کراچی سانحات ، حادثات و جرائم کا شہر ،وزیر اعلیٰ و قابض میئر نا اہل و ناکام ثابت ہوئے ،منعم ظفر
اشاعت کی تاریخ: 24th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) امیرجماعت اسلامی کراچی منعم ظفر خان نے کہا ہے کہ کراچی سانحات ، حادثات اور جرائم کا شہر بن گیا ہے ، وزیر اعلیٰ و قابض میئر نا اہل اورعوام کو ریلیف دینے میں مکمل طور پر ناکام ثابت ہوئے ہیں ، پیپلز پارٹی کی صوبائی حکومت کو شہرکے تباہ حال انفرا اسٹرکچر ، عوامی مسائل اور شہریو ں کی جان و مال کے تحفظ کی کوئی فکر نہیں ، پیپلز پارٹی کے 17سالہ بدترین دور ِ حکمرانی نے کراچی کو تباہ و برباد کر دیا ہے ، جماعت اسلامی اہل کراچی کو تنہا نہیں چھوڑے گی ، اتوار یکم فروری کو 3بجے دن شاہراہ فیصل پر عظیم الشان اور تاریخی ’’جینے دو کراچی مارچ‘‘ منعقد ہوگا ، جس میں شہر بھر سے مرد و خواتین ، نوجوان ، طلبہ و اساتذہ ، علمائے کرام ، وکلاء ، تاجر ، مزدور بڑی تعداد میں شریک ہوں گے ، ہمارا مطالبہ ہے کہ سانحہ گل پلازہ کی حاضر سروس جج سے عدالتی تحقیقات کروائی جائے مجرمانہ غفلت و لاپرواہی کے مرتکب افراد کے خلاف سخت کارروائی اور قرار واقعی سزا دی جائے ، متاثرہ تاجروں کو متبادل جگہ ، نقصانات کا ازالہ اور لواحقین کو معاوضے کی فی الفور ادائیگی کی جائے ، ان خیالات کا اظہار انہوں نے ادارہ نور حق میں امراء اضلاع کے اجلاس سے صدارتی خطاب کرتے ہوئے کیا ۔ منعم ظفر خان نے مزید کہا کہ اہل کراچی حکومتی نا اہلی و بد انتظامی اور سندھ حکومت اور قابض میئر کی مسائل کے حل سے عدم دلچسپی کے باعث مسلسل اذیت کا شکار اور مسائل کے دلدل میں دھنستے جارہے ہیں ، تباہ حال انفراا سٹرکچر ، ٹوٹی پھوٹی سڑکیں ، ٹرانسپورٹ کی غیر موجودگی ، پانی کی قلت ، ترقیاتی منصوبوں کی عدم تکمیل شہریوں کے لیے عذاب ِ جان بنے ہوئے ہیں ، ایک طرف بچے اور عام شہری خونی ڈمپر و ٹینکر اور کھلے مین ہولوں کے باعث اپنی جان گنوا رہے ہیں تو دوسری طرف دن دہاڑے مسلح ڈاکوئوں کی گولیوں کا نشانہ بن رہے ہیں جبکہ صوبائی وزراء اور قابض میئر کسی بھی قسم کی ذمہ داری قبول کرنے ، سنجیدہ ، ٹھوس اور عملی اقدامات کرنے کے بجائے صرف بیانات اور اعلانات کرنے میں لگے ہوئے ہیں ، منعم ظفر خان کی زیر صدارت ہونے والے امراء اضلاع کے اجلاس میں ’’جینے دو کراچی مارچ‘‘ کی تیاریوں و انتظامات کے حوالے سے بھی اہم فیصلے اور اقدامات کیے گئے اور طے کیا گیا کہ مارچ میں شہریوں کی کثیر تعداد کی شرکت کو یقینی بنانے کے لیے عام شہریوں ، تاجروں ، علماء کرام،وکلاء سمیت مختلف طبقات سے وابستہ افراد سے بھر پور رابطہ کیا جائے گا ، پہلے سے جاری ممبر سازی و عوامی رابطہ مہم کو مزید تیز کیا جائے گا ، شہر بھر میں کیمپ لگائے ، ہزاروں بینرز آویزاں اور ہینڈ بلز تقسیم کیے جائیں گے ، سانحہ گل پلازہ کے متاثرین سے بھی مزید ملاقاتیں کی جائیں گی ، اجلاس میں یوسی کی سطح پر عوامی کمیٹیوں کی تشکیل اور ممبر سازی مہم کا بھی جائزہ لیا گیا اور اس عزم کا اظہار کیا گیا کہ عوامی مسائل کے حل کی جدو جہد جاری رہے گی ۔
امیر جماعت اسلامی کراچی منعم ظفر خان’’ سانحہ گل پلازہ و جینے دو کراچی مارچ‘‘ کے سلسلے میں ادارہ نورحق میں امراء اضلاع کے اجلاس سے خطاب کررہے ہیں
اسٹاف رپورٹر
سیف اللہ
ذریعہ
ذریعہ: Jasarat News
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا