اسرائیل ایران پر حملے کیلئے موقع کی تلاش میں ہے، ترک وزیر خارجہ
اشاعت کی تاریخ: 24th, January 2026 GMT
ایک انٹرویو میں ترک وزیر خارجہ کا کہنا تھا "جب میں گزشتہ دنوں تہران گیا تھا، تو میں نے ایک دوست کی حیثیت سے انہیں اس تمام عمل کے بارے میں سب کچھ بتا دیا تھا۔ اور آپ جانتے ہیں کہ دوست کڑوی سچائی ہی بیان کرتا ہے۔" تاسلام ٹائمز۔ ترک وزیر خارجہ ہاکان فیدان نے خبردار کیا ہے کہ ایسے آثار موجود ہیں جن سے ظاہر ہوتا ہے کہ اسرائیل ایران پر حملے کے لیے کسی موقع کی تلاش میں ہے، انہوں نے متنبہ کیا کہ ایسا قدم خطے کو مزید عدم استحکام کا شکار کر سکتا ہے۔ جمعہ کے روز ترک نشریاتی ادارے کو دیے گئے ایک انٹرویو میں فیدان نے کہا، "مجھے امید ہے کہ وہ کوئی دوسرا راستہ تلاش کر لیں گے، لیکن حقیقت یہ ہے کہ خاص طور پر اسرائیل، ایران پر ضرب لگانے کے لیے موقع ڈھونڈ رہا ہے۔" جب ان سے خاص طور پر پوچھا گیا کہ کیا یہ تشخیص امریکہ اور اسرائیل دونوں پر صادق آتی ہے، تو فیدان نے واضح کیا کہ خاص طور پر اسرائیل اس طرح کے موقع کی تلاش میں ہے۔ ترک وزیر خارجہ نے مزید کہا کہ انہوں نے ایران کے حالیہ دورے کے دوران وہاں کے حکام کو براہ راست آگاہ کر دیا ہے۔ ان کا کہنا تھا "جب میں گزشتہ دنوں تہران گیا تھا، تو میں نے ایک دوست کی حیثیت سے انہیں اس تمام عمل کے بارے میں سب کچھ بتا دیا تھا۔ اور آپ جانتے ہیں کہ دوست کڑوی سچائی ہی بیان کرتا ہے۔" ترک وزیر خارجہ کا یہ بیان ترک صدر رجب طیب اردوان کی جانب سے جمعرات کو اپنے ایرانی ہم منصب مسعود پزشکیان کے ساتھ ٹیلی فونک گفتگو کے بعد سامنے آیا ہے۔اردوان نے کہا تھا کہ ترکیہ، ایران میں کسی بھی غیر ملکی مداخلت کا مخالف ہے اور وہ اپنے پڑوسی ملک کے امن و استحکام کو قدر کی نگاہ سے دیکھتا ہے۔
.
ذریعہ
ذریعہ: Islam Times
پڑھیں:
سعودی عرب ابراہام معاہدوں میں شامل ہوا تو یہ تاریخی پیش رفت ہوگی؛ اسرائیلی وزیراعظم
امریکی صدر ڈونلڈ ٹرمپ نے سعودی عرب کے ساتھ جوہری معاہدے کے لیے اسرائیل سے تعلقات کی بحالی سے مشروط کردیا۔
عالمی خبر رساں ادارے کے مطابق اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہام معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک ’’تاریخی جست‘‘ ثابت ہوگی۔
نیتن یاہو نے اپنے بیان میں مزید کہا کہ سعودی عرب کی ابراہام معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام اور تعاون کے امکانات بھی بڑھ جائیں گے۔
خیال رہے کہ اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے سول جوہری پروگرام کو اسرائیل سے تعلقات معمول پر لانے سے مشروط کرنے کے بعد سامنے آیا ہے۔
کچھ دیر قبل ہی امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی منظوری اس وقت تک نہیں دی جائے گی جب تک سعودیہ ابراہام معاہدوں میں شامل نہیں ہوجاتا۔
صدر ڈونلڈ ٹرمپ نے اپنی پوسٹ میں یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیم افزودگی کی اجازت نہیں دی جائے گی۔
یاد ہے کہ ایک روز قبل جب جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب کے اسرائیل سے تعلقات معمول پر لانے کی شرط سے نہیں جوڑا تھا تاہم بعد میں انھوں نے واضح کیا کہ دونوں معاملات ایک دوسرے سے منسلک ہیں۔
ادھر سعودی حکومت نے تاحال صدر ٹرمپ کے تازہ بیان پر کوئی باضابطہ ردعمل نہیں دیا تاہم ریاض متعدد مواقع پر واضح کرچکا ہے کہ وہ اس وقت تک اسرائیل کو تسلیم نہیں کرے گا جب تک فلسطینی ریاست کے قیام کے لیے قابلِ عمل اور واضح راستہ موجود نہ ہو۔
سعودی عرب کا مؤقف رہا ہے کہ 1967 کی سرحدوں کی بنیاد پر آزاد فلسطینی ریاست کا قیام، مشرقی یروشلم کو اس کا دارالحکومت بنانا اور فلسطینی عوام کے جائز حقوق کا تحفظ اسرائیل سے تعلقات کی بحالی کے لیے بنیادی شرائط ہیں۔
ابراہام معاہدے کیا ہیں؟
ابراہام معاہدے 2020 میں امریکی ثالثی کے تحت طے پائے تھے جن کے نتیجے میں متحدہ عرب امارات، بحرین، سوڈان اور مراکش نے اسرائیل کے ساتھ سفارتی تعلقات قائم کیے۔ بعد ازاں قازقستان نے بھی معاہدے کی حمایت کا اعلان کیا تاہم سعودی عرب اب تک اس کا حصہ نہیں بنا۔
ان معاہدوں کا مقصد اسرائیل کے عرب و مسلم ممالک کے ساتھ سفارتی، اقتصادی اور سکیورٹی تعاون کو فروغ دینا تھا لیکن غزہ جنگ اور فلسطینی مسئلے کے باعث سعودی عرب نے اسرائیل کے ساتھ تعلقات معمول پر لانے کا عمل روک رکھا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا