فیفا صدر جیانی انفینٹینو کا جلد پاکستان آنے کا اعلان، فٹبال کی ترقی کے لیے تعاون بڑھانے کا عزم
اشاعت کی تاریخ: 23rd, January 2026 GMT
فیفا کے صدر جیانی انفینٹینو نے جلد پاکستان آنے کا اعلان کرتے ہوئے فٹبال کے فروغ کے لیے تعاون بڑھانے کے عزم کا اظہار کیا ہے۔ سوئٹزرلینڈ کے شہر ڈیووس میں سائیڈ لائنز پر دیے گئے ایک انٹرویو میں انہوں نے بتایا کہ وہ وزیراعظم شہباز شریف سے پاکستان آنے کا وعدہ کر چکے ہیں۔ جیانی انفینٹینو نے پاکستان فٹبال فیڈریشن کے نئے صدر کی کارکردگی کو سراہتے ہوئے کہا کہ وہ بہترین کام کر رہے ہیں۔ انہوں نے پاکستان کو فٹبال کا ایک عظیم ملک قرار دیتے ہوئے خواہش ظاہر کی کہ پاکستان کو ایشیا کی صفِ اول کی فٹبال ٹیموں میں شامل کیا جانا چاہیے۔ فیفا صدر کا کہنا تھا کہ پاکستان میں فٹبال کھلاڑیوں میں بے پناہ صلاحیت موجود ہے اور ہر باصلاحیت کھلاڑی کو آگے بڑھنے کے مواقع فراہم کیے جانے چاہئیں۔ واضح رہے کہ فیفا اور پاکستان کے درمیان تعلقات میں مسلسل بہتری آ رہی ہے اور گزشتہ ماہ پاکستانی قانون ساز سیدہ آمنہ بتول کو فیفا کی انسٹی ٹیوشنل ریفارمز کمیٹی میں شامل کیا جانا اس بڑھتے ہوئے تعاون کا اہم ثبوت ہے۔
.
ذریعہ
ذریعہ: Nawaiwaqt
پڑھیں:
پاکستان کے خلاف ٹیسٹ سیریز: ویسٹ انڈیز نے 15 رکنی اسکواڈ کا اعلان کر دیا
پاکستان کے خلاف دو ٹیسٹ میچوں کی سیریز کے لیے ویسٹ انڈیز نے 15 رکنی اسکواڈ کا اعلان کر دیا۔
ویسٹ انڈیز کی قیادت روسٹن چیز کریں گے جبکہ جومیل واریکن کو نائب کپتان مقرر کیا گیا ہے۔
اسکواڈ میں جوشوا بیشپ، تیج نارائن چندرپال، جوشوا ڈی سلوا، جسٹن گریوز، کیوم بوج، شے ہوپ، عامر جینگو، شیمار جوزف، برینڈن کنگ، کرک میک کینزی، گڈاکیش موتی، کیمو پال، کیمار روچ، جیڈن سیلز اور جومیل واریکن شامل ہیں۔
واضح رہے کہ پاکستان اور ویسٹ انڈیز کے درمیان دو ٹیسٹ میچوں کی سیریز کا آغاز 25 جولائی سے ہوگا۔
View this post on Instagramقومی ٹیم نے آخری مرتبہ 2023 میں سری لنکا کو اس کی سرزمین پر 2-0 سے ٹیسٹ سیریز میں شکست دی تھی، تاہم اس کے بعد پاکستان مسلسل سات بیرونِ ملک ٹیسٹ میچ ہار چکا ہے۔
اس سیریز میں پاکستان کی قیادت دوبارہ بابر اعظم کر رہے ہیں جنہیں شان مسعود کی جگہ ٹیسٹ ٹیم کا کپتان مقرر کیا گیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار