گل پلازہ کےتمام دکانداروں کو 5،5 لاکھ روپے دیے جائیں گے، وزیر اعلیٰ سندھ مراد علی شاہ
اشاعت کی تاریخ: 23rd, January 2026 GMT
وزیراعلیٰ سندھ مراد علی شاہ نے کہا ہے کہ گل پلازہ آتشزدگی سے تاجروں کے نقصان کا ازالہ کیا جائے گا، صوبائی حکومت ہر تاجر کو 5،5 لاکھ روہے دے گی۔
سندھ اسمبلی میں اظہار خیال کرتے ہوئے وزیراعلیٰ سندھ مراد علی شاہ نے کہا ہے کہ گل پلازہ کی عمارت کی لیز ختم ہونے سے متعلق دعوے غلط ہیں اور اس سانحے کو بلاوجہ سیاسی رنگ دیا جا رہا ہے۔
نجی ٹی وی پر نشر ہونے والی گفتگو میں مراد علی شاہ کا کہنا تھا کہ گل پلازہ کی عمارت کا ذوالفقار علی بھٹو یا آصف علی زرداری سے کوئی تعلق نہیں ہے اور نہ ہی یہ عمارت 1983 یا 1984 میں قائم کی گئی تھی۔ ان کے مطابق گل پلازہ کی اصل عمارت مختلف ادوار میں تعمیر اور ریگولرائز کی گئی۔
وزیراعلیٰ سندھ نے بتایا کہ گل پلازہ کی ابتدائی لیز 1884 میں 99 سال کے لیے دی گئی تھی، جو 1983 میں مکمل ہوئی، تاہم اس کے بعد لیز کی تجدید نہیں کی گئی۔ بعد ازاں 1991 میں 18 سال کے لیے نئی لیز دی گئی، جو 2001 میں ختم ہو گئی۔ انہوں نے کہا کہ 2001 میں ایک بار پھر لیز میں 18 سال کی توسیع کی گئی۔
مراد علی شاہ کے مطابق گل پلازہ کی عمارت کی تعمیر مختلف مراحل میں ہوئی، ایک عمارت 1998 میں تعمیر کی گئی جسے باقاعدہ طور پر ریگولرائز کیا گیا، جبکہ بعض حصے 1991 میں بنائے گئے تھے۔ انہوں نے کہا کہ ماضی میں ہونے والے اقدامات کو موجودہ حکومت یا 18ویں ترمیم سے جوڑنا درست نہیں۔
وزیراعلیٰ سندھ نے کہا کہ گل پلازہ کے سانحے کا ذمہ دار کسی ایک فرد یا سیاسی جماعت کو قرار دینا حقائق کے منافی ہے اور یہ تمام فیصلے 18ویں ترمیم سے پہلے کے ادوار میں کیے گئے تھے۔ ان کا کہنا تھا کہ موجودہ حکومت ماضی کی بدانتظامی کے نتائج سے نمٹ رہی ہے۔
انہوں نے بتایا کہ گل پلازہ آتشزدگی کے واقعے میں جاں بحق افراد کی شناخت کے لیے ڈی این اے ٹیسٹ کا عمل جاری ہے، جبکہ متعدد لاشیں نکالی جا چکی ہیں اور کچھ افراد تاحال لاپتا ہیں۔ حکومت واقعے کی مکمل تحقیقات کر رہی ہے تاکہ اصل حقائق سامنے لائے جا سکیں۔
وزیراعلیٰ سندھ کا کہنا تھا کہ صوبائی حکومت متاثرہ خاندانوں کو تنہا نہیں چھوڑے گی اور ذمہ داران کے تعین کے بعد قانون کے مطابق کارروائی کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: مراد علی شاہ کہ گل پلازہ گل پلازہ کی کے لیے نے کہا کی گئی
پڑھیں:
بانی جس دن محمود اچکزئی سے مطمئن نہیں ہوں گے ہٹادیے جائیں گے، جنید اکبر
پاکستان تحریک انصاف (پی ٹی آئی) رہنما جنید اکبر نے کہا ہے کہ جس دن بانی پی ٹی آئی محمود اچکزئی سے مطمئن نہیں ہوں گے ہٹادیے جائیں گے۔
راولپنڈی کے اڈیالہ روڈ پر میڈیا سے گفتگو میںپی ٹی آئی خیبر پختونخوا کے صدر جنید اکبر نے کہا کہ خیبر پختونخوا میں بجٹ پاس کرنا ہے یا نہیں فیصلہ پارٹی کرے گی۔
بانی پی ٹی آئی کی ہمشیرہ علیمہ خان نے نے کہا کہ حکمراں اتنے خوفزدہ ہیں کہ بشریٰ بی بی کی فیملی کو بتایا ہوا ہے باہر جا کر بات نہیں کرنا۔
انہوں نے کہا کہ سہیل آفریدی کو وزیراعلیٰ بانی پی ٹی آئی نے نامزد کیا ہے، جب تک وہ ہیں ہر ایم پی اے ان کو ہی ووٹ دے گا، میں چیلنج کرتا ہوں کوئی ایک ایم پی اے کو توڑ کر دکھائے۔
جنید اکبر نے مزید کہا کہ ان کی کوئی حیثیت نہیں کہ کوئی فارورڈ بلاک بناسکے، کل 7 ناراض ایم پی ایز سے ملے ہیں، جن کی شکایات کو حل کریں گے۔
اُن کا کہنا تھا کہ محمود اچکزئی کو ذمے داری بانی پی ٹی آئی نے دی، اس پر نہ میں بول سکتا ہوں اور نہ ہی کوئی اور بات کرسکتا ہے، جس دن بانی پی ٹی آئی محمود اچکزئی سےمطمئن نہیں ہوں گے ہٹادیے جائیں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ