملوث دیگر عناصر کو بھی قانون کے کٹہرے میں لایا جا سکے۔
اے این ایف نے اس عزم کا اعادہ کیا ہے کہ منشیات کے خلاف کارروائیاں بلا امتیاز جاری رہیں گی تاکہ معاشرے کو اس ناسور سے پاک کیا جا سکے۔
ذریعہ
ذریعہ: Jasarat News
کلیدی لفظ: منشیات برآمد برآمد کی گئی کے دوران کے لیے
پڑھیں:
واشنگٹن میں کیمیائی ٹینک دھماکہ: ہلاکتوں کی تعداد 11 ہوگئی، تمام لاپتا افراد کی لاشیں برآمد
امریکی ریاست واشنگٹن میں ایک کاغذ سازی کے کارخانے میں کیمیائی ٹینک پھٹنے کے واقعے میں ہلاک ہونے والوں کی تعداد 11 ہو گئی ہے۔ حکام کے مطابق تمام لاپتا افراد کی لاشیں ملبے سے نکال لی گئی ہیں، جبکہ حادثے کی وجوہات اور ماحولیاتی اثرات کا جائزہ لینے کے لیے تحقیقات جاری ہیں۔
امریکی ریاست واشنگٹن میں ایک صنعتی تنصیب پر کیمیائی ٹینک پھٹنے کے المناک حادثے میں ہلاک ہونے والوں کی تعداد 11 تک پہنچ گئی ہے۔ حکام نے ہفتے کے روز تصدیق کی کہ لاپتا قرار دیے گئے تمام نو افراد کی لاشیں ملبے سے برآمد کر لی گئی ہیں۔
حکام کے مطابق ابتدائی طور پر حادثے کے فوراً بعد دو ہلاکتوں کی تصدیق ہوئی تھی، جبکہ دیگر افراد لاپتا ہو گئے تھے۔ امدادی اور بحالی کی ٹیموں نے پورے ہفتے متاثرہ مقام پر سرچ آپریشن جاری رکھا، جس کے دوران عمارت کے اندر ملبے کو ہٹانے کے ساتھ ساتھ ڈرونز کی مدد سے علاقے کا فضائی جائزہ بھی لیا گیا۔
کاؤلٹز 2 فائر اینڈ ریسکیو کے ڈپٹی چیف کرٹ اسٹیچ نے بتایا کہ امدادی کارکنوں نے انتہائی دشوار حالات میں ملبے کے نیچے پھنسے افراد کی تلاش جاری رکھی اور بالآخر تمام لاپتا افراد کی لاشیں برآمد کر لی گئیں۔
حادثہ منگل کے روز لانگ ویو شہر میں واقع نپون ڈائنو ویو پیکیجنگ (Nippon Dynawave Packaging) کے کارخانے میں پیش آیا، جہاں ’وائٹ لِکر‘ نامی کیمیائی محلول سے بھرا ایک بڑا ٹینک اندرونی دباؤ کے باعث پھٹ گیا تھا۔ یہ محلول سوڈیم ہائیڈرو آکسائیڈ اور سوڈیم سلفائیڈ پر مشتمل ہوتا ہے اور کاغذ کے گودے (Paper Pulp) کی تیاری میں استعمال کیا جاتا ہے۔
حکام کے مطابق متاثرہ ٹینک میں تقریباً 9 لاکھ گیلن (34 لاکھ لیٹر) کیمیائی محلول موجود تھا۔ بعد ازاں کیے گئے ٹیسٹوں سے یہ بات سامنے آئی کہ کچھ مقدار قریبی دریائے کولمبیا تک پہنچ گئی تھی، تاہم اب تک فضائی معیار یا لانگ ویو شہر کے پینے کے پانی پر کسی منفی اثرات کی نشاندہی نہیں ہوئی۔
نپون ڈائنو ویو پیکیجنگ جاپان کی دوسری بڑی کاغذ ساز کمپنی Nippon Paper Industries کی مکمل ملکیتی ذیلی کمپنی ہے۔ جاپانی کمپنی نے 2016 میں سیئٹل کی لکڑی اور جنگلاتی مصنوعات تیار کرنے والی کمپنی Weyerhaeuser سے لانگ ویو کا یہ پلانٹ 225 ملین ڈالر میں خریدا تھا۔
حکام نے کہا ہے کہ حادثے کی مکمل تحقیقات جاری ہیں اور اس بات کا تعین کیا جا رہا ہے کہ ٹینک کے اندر دھماکے یا انہدام کی اصل وجہ کیا تھی۔ ساتھ ہی ماحولیاتی ماہرین بھی قریبی علاقوں میں ممکنہ آلودگی کے اثرات کا مسلسل جائزہ لے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
وزارت آئی ٹی نے 1.67 ارب روپے سے زاید کے فنڈز طلب کرلیے