بنگلہ دیش حکومت سے مشاورت کے بعد بھارت میں ورلڈ کپ کھیلنے کا حتمی فیصلہ کرے گا
اشاعت کی تاریخ: 22nd, January 2026 GMT
بنگلہ دیش کرکٹ بورڈ کے صدر امین الاسلام نے کہا ہے کہ ٹیم کے لیے بھارت میں ٹی20 ورلڈ کپ کھیلنے کے حوالے سے حکومت سے آخری بار مشاورت کی جائے گی۔
یہ قدم اس وقت اٹھایا جا رہا ہے جب آئی سی سی نے بنگلادیش کے میچز بھارت کے بجائے سری لنکا میں کرانے کے مطالبے کو مسترد کر دیا۔
امین الاسلام نے صحافیوں سے گفتگو میں بتایا کہ ٹیم بھارت کو محفوظ نہیں سمجھتی اور وہ اپنی ترجیح کے طور پر سری لنکا میں میچز کھیلنا چاہتی ہے، تاہم حکومت سے رائے لینے کے بعد ہی حتمی فیصلہ کیا جائے گا۔
یہ بھی پڑھیں:ٹی20 ورلڈ کپ، بھارت میں محفوظ نہیں، بنگلہ دیش کرکٹ بورڈ نے ٹیم بھیجنے سے انکار کردیا
’میں آئی سی سی سے کسی معجزے کی توقع کر رہا ہوں، کون ورلڈ کپ کھیلنا نہیں چاہے گا۔‘
BCB president Aminul Islam is ‘hoping for a miracle’ after the ICC board denied Bangladesh’s request to play their T20 World Cup matches outside of India pic.
— ESPNcricinfo (@ESPNcricinfo) January 21, 2026
ذرائع کے مطابق، اگر بنگلہ دیشی کرکٹ ٹیم بھارت نہ گئی تو آئی سی سی بنگلہ دیش کی جگہ کسی اور ٹیم کو شامل کر سکتا ہے۔
یہ تنازع اس وقت شدت اختیار کر گیا جب بنگلہ دیش کے فاسٹ بولر مستفیض الرحمان کو آئی پی ایل کی کولکتہ نائٹ رائیڈرز ٹیم نے مبینہ دھمکیوں کے بعد باہر کر دیا تھا، جس کے بعد دونوں ممالک کے کرکٹ تعلقات کشیدہ ہو گئے تھے۔
مزید پڑھیں: بنگلہ دیش کرکٹ بورڈ نے ڈائریکٹر فنانس کمیٹی نظم الاسلام کو برطرف کر دیا، امین الاسلام عبوری سربراہ مقرر
ئی سی سی کی جانب سے ٹی20 ورلڈکپ کے حوالے سے بنگلہ دیش کے تحفظات مسترد کرنے کے فیصلے پر بنگلہ دیش کرکٹ بورڈ کے صدر امین الاسلام ڈٹ گئے ہیں۔
انہوں نے ٹی20 ورلڈ کپ کے لیے ٹیم کو بھارت نہ بھیجنے کے مؤقف کو برقرار رکھتے ہوئے حکومت سے مشاورت کے لیے آئی سی سی سے مہلت طلب کی ہے۔
ان کا کہنا ہے کہ موجودہ حالات میں ٹیم کے لیے بھارت جانا محفوظ نہیں سمجھا جارہا، بنگلہ دیش ورلڈ کپ کھیلنے کا خواہاں ہے، تاہم مطالبہ یہی ہے کہ میچز سری لنکا میں منتقل کیے جائیں۔
یہ بھی پڑھیں: ڈائریکٹر بنگلہ دیش کرکٹ بورڈ کا متنازعہ بیان، تمیم اقبال کے حامیوں کے احتجاجی مظاہرے
امین الاسلام کے مطابق حتمی فیصلہ حکومت سیکیورٹی سمیت تمام پہلوؤں کو دیکھ کر کرتی ہے۔
دوسری جانب آئی سی سی نے بنگلہ دیش کے تحفظات مسترد کرتے ہوئے واضح کیا ہے کہ ورلڈ کپ شیڈول کے مطابق ہی ہوگا اور بنگلہ دیش کے میچز بھارت میں کھیلے جائیں گے۔
آئی سی سی کے مطابق سیکیورٹی جائزے میں کھلاڑیوں، آفیشلز، میڈیا اور شائقین کو کسی وینیو پر خطرہ نہیں پایا گیا، جبکہ ٹورنامنٹ کے قریب شیڈول میں تبدیلی قابل عمل نہیں۔
میڈیا رپورٹس کے مطابق اگر بنگلہ دیش ٹیم بھارت نہ گئی تو آئی سی سی بنگلہ دیش کی جگہ کسی اور ٹیم کو شامل کر سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی امین الاسلام بنگلہ دیش بھارت ٹی20 سری لنکا کرکٹ ورلڈ کپ
ذریعہ
ذریعہ: WE News
کلیدی لفظ: امین الاسلام بنگلہ دیش بھارت ٹی20 سری لنکا کرکٹ ورلڈ کپ بنگلہ دیش کرکٹ بورڈ امین الاسلام بنگلہ دیش کے بھارت میں حکومت سے سری لنکا کے مطابق ٹی20 ورلڈ ورلڈ کپ کے بعد کے لیے
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار