ہاکی ورلڈکپ کوالیفائرز کے شیڈول کا اعلان
اشاعت کی تاریخ: 22nd, January 2026 GMT
انٹرنیشنل ہاکی فیڈریشن نے ہاکی ورلڈکپ کوالیفائرز کے شیڈول کا اعلان کر دیا، پاکستان ہاکی ٹیم مصر میں ہونے والے ورلڈکپ کوالیفائر میں شرکت کرے گی۔
ایکسپریس نیوز کے مطابق ورلڈکپ کوالیفائر میں انگلینڈ، مصر، ملائیشیا، جاپان، آسٹریا، چین اور یو ایس اے کی ٹیمیں بھی حصہ لیں گی، ورلڈکپ کوالیفائر یکم سے 7 مارچ مصر کے شہر اسماعیلی میں کھیلا جائے گا جس کے لیے ٹیموں کو دو گروپس میں تقسیم کیا گیا ہے۔
ہاکی ورلڈ کپ کے پول اے میں میزبان مصر، انگلینڈ، جاپان اور امریکا اور پول بی میں پاکستان، چین، ملائیشیا اور آسٹریا شامل ہیں۔
پاکستان ایونٹ میں اپنا پہلا میچ یکم مارچ کو چین کے خلاف کھیلے گا، ایونٹ میں قومی ہاکی ٹیم 2 مارچ کو ملائیشیا جبکہ 4 مارچ کو آسٹریا کے خلاف کھیلے گی، ایونٹ کے سیمی فائنلز 6 مارچ اور فائنل 7 مارچ کو کھیلا جائے گا۔
ایف آئی ایچ ورلڈکپ کی میزبانی بیلجیئم اور ہالینڈ کریں گے۔
.
ذریعہ
ذریعہ: Express News
کلیدی لفظ: مارچ کو
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا