پنجاب میں ’اپنا کھیت اپنا روزگار پروگرام‘ شروع کرنے کا فیصلہ
اشاعت کی تاریخ: 23rd, January 2026 GMT
— فائل فوٹو
پنجاب میں ’اپنا کھیت اپنا روزگار پروگرام‘ شروع کرنے کا فیصلہ کر لیا گیا۔
مریم نواز کی زیر صدارت پنجاب کابینہ کا 32واں اجلاس ہوا جس میں یہ فیصلہ کیا گیا کہ صوبے بھر میں زرعی سرکاری اراضی کاشت کے لیے دی جائے گی۔
اجلاس میں 50 ہزار افراد کو کاشت کے لیے سرکاری زمین دینے کے لیے فوری اقدامات کرنے کی ہدایت جاری کردی گئی ہے۔
اس کے علاوہ نوجوانوں کے لیے سی سی ڈی، ایکسائز، ہوم ڈپارٹمنٹ اور دیگر ڈیپارٹمنٹس میں سیکڑوں اسامیوں کی منظوری بھی دے دی ہے۔
اجلاس میں پنجاب میں نئے سفری انقلاب کے بعد اب تحصیل میں بھی شاندار گرین بسں چلیں گی۔
وزیر اعلیٰ پنجاب مریم نواز نے گھروں کی توسیع کے لیے بلاسود قرضوں کے اجراء کی منظوری دے دی۔
مریم نواز نے الیکٹرک بس سروس شروع کرنے کے لیے 1 ہزار گرین بسیں منگوانے کی بھی ہدایت کردی۔
اجلاس میں 25 مارچ سے الیکٹرک بس میں کیش لیس ادائیگی سسٹم نافذ کرنے کا بھی فیصلہ کر لیا گیا اور یہ سسٹم نافذ ہونے کے بعد کیش ادائیگی کی صورت میں مسافر کو الیکٹرک بس میں زیادہ کرایہ ادا کرنے پڑے گا۔
اس حوالے سے کابینہ نے ٹی کیش کارڈ، بینک کارڈ سسٹم 25 مارچ سےنافذ کرنے کی منظوری دے دی۔
پنجاب کی ثقافت، لائیو اسٹاک کے فروغ کےلیے تمام اضلاع میں ہارس اینڈ کیٹل شو کروانےکا فیصلہ کیا ہے اور ہر ضلع میں ہارس اینڈ کیٹل شو کی طرز پر تقریبات منعقد کروانے کا حکم دیا ہے۔
.
ذریعہ
ذریعہ: Jang News
پڑھیں:
مریم نواز کا اربن فلڈنگ اور سیلاب سے نمٹنے کے لیے وسائل بروئے کار لانے کا حکم
وزیر اعلیٰ پنجاب مریم نواز نے اربن فلڈنگ اور سیلاب سے نمٹنے کے لیے انسانی و مکینل وسائل بروئے کار لانے کا حکم دے دیا ہے۔ وزیر اعلیٰ پنجاب مریم نواز کا کہنا ہے کہ دریاؤں، ڈیموں اور بیراج پر نہانے پر پابندی یقینی بنائی جائے اور دریاؤں، ڈیموں اور بیراج کی ڈرون سے مانیٹرنگ کی جائے۔انہوں نے کہا کہ عوام کو بارش اور فلڈ سے آگاہ کرنے کے لیے مساجد اور میڈیا پر اعلانات کیے جائیں۔کرنٹ لگنے سے ہلاکتوں پر مریم نواز نے لیسکو اور دیگر بجلی تقسیم کار کمپنیوں کو نوٹس لینے کا حکم دیتے ہوئے کہا کہ بجلی تقسیم کار کمپنیوں کی غفلت کی وجہ سے لوگ جان سے ہاتھ دھو رہے ہیں۔انہوں نے کہا کہ کھمبوں پر بجلی کے بے ہنگم لٹکتے تار انسانی جانوں کے لیے خطرہ بن چکے ہیں۔ وزیر اعلیٰ نے واسا کمپلینٹ ہیلپ لائن پر فوری ایکشن کا ریکارڈ مرتب کرنے کی ہدایت کی۔مریم نواز نے مون سون کے دوران ہر کنسٹرکشن سائٹ کو باقاعدہ محفوظ بنانے کی ہدایت دی اور کہا کہ انتظامیہ خستہ حال عمارتوں کا جائزہ لے کر رضاکارانہ طور پر خالی کروائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار