قومی اسمبلی اجلاس: ملک میں انٹرنیٹ کے آپشنز پر ارکان اسمبلی پھٹ پڑے
اشاعت کی تاریخ: 22nd, January 2026 GMT
قومی اسمبلی میں ارکان اسمبلی نے ملک میں انٹر نیٹ کے آپشنز پر شدید تنقید کی ہے۔
اسپیکر ایاز صادق کی زیر صدرات قومی اسمبلی کا اجلاس ہوا جس میں ممبران ملک میں انٹرنیٹ کے آپشنز پر پھٹ پڑے۔
اجلاس میں ثناءاللّٰہ مستی خیل نے اظہارِ خیال کرتے ہوئے کہا کہ صورتحال یہ ہے کہ پارلیمنٹ لاجز میں سگنل کا ایشو ہے، باقی ملک کا تو اللّٰہ ہی حافظ ہے۔
انہوں نے کہا کہ لاجز میں کئی بار موبائل کام نہیں کرتا اور کبھی سگنل ڈراپ ہوتا ہے۔
قومی اسمبلی نشے میں دوران ڈرائیونگ قتل خطا پر 10 سال قید اور 5 لاکھ جرمانے کا پیش کردیا گیا۔
ثناءاللّٰہ مستی خیل کا کہنا تھا کہ غیر معیاری انٹرنیٹ سروسز پر کہا جاتا ہے کہ اسکی وجہ سیکیورٹی مسائل ہیں۔
متعدد ارکان اسمبلی نے ملک بھر میں انٹرنیٹ کی بندش اور سست روی پر شدید تنقید کی۔ اراکین کا کہنا تھا کہ حکومت تمام چیزیں آن لائن کر رہی ہے تو نیٹ کی معیاری فراہمی کو بھی یقینی بنایا جائے۔
اجلاس میں پارلیمانی سیکریٹری آئی ٹی سبین غوری نے پارلیمنٹ لاجز میں انٹرنیٹ کی غیر معیاری فراہمی کا اعتراف کیا۔
سبین غوری نے کہا کہ یہ بات درست ہے کی لاجز میں سگنل کبھی نہیں آتے، کبھی کمزور ہوتے ہیں۔
اجلاس میں عالیہ کامران نے کہا کہ بلوچستان میں کوئی انٹرنیٹ نیٹ ورک کام نہیں کرتا، وجوہات کیا ہیں؟ جس پر سبین غوری نے کہا کہ بلوچستان میں انٹرنیٹ ٹاورز کی تنصیب دشواری کا شکار ہیں۔
.
ذریعہ
ذریعہ: Jang News
کلیدی لفظ: میں انٹرنیٹ قومی اسمبلی نے کہا کہ لاجز میں
پڑھیں:
پاکستان انسٹی ٹیوٹ آف فیشن ڈیزائن میں قائممقام وائس چانسلر کی تعیناتی کیلیے سینیٹ کا اجلاس طلب
پاکستان انسٹی ٹیوٹ آف فیشن ڈیزائن میں قائمقام وائس چانسلر کی تعیناتی کیلیے سینیٹ کا اہم اجلاس31 جولائی کو طلب کر لیا گیا جس میں صدر پاکستان و چانسلر کی ہدایات پر قائمقام وی سی کی تعیناتی سے متعلق ایجنڈے پر دوبارہ غور کیا جائے گا۔
تفصیلات کے مطابق صدر پاکستان نے 24اپریل کو ریفرنس وزارت تعلیم کو بھجوایا ہے جس میں بطور چانسلر پاکستان انسٹی ٹیوٹ آف فیشن ڈیزائن ایکٹ کی شق8(6)کے تحت سینٹ کے 17ویں اجلاس کے ایجنڈا نمبر13پر دوبارہ غور کرنے کی ہدایات جاری کی ہیں۔
دستیاب دستاویز کے مطابق 5 جنوری2026 کو ہونے والے سینیٹ کے17ویں اجلاس میں سابق وائس چانسلر پروفیسر حناطیبہ خلیل کو بطور وائس چانسلر کام جاری رکھنے کی منظوری دی گئی حالانکہ پروفیسر حنا طیبہ خلیل دو ٹرم مکمل کر چکی تھیں۔
سینیٹ کی قائمہ کمیٹی برائے تعلیم نے بھی پاکستان انسٹی ٹیوٹ آف فیشن ڈیزائن کے سینٹ اجلاس (جس میں حناطیبہ خلیل کو قائمقام وائس چانسلر ذمہ داریاں جاری رکھنے کی منظوری دی) کو کالعدم قرار دینے کی سفارش کر رکھی۔
قائمہ کمیٹی کی چیئرپرسن بشری انجم بٹ نے اجلاس کے دوان کہا تھا کہ عبوری وائس چانسلر کی تعیناتی سے متعلق ایوان صدر نے واضح کیا تھا کہ ایجنڈے کی منظوری نہیں لی گئی تھی۔
ذرائع نے بتایا کہ بشری انجم بٹ نے پاکستان انسٹی ٹیوٹ آف فیشن ڈیزائن کی وائس چانسلر کی تعیناتی سے متعلق ریفرنس ایوان صدر کو بھجوایا جس میں کہا گیا کہ انسٹی ٹیوٹ کے فیکلٹی ممبران ،افسران اور سٹیک ہولڈرز کی جانب سے الزامات لگائے کہ پروفیسر حناطیبہ خلیل وائس چانسلر بد انتظامی اور اختیارات کے غلط استعمال کی پریکٹس میں ملوث ہیں۔
انسٹی ٹیوٹ کی پروکیورمنٹ اور مالی معاملات میں بے ضابطگیوں سمیت انسٹی ٹیوٹ میں گورننس کے بدترین صورتحال ہے، اس کے علاوہ گرلز ہاسٹل کی تعمیر سے متعلق 450 ملین کے ٹینڈرز میں مبینہ بے ضابطگیاں بھی ہوئی ہیں۔
ایوان صدر نے سینیٹر بشری انجم بٹ کی جانب سے بھجوائے گئے ریفرنس پر اپنی سفارشات وزارت تعلیم کو بھجوا دی ہیں،
وزارت تعلیم کے ذرائع نے سینیٹ اجلاس کی تصدیق کرتے ہوئے کہا ہے کہ ایوان صدر کی ہدایات کی روشنی میں سینئر فیکلٹی ممبر کو ہی قائمقام وائس چانسلر پاکستان انسٹی ٹیوٹ آف فیشن ڈیزائن تعینات کیا جائے گا اور اس حوالے سے سنیارٹی لسٹ منگوا لی گئی ہے،
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا