ہائیکورٹس میں تقرریاں: صدر زرداری نے درجنوں ایڈیشنل ججز کو مستقل کرنے کی منظوری دے دی
اشاعت کی تاریخ: 22nd, January 2026 GMT
صدرِ مملکت نے جوڈیشل کمیشن آف پاکستان کی سفارشات کی روشنی میں سندھ، لاہور اور پشاور ہائیکورٹس کے ایڈیشنل ججز کی توثیق اور مدتِ ملازمت میں توسیع کی منظوری دے دی ہے۔
اس ضمن میں صدرآصف زرداری نے وزیرِ اعظم کے مشورے پر سمری کی منظوری دی۔
صدارتی سیکرٹریٹ کی جانب سے جاری اعلامیے کے مطابق، سندھ ہائیکورٹ کے 10 ایڈیشنل ججز کی بطور مستقل جج توثیق کی گئی ہے۔
یہ بھی پڑھیں: جوڈیشل کمیشن کا بڑا فیصلہ، لاہور ہائیکورٹ کے 11 ججز مستقل
جن میں جسٹس میران محمد شاہ، جسٹس مس تسنیم سلطانہ، جسٹس ریاضت علی سحر، جسٹس محمد حسن، جسٹس عبد الحمید بھُرگی، جسٹس جان علی جونیجو، جسٹس نثار احمد بھنبھرو، جسٹس علی حیدر ’آدا‘، جسٹس محمد عثمان علی ہادی اور جسٹس محمد جعفر رضا شامل ہیں۔
اس کے علاوہ سندھ ہائیکورٹ کے دو ایڈیشنل ججز، جسٹس خالد حسین شاہانی اور جسٹس سید فیض الحسن شاہ کی مدتِ ملازمت میں 6 ماہ کی توسیع بھی منظور کی گئی ہے۔
لاہور ہائیکورٹ کے لیے صدرِ مملکت نے 11 ایڈیشنل ججز کی بطور مستقل جج توثیق کی منظوری دی ہے۔
مزید پڑھیں: اسلام آباد ہائیکورٹ میں تین ججز کی مستقل تعیناتی، حلف برداری کی تقریب
جن میں جسٹس حسن نواز مخدوم، جسٹس ملک وقار حیدر اعوان، جسٹس سردار اکبر علی، جسٹس سید احسن رضا کاظمی، جسٹس ملک جاوید اقبال وینس، جسٹس محمد جواد ظفر، جسٹس خالد اسحاق، جسٹس ملک محمد اویس خالد، جسٹس چوہدری سلطان محمود، جسٹس تنویر احمد شیخ اور جسٹس عبر گل خان شامل ہیں۔
مزید برآں، لاہور ہائیکورٹ کے ایڈیشنل جج جسٹس طارق محمود باجوہ کی مدتِ ملازمت میں بھی 6 ماہ کی توسیع کی منظوری دی گئی ہے۔
مزید پڑھیں: جسٹس میاں گل حسن اورنگزیب نے سپریم کورٹ کے مستقل جج کا حلف اٹھالیا
پشاور ہائیکورٹ کے لیے صدرِ مملکت نے 6 ایڈیشنل ججز کی بطور مستقل جج توثیق کی منظوری دی ہے، جن میں جسٹس محمد طارق آفریدی، جسٹس عبد الفیاض، جسٹس صلاح الدین، جسٹس صادق علی، جسٹس سید مدثر امیر اور جسٹس قاضی جواد احسان اللہ شامل ہیں۔
اسی طرح پشاور ہائیکورٹ کے 4 ایڈیشنل ججز، جسٹس فرح جمشید، جسٹس انعام اللہ خان، جسٹس ثابت اللہ خان اور جسٹس اورنگزیب کی مدتِ ملازمت میں بھی 6 ماہ کی توسیع کی منظوری دے دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آصف زرداری ایڈیشنل جج پشاور ہائیکورٹ توثیق سندھ ہائیکورٹ لاہور ہائیکورٹ مدت ملازمت مستقل جج.
ذریعہ
ذریعہ: WE News
کلیدی لفظ: ایڈیشنل جج پشاور ہائیکورٹ توثیق سندھ ہائیکورٹ لاہور ہائیکورٹ مدت ملازمت لاہور ہائیکورٹ پشاور ہائیکورٹ ایڈیشنل ججز کی کی منظوری دی ہائیکورٹ کے ملازمت میں ایڈیشنل جج اور جسٹس گئی ہے
پڑھیں:
اسلام آباد میں مارکیٹوں اور دکانوں کے اوقات کار میں توسیع کی منظوری
دارالحکومت اسلام آباد میں مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ