سانحہ گل پلازا کے بعد ملک بھر میں تشویش کی لہر دوڑ گئی
اشاعت کی تاریخ: 23rd, January 2026 GMT
فوٹو: سوشل میڈیا
کراچی کے سانحہ گل پلازا میں قیمتی انسانی جانوں کے ضیاع کے بعد ملک بھر میں تشویش کی لہر دوڑ گئی ہے۔
لاہور سمیت پنجاب کے مختلف شہروں میں بھی ایسی کئی عمارتیں موجود ہیں جن میں فائر سیفٹی اور ہنگامی انخلا کے معاملے کو خاطر میں نہیں لایا گیا۔
لاہور میں کئی ایسی عمارتیں ہیں جن میں نا تو فائر سیفٹی کا انتظام ہے اور نا ہی انخلا کا مناسب راستہ ہے۔
سیکریٹری ایمرجنسی سروسز پنجاب ڈاکٹر رضوان نصیر کا کہنا ہے کہ صوبے میں 2 ہزار 214 عمارتوں کا سروے مکمل ہوچکا ہے جن میں سے 14 کو انتہائی مخدوش قرار دیا گیا ہے۔
انہوں نے کہا کہ ایک لاش کی شناخت قومی شناختی کارڈ سے ہوئی تھی اور ایک لاش کی شناخت گلے میں پہنے لاکٹ سے کی گئی ہے۔
ڈاکٹر رضوان نصیر کے مطابق ایسی ایک عمارت فیصل آباد اور 13 لاہور میں ہیں، بلڈنگ سیفٹی کوڈ کو یقینی بنائے بغیر نقصان کا اندیشہ رہے گا۔
انہوں نے کہا کہ ہر عمارت میں ہر 100 فٹ کے بعد سیڑھیاں، فائر الارم اور انخلا کا مناسب راستہ لازمی ہونا چاہئے، جنوبی ایشیا میں ریسکیو پنجاب کے پاس وہ ٹیم موجود ہے جو اقوام متحدہ سے سرٹیفائیڈ ہے۔
ڈاکٹر رضوان نصیر نے بتایا کہ آگ بجھانے کے لیے پانی اور فوم کا استعمال کیا جاتا ہے، عملے کی تربیت اولین ترجیح ہے۔
ان کا مزید کہنا تھا کہ پنجاب میں ریسکیو 1122 کے پاس 281 فائر وہیکلز، 74 ریسکیو وہیکلز، 20 اسپیشلائزڈ فائر اینڈ ریسکیو وہیکلز اور 2 ہزار 446 ٹرینڈ فائر ریسکیورز موجود ہیں، جو ماڈرن فائر فائٹنگ کو جانتے ہیں۔
سیکریٹری ایمرجنسی سروسز پنجاب نے کہا کہ لاہور میں 23 فائر اسٹیشنز ہیں، وہ اب تک ایک کروڑ 90 لاکھ لوگوں کو ریسکیو کرچکے ہیں جبکہ 8 منٹ کا ریسپانس ٹائم بھی برقرار رکھا ہے۔
ریسکیو حکام کے مطابق آگ لگنے کے زیادہ تر واقعات شارٹ سرکٹ، گیس لیکیج اور حفاظتی اقدامات کی کمی کے باعث پیش آتے ہیں۔
ریسکیو حکام کے مطابق اگر عمارتوں کی تعمیر کے وقت حفاظتی اقدامات کو بھی مدنظر رکھا جائے تو کسی بڑے نقصان سے بچا جا سکتا ہے۔
.
ذریعہ
ذریعہ: Jang News
پڑھیں:
ڈرائیونگ لائسنس سے متعلق بڑا فیصلہ، اہم شرط بھی ختم
حکومتِ پنجاب نے ٹریفک نظام کو جدید خطوط پر استوار کرتے ہوئے شہریوں کے لیے ایک بہترین اور زبردست سہولت والے اقدام کا اعلان کیا ہے۔
حکومتی فیصلے کے مطابق اب صوبے بھر میں گاڑی یا موٹر سائیکل چلانے والوں کو ہر وقت پلاسٹک یا کاغذی ڈرائیونگ لائسنس اپنے ساتھ رکھنے کی ضرورت نہیں ہوگی، بلکہ ان کے موبائل فون میں موجود ’ای ڈرائیونگ لائسنس‘ کو قانونی طور پر مکمل قابل قبول قرار دے دیا گیا ہے۔
ڈی ایل آئی ایم ایس کا جدید ڈیجیٹل نظامپنجاب ٹریفک پولیس کے اعلیٰ حکام کے مطابق یہ نیا اور پیپر لیس نظام ’ڈرائیونگ لائسنس انفارمیشن مینجمنٹ سسٹم (ڈی ایل آئی ایم ایس) کے تحت کام کرے گا۔
یہ بھی پڑھیں:پنجاب میں 16 تا 18 سال کے بچوں کے ڈرائیونگ لائسنس کا اجرا شروع
اس اسمارٹ ڈیجیٹل اقدام کا بنیادی مقصد روایتی کاغذی کارروائی اور لائسنس گم ہونے یا گھر بھول جانے کے باعث شہریوں کو چالان کے خوف سے نجات دلانا اور ٹریفک کے پورے نظام کو تیز رفتار اور مؤثر بنانا ہے۔
موبائل فون پر لائسنس دکھائیں اور چالان سے بچیںنئے قوانین کے تحت اب سڑک پر موجود ٹریفک وارڈنز اور اہلکاروں کے لیے موبائل اسکرین پر دکھایا جانے والا ڈیجیٹل لائسنس ہی حتمی اور درست تصور کیا جائے گا۔
پولیس کے اعلیٰ حکام نے سخت ہدایات جاری کرتے ہوئے واضح کیا ہے کہ اگر کوئی بھی ٹریفک اہلکار، شخص یا ادارہ اس ڈیجیٹل لائسنس کو تسلیم کرنے سے انکار کرے، تو شہری اس کے خلاف فوری طور پر قانونی شکایت درج کروا سکتے ہیں۔
شکایت کے لیے واٹس ایپ نمبر اور ہیلپ لائن جاریٹریفک پولیس پنجاب نے شہریوں کی سہولت اور کسی بھی قسم کی بدتمیزی یا انکار کی صورت میں فوری ایکشن کے لیے درج ذیل رابطے فراہم کیے ہیں، سرکاری ہیلپ لائن نمبر1787 جبکہ آفیشل واٹس ایپ نمبر 03184642936 ہوگا۔
مزید پڑھیں:دبئی کا ڈرائیونگ لائسنس پاکستان میں نہیں چلے گا، ٹریفک پولیس نے اوورسیز پاکستانی کا چالان کردیا
پولیس حکام کا کہنا ہے کہ تمام متعلقہ اداروں اور اہلکاروں کے لیے ای لائسنس کو قبول کرنا لازمی ہوگا اور اس حکم کی خلاف ورزی کرنے والوں کے خلاف سخت محکمانہ کارروائی کی جائے گی۔
ڈاؤن لوڈ کرنے کا طریقہ کارشہری اپنا پورٹیبل ای ڈرائیونگ لائسنس انتہائی آسانی سے حاصل کر سکتے ہیں۔ اس کے لیے انہیں پنجاب حکومت کی آفیشل ویب سائٹ https://dlims.punjab.gov.pk/elicense پر جانا ہوگا، جہاں وہ اپنا شناختی کارڈ نمبر اور دیگر مطلوبہ معلومات درج کر کے اپنا لائسنس دیکھ اور پی ڈی ایف فارمیٹ میں موبائل میں محفوظ کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پورٹیبل ٹریفک پولیس پنجاب ڈاؤن لوڈ ڈرائیونگ ڈی ایل آئی ایم ایس شہری لائسنس موبائل فون ہیلپ لائن
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ